Nshɛ 87:7 - EBƆRƐ BE KAWƆL

⁷ nɛ bumo be bekama nɛ baaŋ baa boŋ nshɛ a cha na e baa kaŋɛ le: “Anyi alɛ gba la Jerusalɛm to be ndetobia gbagba nna.”

Nshɛ 87:7 ပူးပေါင်းရင်းမြစ်များ

2 Samuɛl 6:14

Deevid daŋ dela wajɛ fuful nawule mbe kashɛr to nna nseŋ ta mbe eleŋ kikɛ n cha m maŋkura Enyɛnpe Ebɔrɛ.

1 Kronikɛls 23:5

nɛ basa ŋgboŋ ana malɛ bee kuŋ bɔrɛlambu na nɛ ŋgboŋ ana malɛ bee ta alaŋsɔ nɛ ewura sa bumo na a laŋ a maŋkura Enyɛnpe Ebɔrɛ.

Nshɛ 149:3

Men ta echakachaka nɛ ejaŋjilaŋ a boŋ nshɛ nsaa cha a dele Enyɛnpe Ebɔrɛ na be ketre.

Nshɛ 36:9

Fo kutɔ nɛ ŋkpa kikɛ shi; nɛ fo kefulto bee bugi anyi be anishi nɛ anyee pin fo.

Nshɛ 46:4

eboŋ ko wɔtɔ nna a shile boeŋ boeŋ, a bar kagbenefuli ashi Ebɔrɛ be kadegboŋ cheembi nɛ Enyɛnpetale Ebɔrɛ na wɔ kumo be basa to na so.

Nshɛ 68:26

Le nɛ baa ponte a kaŋɛ: “Men fur Enyɛnpe Ebɔrɛ ashi mbe basa Israɛlebi be nshɛr to.”

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Ezikɛl 47:1

Ade kikɛ be kaman nɛ kanyɛn na bɛta ma n yɔ bɔrɛlambu na to, ndoŋ nɛ n wu kabombi ko ka bee shile kabuna na be kaseto a yɔ epeŋitɔrkpa be kaba so. K fara bɔrɛlambu na be kelargato be esoso na nna a shile m ba bɔla bɔrɛsure na ase m baŋɛ kelɔnɛ na to a yɔ epeŋilarkpa be kaba so.

Baru lela nɛ Jɔn kute na 1:16

Mbe kuwɔr be kakɛ nɛ k bɔlɔ mo to felɛlɛ na to nɛ e nɛfa anyi nseŋ kraa wɔtɔ a nɛfa a nɛfa anyi.

Baru lela nɛ Jɔn kute na 4:10

Nɛ Yesu kaŋɛ mo: “Keni alako fo daa nyi Ebɔrɛ be kakɛ nna nseŋ daa nyi esa nɛ e bee kule fo nchu nuuso ere, fo daa beeŋ kule mo nɛ e sa fo nchu nɛ a bee sa ŋkpa.”

Baru lela nɛ Jɔn kute na 4:14

ama esa kama nɛ e nuu nchu nɛ meeŋ sa mo na maaŋ naŋ shu achukoŋ kikɛ. Kashenteŋto, nchu nɛ meeŋ sa amodoŋwura na beeŋ baa wɔ mo to a bul fanɛ ketirbu na a sa mo ŋkpa nɛ k maŋ kɔ ekar na.”

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Kelaraŋŋini 21:6

Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.

Kelaraŋŋini 22:1

Malaika na daŋ ŋini ma ŋkpa be lɔr be nchu gba nɛ a bee wu to fanɛ abɔrɛjembubi ashi Ebɔrɛ nɛ Kpakpafɔlbi be kuwurputiakpa

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.