Nshɛ 87:4 - EBƆRƐ BE KAWƆL

⁴ Nɛ m baa ti efuliana nɛ a bee nu a sa ma be atre, meeŋ ti Ijipt nɛ Babilɔn be efuliana n ti so. Nɛ m baa naa karga Jerusalɛm to be basa, meeŋ karga Filisti nɛ Itiopia be efuliana nɛ Tayɛ be kadegboŋ to be basa gba n ti so.

Nshɛ 87:4 ပူးပေါင်းရင်းမြစ်များ

Job be kawɔl 9:13

Ebɔrɛ be kagbene baŋ kaa, e bee mur mo doŋana nɛ baa chɛ kusɔkpaŋ gboŋgboŋi lubi nɛ k wɔ teku to nɛ baa tre Reehab na to na nna.

Nshɛ 137:1

An daŋ chena Babilɔn be elɔr na ase nna n nyiŋi Jerusalɛm be asheŋ nseŋ chena n shu ga.

Nshɛ 45:12

Basa beeŋ shi Tayɛ be kade to m bar fo ŋkɛ, nɛ damawuraana e ta mmalga belbelso m ba fule fo nɛ fo wora asɔ nɛ baa sha n sa bumo.

Nshɛ 68:31

Shin nɛ basa nɛ efuliana na bee yɛr efuli pɔtɛ so nɛ b ya yili amo be katelamu to a fin kɔnɔkoŋwule na e shi Ijipt be efuli so m ba. Nseŋ shin nɛ Itiopiaebi e ba bunyaŋ fo Enyɛnpe Ebɔrɛ na.

Nshɛ 89:10

Fo e daŋ to m pɛ teku to be kusɔbɔya lubi gboŋgboŋi nɛ baa tre Reehab na to kpakpa nseŋ mɔ kumo na. Fo gbagba be eleŋgboŋ nɛ fo ta m pɔɔ fo doŋana so, nseŋ shin nɛ b pesaŋ to n sɔ kaplɛkama.

Aizaaya 19:11

Ijipt be ewura be benimuana nɛ b wɔ kadegboŋ nɛ baa tre Zowan na la bewulpo nna nsaa sa mo kawuliso be kasotoji. Amoso nuso nɛ baaŋ naŋ tiŋ n wora ŋ kaŋɛ ewura na le: “An nyi asheŋ ga. An shi dra dra na be bewura to be kanaŋ to nna!”

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Ezikɛl 28:2

Dimɛdi pibi, Ezikɛl, kaŋɛ Tayɛ be ewura kusɔ nɛ ma, Enyɛnpetale Ebɔrɛ na bee kaŋɛ mo. Kamoowu shin nɛ fee fɛ fanɛ fo la kegbir nna nsaa kaŋɛ fanɛ fo ka la kegbir so nɛ fo chena kuwurputi so nɛ eteku kulti fo n wɔtɔ. Feeŋ tiŋ n ta fo kumu fanɛ kegbir e la fo, ama dimɛdi e la fo, mannɛ kegbir.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Ashuŋ Shunso 8:27

Nɛ Filip bela ase n yɔ. Saŋɛ na so nɛ Itiopia be krachigboŋ ko wɔ ekpa na to a yɔ epe.

Kelaraŋŋini 17:5

Le be wulo be ketre ere nɛ b daŋ sibɛ n deŋi mbe kasɔto so: “Babilɔn lempo, kesakaleajipoana bumo nio nɛ emo nɛ kasawule so be alemaŋkar be alubi kikɛ shi mo kutɔ.”

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.

1 Samuɛl 17:8

Ndoŋ nna nɛ Goliɛf yili a ponte a kaŋɛ Israɛlebi na le: “Nuso be kena nɛ menyi alɛ gbare abar a ba nɛ men ba kɔ ere? Filisti be esa e la ma nɛ menyi alɛ la Sɔɔl be nyɛrbi! Amoso men lara menyi be enapo ko nɛ e gbelge m ba nɛ ma nɛ mo e kɔ.