Nshɛ 86:11 - EBƆRƐ BE KAWƆL

¹¹ O Enyɛnpe Ebɔrɛ, ŋini ma kusɔ nɛ fee sha fanɛ n wora. Meeŋ baa nu a sa fo kashenteŋ na. Ŋini ma kananɛ meeŋ ta ma kagbene kikɛ a shuŋ fo nsaa bunyaŋ fo ketre na.

Nshɛ 86:11 ပူးပေါင်းရင်းမြစ်များ

Job be kawɔl 34:32

Kumo be kaman nɛ fo kule mo nɛ e shin nɛ fo pin kulubi nɛ fo wora, saŋɛ na so, fo maaŋ naŋ wora kumo kikɛ.

Nshɛ 119:30

Ma ere yili kumo fanɛ meeŋ baa wɔ kashenteŋji be kebaawɔtɔ to nna; nsaa sa fo mbraana bunyaŋ.

Nshɛ 119:33

Enyɛnpe Ebɔrɛ, ŋini ma fo mbraana be kifi to, saŋɛ na so, meeŋ baa wora amo kasonu saŋkikɛ.

Nshɛ 119:73

Fo e to ma nseŋ bela ma eyur n chuge abar so; sa ma kanyiasheŋ nɛ ŋ koya fo mbraana na.

Nshɛ 25:12

Fee ŋini basa nɛ baa ŋana fo bunyaŋ so na ekpa nɛ fo lara n sa bumo fanɛ b bɔla so na nna.

Nshɛ 26:3

M maaŋ teŋ fo kasha nɛ k maa loge na so kikɛ. Fo kashenteŋji e naa juŋkpar ma saŋkikɛ.

Nshɛ 27:11

Ŋini ma ekpa lela nɛ fee sha fanɛ m baa bɔla so, nɛ ma doŋana maaŋ nya ma.

Nshɛ 5:8

Enyɛnpe Ebɔrɛ, juŋkpar ma ŋkpal fo ka bee wora asheŋ niŋiso so. Ŋini ma fo ekpa niŋiso na, ŋkpal ŋ ka kɔ bedoŋ damta so.

Hoziya 10:2

Ŋgbene kpakpasowuraana beeŋ ji bumo be alubi be tɔnɔ. Enyɛnpe Ebɔrɛ beeŋ bure bumo be ebɔrɛsure na nseŋ jija bumo be agbirjembu nɛ b yuu na gba.

Hoziya 14:8

Meeŋ nu ma basa Israɛlebi nɛ b maŋ naa shuŋ agbir na be kabɔrɛkule nsaa keni bumo so. Meeŋ shin nɛ b purge fanɛ kedibi nɛ kumo be afantaŋ maa gbaŋgbaŋ na. Ma so nɛ baaŋ bɔla n nya bumo be enɛfa kikɛ.”

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Malakai 2:6

Kashenteŋ nɛ kebaawɔtɔ niŋiso be asheŋ nɛ b daa fɛ, manɛ asheŋ lubi. Ma nɛ bumo daa wɔ abar so kagbene wushiso nna. Mannɛ asheŋ nɛ e niŋi nawule nɛ b daa wora, ama b daŋ chɛ basa damta gba to nɛ b yige alubi be kebaawora.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

1 Kɔrintebi 10:21

Men maaŋ tiŋ n nuu asɔnuuso ashi Enyɛnpe be kawiebi na to nseŋ naŋ tiŋ n nuu alizinaana peya to. Men maaŋ tiŋ n nya kakpa n chena Enyɛnpe be ejikpa n ji nseŋ naŋ nya kakpa n chena alizinaana be ejikpa n ji.

1 Kɔrintebi 6:17

Ekama malɛ nɛ e ta mbe kumu n wɔtɔ Enyɛnpe na to, mbe kiyoyu nɛ Enyɛnpe na peya bee ki kukoŋwule nna.

2 Kɔrintebi 11:3

Ama men be asheŋ bee keta ma kufu fanɛ nɛ men maŋ de so, kananɛ kusɔkpaŋ na daŋ ta mbe nambara n fule Hawa na, loŋ koŋwule na nɛ e beeŋ lara men be nfɛra ashi kagbene koŋwule be Kristo be kasha cheembi to.

Ɛfesesebi 4:21

M baa nyi men ka daŋ nu mbe asheŋ nɛ b naŋ ŋini menyi kashenteŋ nɛ k wɔ mo koŋwule Kristo to na.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

2 Jɔn 1:4

Kowurche, ŋ ka pin fanɛ fo mbia ko wɔ kashenteŋ be kebaawɔtɔ na to fanɛ kananɛ Ebɔrɛ Etuto na nase na, ma kagbene fuli ma paa.