Nshɛ 85:8 - EBƆRƐ BE KAWƆL

⁸ Mee kaŋ kusoe a nu kusɔ nɛ Enyɛnpe Ebɔrɛ na bee kaŋɛ nna. E nase kayurwushi be kɔnɔ n sa anyi, mbe basa; nɛ anyi maŋ naŋ bɛta n yɔ anyi be kawulisheŋ to nna.

Nshɛ 85:8 ပူးပေါင်းရင်းမြစ်များ

Jɛnesis 34:7

Kumo be jemanɛ malɛ nɛ Jeekɔb be mbinyɛnbi na shi kupuŋ to m ba. B ka nu kusɔ nɛ k wora bumo sipoche Daina na nɛ kagbenejija bumo nɛ agbo pɛ bumo ŋkpal Shɛkɛm ka wora Jeekɔb pibiche anishinyɔr be kusɔ nɛ k maŋ daga ashi Israɛl be efuli so so.

Nshɛ 130:4

Ama fee ta anyi be alubi a paŋ anyi nna; saŋɛ na so kɔnɔ beeŋ mɔ anyi ashi fo anishito.

Nshɛ 29:11

Enyɛnpe Ebɔrɛ na e naa sa mbe basa eleŋ, nsaa nɛfa bumo nɛ kagbenewushi.

Nshɛ 50:5

E yɛ: “Men tre ma basa nɛ baa ji kashenteŋ a sa ma nsaa lara sarga a sa ma na, nɛ ma nɛ bumo e wora kɔnɔkoŋwule be ŋkre.”

Aŋasa 25:11

Kemalga kamalga nɛ k daga saŋɛ nɛ k daga du nna fanɛ b ka ta shuwa m mata gbiti so na.

Aŋasa 27:22

Kebri maaŋ tiŋ n ju kawuli ashi esa to.

Aizaaya 57:19

nɛ b fara a boŋ nshɛ a kpaŋ ma. Meeŋ shin nɛ bekama nɛ b taga to nɛ bumo nɛ b wɔ kufɔ kufɔ kikɛ e nya kayurwushi. Ma e naaŋ chɛ ma basa be alɔ kikɛ!

Habakuk 2:1

Meeŋ dii n yili egbal lempo jeŋgreŋ nɛ b pɔr ŋ kulti kadegboŋ na so a jo kusɔ nɛ Enyɛnpe Ebɔrɛ na beeŋ tuge pɔɛŋ nɛ m bugi to ŋ kaŋɛ kusɔ nɛ k ba nɛ mee fubel.

Heegai 2:9

Bɔrɛlambu popɔr ere beeŋ lar kebita a chɔ kedra na, nɛ n shin nɛ ma basa e nya kayurwushi nɛ kedamaya nfe ashi.” Ma, Enyɛnpetale Ebɔrɛ na e malga na.

Zakareya 9:10

Enyɛnpe Ebɔrɛ na yɛ: “Meeŋ lara kena to be egbaŋɛturko nɛ egbaŋɛ ashi Israɛl be efuli so nɛ Jerusalɛm to. Ata nɛ b lɔŋɛ ŋkpal kena so na beeŋ buri to. Meeŋ bar kayurwushi efuliana na so, nɛ menyi be ewura e yili teku ko ase a ji kuwura n ya fo teku nyɔsopo ase. Mbe kuwurji beeŋ shi Yufreetes be Lɔr na ase n ya fo durnya be ekar kikɛ.”

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Baru lela nɛ Jɔn kute na 20:19

Alediachɛ na be kaaseso nɛ bebɛsopo na kikɛ shɛr kaboŋ koŋwule nseŋ ti mbuna ŋkpal b ka daa ŋana Juwebi be benimuana na so so, nɛ Yesu ba yili bumo to nseŋ kaŋɛ bumo le: “Kagbenewushi e baa wɔ menyi to.”

Baru lela nɛ Jɔn kute na 20:26

Kumo be bɔkwe be kaman nɛ mbe bebɛsopo na naŋ shɛr a wɔ ebu to nɛ Tɔmas gba wɔ bumo to kamɔnchɛ. B daŋ ber mbuna na kikɛ so nna, ama Yesu daŋ ba yili bumo to nna nseŋ kaŋɛ bumo le: “Kagbenewushi e baa wɔ menyi to.”

Baru lela nɛ Jɔn kute na 5:14

Saŋko ba choŋ nna pɔɛŋ nɛ Yesu ya wu mo bɔrɛlambu na to be kelɔnɛ so nseŋ kaŋɛ mo le: “Keni, fo naŋ nya alenfia nna na, yige alubi be kebaawora. Nɛ mannɛ aloŋ, kusɔ nɛ k lubi a chɔ fo kulɔ na beeŋ nya fo.”

Baru lela nɛ Jɔn kute na 8:11

Nɛ kache na kaŋɛ Yesu: “Ebunyampo, esa kama maŋ ka.” Nɛ Yesu kaŋɛ mo: “To, ma alɛ gba maaŋ kaŋɛ fanɛ fo daga kasogberge. Baa yɔ, ama sa maŋ naa wora alubi.”]

Ashuŋ Shunso 10:36

E maa keni yiri nɛ k la mo. Men nyi kubɔya nɛ e sa Israɛlebi a kaŋɛ baru lela na be asheŋ fanɛ anyeeŋ tiŋ n nya kagbenewushi Ebɔrɛ kutɔ ashi Yesu Kristo nɛ e la basa kikɛ be Enyɛnpe na to be asheŋ.

Ashuŋ Shunso 3:26

Amoso nɛ Ebɔrɛ lara mbe kenya Yesu n shin nɛ e ba menyi kutɔ pɔɛŋ m ba nɛfa menyi a shin nɛ menyi kikɛ bee lar menyi be alubi to na.”

Galeeshaebi 4:9

Ama naniere bre men ba pin Ebɔrɛ. Kusɔ nɛ mee sha nɛ ŋ kaŋɛ e la fanɛ Ebɔrɛ e ba pin menyi de. Nɛ nuso nɛ a ji nɛ men naa bɛta a ta men be amu a sa le be durnya ere to be sososo be asɔ ŋiniso pɔso nɛ amo be asheŋ kɔ kuwɔr ere? Menyee sha fanɛ men naŋ bɛta ŋ ki amo be anya nna a?

Ɛfesesebi 2:17

Le be kagbenewushi be baru lela ere nɛ e ba bɔ n sa menyi nɛ men daa maŋ taga mo to na nɛ bumo nɛ b taga mo to na kikɛ.

2 Tɛsalɔnikaebi 3:16

To, kagbenewushi be Enyɛnpe na gbagba e sa menyi kagbenewushi saŋkama ashi kusɔ kama to. Enyɛnpe na e baa wɔ menyi kikɛ to.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.

1 Samuɛl 25:25

Jande sa maŋ kaŋ nu n sa Nabaal, esa jiga na. Mbe ketre na be kifito e la ewulpo! Nɛ mo alɛ be asheŋ woraso nɛ mbe ketre na duli abar. Ma ere daa maŋ wɔtɔ nna nɛ fo nyɛrbi na ba.