Nshɛ 86:15 - EBƆRƐ BE KAWƆL

¹⁵ Ama fo, Enyɛnpe Ebɔrɛ na, la ewɔrwupo nɛ kasha be Ebɔrɛ nna. Fo la esa nna nsaa kɔ kanyiti, a wu kuwɔr jemanɛ kikɛ.

Nshɛ 86:15 ပူးပေါင်းရင်းမြစ်များ

1 Kronikɛls 21:13

Ndoŋ nna nɛ ewura Deevid kaŋɛ Gad le: “N wɔ kagbenejija be kebaawɔtɔ to nna ama maa sha dimɛdi ka gberge ma kusoe. Ŋkpal Enyɛnpe Ebɔrɛ ka bee wu kuwɔr so, mo gbagba e gberge ma kusoe.”

Nshɛ 103:8

Enyɛnpe Ebɔrɛ na la ewɔrwupo nna, nsaa kɔ kanyiti; mbe kasha malɛ maa chɛrga kikɛ.

Nshɛ 111:4

Enyɛnpe Ebɔrɛ na maa shin nɛ anyee teŋ mbe emamachisheŋ so; Mo alɛ la esa nsaa wu kuwɔr nna.

Nshɛ 130:4

Ama fee ta anyi be alubi a paŋ anyi nna; saŋɛ na so kɔnɔ beeŋ mɔ anyi ashi fo anishito.

Nshɛ 130:7

Israɛlebi, men yirda Enyɛnpe Ebɔrɛ na! Ŋkpal manɛ so, mbe kasha nɛ k maa chɛrga na maa loge kikɛ; mo alɛ kɔ eleŋ nɛ e tiŋ m mɔlga menyi.

Nshɛ 145:8

Enyɛnpe Ebɔrɛ na la eshapo nɛ e bee wu kuwɔr nna, mo alɛ maa nya agbo manaŋ manaŋ; mbe kasha maa chɛrga kikɛ.

Nshɛ 85:10

Kasha nɛ kashenteŋji beeŋ ba abar so, nɛ alelasheŋ nɛ kayurwushi malɛ e ki kukoŋwule.

Nshɛ 86:5

O Enyɛnpe Ebɔrɛ, fo la esa lela nɛ fee ta alubi a paŋ nna. Fo alɛ kɔ kasha damta n sa bumo nɛ baa shu a tre fo na nna.

Nshɛ 98:3

E nyiŋi mbe kasha nɛ kashenteŋji nɛ e kɔ n sa Israɛlebi na be asheŋ. Bekama nɛ b wɔ kasawule so be kaplɛkama wu anyi be Ebɔrɛ na be kumɔlga.

Ɛksodɔs 34:6

nseŋ choŋ Mosis be anishito ŋ kaŋɛ awɔrso: “Ma e la Enyɛnpetale Ebɔrɛ. Ebɔrɛ nɛ kuwɔrwu bɔlɔ ma to nɛ m maa nya agbo manaŋ manaŋ nɛ ma kasha shi ga nɛ mee yɛ nsaa wora na.

Jowɛl 2:13

Men shin nɛ men be kagbenejija na e di efuli ŋ ŋini fanɛ kashenteŋto men be ŋgbene maŋ dese menyi. Men be asɔbuuso be kekpɛa to ere bre maŋ la shɛŋ. Men bɛta m ba Enyɛnpe, men be Ebɔrɛ na kutɔ. E la enyitipo nna, nsaa bɛ mbe nnɔ naseso so. Saŋkikɛ e wora shiriya nna nɛ e ta men be alubi m paŋ menyi nsaa maaŋ gberge menyi kusoe

Jona 4:2

Nseŋ kule Enyɛnpe Ebɔrɛ na ŋ kaŋɛ le: “O Enyɛnpe Ebɔrɛ, mannɛ le nɛ n daŋ kaŋɛ saŋɛ nɛ n kra wɔ epe na a? Loŋ so nɛ n nya manaŋ n shile n yɔ Tarshish na. N nyi fo ka la kasha nɛ kuwɔrwu be Ebɔrɛ, nsaa maa nya agbo manaŋ manaŋ. Fee wora kelela nna saŋkama nseŋ wora shiriya nɛ fo ta alubi m paŋ. Fo alɛ maa kuse a bar kasogberge basa so.

Maika 7:18

O Enyɛnpetale Ebɔrɛ, Ebɔrɛ kikɛ maŋ naa wɔtɔ a du fanɛ fo. Fo e naa ta fo basa be alubi a paŋ bumo. Fo alɛ be agbo maa wɔtɔ a yɔ. Kuwɔrwu e naa fuli fo kagbene.

Nɔmbɛs 14:18

‘Ma, Enyɛnpe Ebɔrɛ na maa nya agbo manaŋ manaŋ, ma alɛ kɔ kashenteŋ be kasha nsaa ta bekama nɛ baa kini kenu n sa ma nsaa wora alubi na be alubi a paŋ bumo. Ama ma alɛ maaŋ yige kegberge bekama nɛ b wora alubi kusoe hale n ya fo bumo be kenanafofo nɛ kenana gbiramuli.’

Baru lela nɛ Jɔn kute na 1:17

Ŋkpal manɛ so, anebi Mosis so nɛ Ebɔrɛ bɔla m bar mbra na, ama kuwɔr be kakɛ nɛ kashenteŋ bre shi Yesu Kristo so nna.

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.