Nshɛ 86:14 - EBƆRƐ BE KAWƆL

¹⁴ O Ebɔrɛ, kamoowuwuraana koso ma so nna; nɛ basa lubi cha abar a fin ma nɛ b mɔ. Bumo alɛ kikɛ maŋ ta fo n tre shɛŋ.

Nshɛ 86:14 ပူးပေါင်းရင်းမြစ်များ

2 Samuɛl 16:20

Kede be kaman nɛ Absalɔm kilgi m bishi Ahitofɛl le: “Manɛ be kasotoji nɛ fo kɔ nɛ fo sa anyi nfe naniere?”

2 Samuɛl 17:14

Ndoŋ nna nɛ Absalɔm nɛ mbe bebɛsopo na kaŋɛ le: “Hushai be kasotoji ere bɔ Ahitofɛl peya na, ŋkpal manɛ so, Enyɛnpe Ebɔrɛ na e yili kumo fanɛ b sa maŋ bɛ Ahitofɛl be kasotoji na so, saŋɛ na so Absalɔm beeŋ luri asheŋ to.

Nshɛ 10:11

Le nɛ baa kaŋɛ bumo be amu: “Ebɔrɛ be shɛŋ maŋ wɔtɔ. E buu mbe anishi so nna. E maa wu anyi.”

Nshɛ 10:13

Manɛ nna nɛ belubiworapo bee keni fo jiga nsaa kaŋɛ bumo be ŋgbene to le: “Ebɔrɛ maaŋ ji anyi demu ŋ gberge anyi kusoe”?

Nshɛ 10:4

Belubiworapo be shɛŋ maŋ wɔ Enyɛnpe Ebɔrɛ to. Bumo be kamoowu so, b maa fɛ Ebɔrɛ be asheŋ gba kuraa.

Nshɛ 119:51

Kamoowuwuraana bee wora ma eyurto nna, ama ma alɛ maŋ lar fo mbra kaman.

Nshɛ 119:69

Kamoowuwuraana ku efɛ n deŋi ma a fin kejija ma ketre; ama ma kagbene kikɛ nɛ ŋ kɔ a bɛ fo mbraana na so.

Nshɛ 119:85

Kamoowuwuraana nɛ b maa wora fo mbra kasonu kur amaŋ nna n nase a jo ma nɛ n tɔr to.

Nshɛ 14:4

Ama alubiworapo maaŋ koya a? Menyee suge ma basa nna a ji, nsaa kini kekule Ebɔrɛ.

Nshɛ 140:5

Kamoowuwuraana ŋana nna n sho ajigbelɛ nɛ ashewu ma ekpa to a fin ma nɛ b pɛ.

Nshɛ 36:1

Belubiworapo maa sa Ebɔrɛ bunyaŋ. Alubi nawule be asheŋ nɛ baa fɛ ashi bumo be ŋgbene to.

Nshɛ 36:11

Sa maŋ shin nɛ kanyishawuraana e baa kɔ ma, ŋko n shin nɛ kumukpakpasowuraana e ju ma n lɛ.

Nshɛ 54:3

Befɔ nɛ b la amukpakpasowuraana e naa kɔ ma. Bumo alɛ be ekama be shɛŋ maŋ wɔ fo to.

Nshɛ 54:5

Feeŋ gberge ma doŋana kusoe, ŋkpal bumo be alubi nɛ b wora so. Feeŋ mur bumo ŋkpal fo kashenteŋji so.

Ezikɛl 8:12

Ndoŋ nna nɛ Ebɔrɛ kaŋɛ ma le: “Dimɛdi pibi, fo wu kusɔ nɛ Israɛl be benimuana ere bee wora ashiri to nna na, ŋko? Bumo be ekama yil mbe kegbir ase nna na. B yɛ: ‘Enyɛnpe Ebɔrɛ na maa wu anyi. Mo alɛ naŋ lar efuli na kaman nna.’ ”

Ezikɛl 9:9

Nɛ Ebɔrɛ kaŋɛ ma le: “Israɛl nɛ Juda be basa be kulubi na shi m baŋ so. Basa be kemɔ e sɔ kasawule na kikɛ so nɛ ekishisheŋ malɛ sɔ Jerusalɛm be kade to kikɛ. Baa kaŋɛ nna fanɛ, ma, Enyɛnpe Ebɔrɛ na kplaŋ efuli na so nna; ma alɛ maa wu asheŋ nɛ baa wora na.