Nshɛ 85:6 - EBƆRƐ BE KAWƆL

⁶ Naŋ sa anyi eleŋ nɛ anyi, nɛ an la fo basa na be ŋgbene e baa fuli fo so nɛ an baa kpaŋ fo.

Nshɛ 85:6 ပူးပေါင်းရင်းမြစ်များ

Nshɛ 138:7

Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 53:6

Mee jo saŋɛ nɛ esa ko beeŋ shi Zayɔn m ba mɔlga Israɛl nna. Anyi be Ebɔrɛ, fo baŋ naŋ nɛfa fo basa, Jeekɔb be kanaŋ to ebi be ŋgbene beeŋ fuli bumo, nɛ Israɛlebi e ji eyur.

Nshɛ 71:20

Fo shin nɛ n ji awurfoŋ damta, ama fo naŋ wɔtɔ ma eleŋ; nseŋ kuŋ ma nɛ m maŋ wu n yɔ nchaŋ to.

Nshɛ 74:1

O Ebɔrɛ, manɛ nna nɛ fo kplaŋ anyi so loŋ? Feeŋ baŋ nya agbo n wɔtɔ fo basa mbaanaayɔ a?

Nshɛ 77:8

Mbe kasha nɛ k maŋ kɔ ekar na loge anyi so nna ere a? Mbe nnɔ naseso na malɛ gba ba ekar nna ere a?

Nshɛ 80:18

Anyi maaŋ naŋ lar fo kaman kikɛ. Sa anyi ŋkpa popɔr nɛ an baa bunyaŋ fo.

Nshɛ 90:14

Kachipurso kikɛ, shin nɛ fo kasha nɛ k maŋ kɔ ekar na e kukwe anyi, saŋɛ na so, anyeeŋ baa ta kagbenefuli a boŋ nshɛ anyi be kebaawɔtɔ kikɛ to.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Jɛremaya 3:5

Fo maaŋ nya agbo n wɔtɔ anyi mbaanaayɔ.’ Kusɔ nɛ menyi, Israɛl be basa, kaŋɛ ma nna na; ama menyi alɛ bee wora alubi nɛ menyee sha nna.”

Jɛremaya 33:11

kagbenefuli be nshɛ nɛ basa beeŋ baa boŋ ashi kejigboŋ be nshɛrana nɛ ajafɔ to. Fo alɛ beeŋ nu basa ka bee boŋ nshɛ jemanɛ nɛ b kɔ bumo be kapandi be esarga a ba ma bɔrɛlambu to na. Baaŋ baa kaŋɛ le: ‘Kechɔrɔ e baa la Enyɛnpetale Ebɔrɛ na peya, ŋkpal manɛ so, e wora anyi kelela nɛ mbe kasha malɛ maŋ kɔ ekar.’ Meeŋ shin nɛ kasawule ere e naŋ nyalɛ nsaa wora adɔjibi nɛnɛ. Ma, Enyɛnpe Ebɔrɛ e kaŋɛ na.”

Hoziya 6:2

Ta a yɔ nchɛnnyɔ ŋko nchɛnsa be kefɛato, e beeŋ ba chɛ anyi nseŋ naŋ sa anyi eleŋ saŋɛ na so anyi nɛ mo beeŋ baa wɔtɔ.

Habakuk 3:2

O Enyɛnpe Ebɔrɛ, n nu kusɔ nɛ fo wora, nɛ k mɔ ma kɔnɔ nsaa keta ma kufu. Naniere naŋ wora asheŋgboŋ nɛ fo daŋ wora n sa an nanaana na, anyi alɛ gba be jemanɛ ere to. Hale nɛ fo nya agbo gba, fo baa nyiŋi fo kuwɔrwu na.