Nshɛ 86:2 - EBƆRƐ BE KAWƆL

² Ŋkpal ŋ kaa bee nu a sa fo so, mɔlga ma ashi luwu to. Ŋkpal ŋ ka la fo kayɛrbi nseŋ yirda fo so, baa kuŋ ma.

Nshɛ 86:2 ပူးပေါင်းရင်းမြစ်များ

Nshɛ 119:94

Mɔlga ma, ŋkpal manɛ so, n la feya nna! Ma alɛ wora ania nna fanɛ meeŋ wora fo mbraana kasonu.

Nshɛ 13:5

Ama ma tama deŋ fo kasha nɛ k maa loge na so nna. Ma kagbene beeŋ fuli ma ŋkpal fo ka beeŋ mɔlga ma so.

Nshɛ 143:12

Ŋkpal fo kasha nɛ k maa loge nɛ fo kɔ n sa ma so, mɔ ma doŋana kikɛ nseŋ mur bekama nɛ baa kɔrfɛ ma na; ŋkpal manɛ so, n la fo kayɛrbi nna.

Nshɛ 16:1

Enyɛnpe Ebɔrɛ, baa keni ma so; nsaa kuŋ ma.

Nshɛ 18:19

Mo e lara ma ashi kenishipere na to, nseŋ mɔlga ma ŋkpal ma asheŋ ka bee bɔlɔ mo kenishi so.

Nshɛ 25:2

Ma Ebɔrɛ, fo nɛ n yirda. Sa maŋ shin nɛ n ji anishinyɔr, ŋko n shin nɛ ma doŋana e pɔɔ ma so.

Nshɛ 31:1

Fo Enyɛnpe Ebɔrɛ na kutɔ nɛ m ba nɛ fo kuŋ ma. Sa maŋ shin nɛ n ji anishinyɔr. Enyɛnpe, jande, sɔ ma n yige; ŋkpal fo ka la esa niŋiso so.

Nshɛ 31:14

Ama ma yirda deŋ fo so nna. Enyɛnpe, fo e la ma Ebɔrɛ.

Nshɛ 37:28

Ŋkpal manɛ so, Enyɛnpe Ebɔrɛ na bee sha bekama nɛ baa wora asheŋ nɛ amo be ekpa so na nna. Mo alɛ maaŋ kplaŋ bekama nɛ baa ji kashenteŋ so. Enyɛnpe na beeŋ baa kuŋ bumo, ama e beeŋ mur belubiworapo bre be kaman to ebi.

Nshɛ 4:3

Men nyi fanɛ Enyɛnpe Ebɔrɛ na, ta basa nɛ baa wora asheŋ niŋiso nna ŋ ki mbe mbia; saŋkama nɛ n shu n tre mo, e bee nu ma kekule nna.

Nshɛ 50:5

E yɛ: “Men tre ma basa nɛ baa ji kashenteŋ a sa ma nsaa lara sarga a sa ma na, nɛ ma nɛ bumo e wora kɔnɔkoŋwule be ŋkre.”

Baru lela nɛ Jɔn kute na 12:26

Esa kama nɛ e bee shuŋ ma, e baa bɛ ma so nɛ kaplɛkama malɛ nɛ n wɔ, ndoŋ nɛ ma kenya gba beeŋ baa wɔ. N Tuto malɛ beeŋ bunyaŋ esa kama nɛ e bee shuŋ ma.”

Baru lela nɛ Jɔn kute na 17:11

To, naniere mee ba fo kutɔ nna na, a ka gbrɛbi nɛ n lar durnya to, ama bumo ere kraa wɔ durnya to nna. Etuto cheembi, ta fo ketre be eleŋ na a keni bumo so, ketre mo nɛ fo sa ma na nɛ n de na, saŋɛ na so baaŋ baa la kukoŋwule fanɛ kananɛ ma nɛ fo la kukoŋwule na.

Romebi 9:18

Amoso, nɛ Ebɔrɛ baa sha kewu esa kuwɔr, e beeŋ wu mo kuwɔr nɛ e naa sha keshin nɛ esa be kumu e baa du kpakpa, e beeŋ shin nɛ k baa du loŋ.

1 Samuɛl 2:9

Fo e naa kuŋ fo basa nɛ baa bɛ fo so kashenteŋto na, ama belubiworapoana bre, tentembiri to nɛ baaŋ wu n dese. Anyi gbagba be eleŋ maaŋ tiŋ n shin nɛ an kɔ m pɔɔ so.