Nshɛ 87:5 - EBƆRƐ BE KAWƆL

⁵ Kashenteŋto, kusɔ nɛ baaŋ baa kaŋɛ a laŋɛ Jerusalɛm be kaplɛa so nde: “Jerusalɛm to nɛ b kurge kuti nɛ kuti. Enyɛnpetale Ebɔrɛ na malɛ e naa sa kumo eleŋ.”

Nshɛ 87:5 ပူးပေါင်းရင်းမြစ်များ

Nshɛ 48:8

An daŋ nu kusɔ nɛ Enyɛnpe Ebɔrɛ na wora, ama naniere an wu kumo ashi Enyɛnpetale anyi be Ebɔrɛ na be kadegboŋ nɛ baa tre Jerusalɛm na to. Mo alɛ beeŋ baa kuŋ kumo saŋkama.

Nshɛ 48:9

Enyɛnpe Ebɔrɛ, saŋkama nɛ an yɔ fo bɔrɛlambu na to, fo kasha nɛ k maa chɛrga na be asheŋ bee ba anyi be nfɛra to nna.

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Matiu 16:18

Ma alɛ e kaŋɛ fo na fanɛ fo e la Pita, kefalta. Le be kefalta malɛ so nɛ meeŋ pɔr ma asɔri nɛ luwu be eleŋ gba e pɔɔ kumo so ŋ gben.

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

Hibruwebi 11:32

To, ade kikɛ be kaman, a naŋ daga ŋ ka naŋ malga beyirdapo ko malɛ be asheŋ n ti so a? Saŋɛ maŋ wɔtɔ nɛ n naŋ malga Gidiɔn nɛ Barak nɛ Samsen nɛ Jɛfta nɛ Deevid nɛ Samuɛl nɛ anebiana na be asheŋ.