Nshɛ 84:6 - EBƆRƐ BE KAWƆL

⁶ Jemanɛ kikɛ nɛ b baŋ ya kaa bɔla ketaŋɛ wɔlso nɛ baa tre Baka na to, k bee ki kebuye nna a shile. Kpanchali so be bɔrɛ gba bee shin nɛ k bee bɔlɔ nchu nna a shile.

Nshɛ 84:6 ပူးပေါင်းရင်းမြစ်များ

1 Kronikɛls 16:11

Men ta men be yirda n deŋi Enyɛnpe Ebɔrɛ na so, nsaa bunyaŋ mo saŋkikɛ.

Nshɛ 68:9

Kasawule ka wɔl nɛ fo shin nɛ bɔrɛ ba nɛ kaboŋ wushi.

Jowɛl 2:23

Zayɔnebi, men shin nɛ men be ŋgbene e fuli menyi ŋkpal kusɔ nɛ Enyɛnpe, men be Ebɔrɛ na wora n sa menyi na so. E sa menyi dɔchubɔrɛso be bɔrɛ nɛ bɔrɛchu lela nɛ a shin nɛ men be adɔjibi wora nɛnɛ fanɛ kananɛ a chɛr a wora na.

Baru lela nɛ Jɔn kute na 16:33

Ŋ kaŋɛ menyi asheŋ ere nna, saŋɛ na so, menyeeŋ bɔla ma so n nya kagbenewushi. Menyeeŋ nya tɔrɔ durnya ere to, ama men baa kɔ kagbene, ma e pɔɔ durnya ere so.”

Ashuŋ Shunso 14:22

Kumo be kaman nɛ b bɛta n yɔ Listra nɛ Ikoniam nɛ Pisidia be Antiɔk a wushi beyirdapoana na be ŋgbene nseŋ naa leŋ bumo to fanɛ b baa kɔ yirda nɛ kashenteŋto kpakpa. Le nɛ b daŋ naa kaŋɛ bumo: “An kikɛ beeŋ luri etɔrɔ damta to pɔɛŋ nseŋ luri Ebɔrɛ be kuwura na to.”

Romebi 8:37

Kashenteŋto, shɛŋ maaŋ tiŋ n lara mbe kasha ashi anyi so. Kusɔ kama malɛ kikɛ to an bɔla emo nɛ e daŋ sha anyi na so nna a kɔ eleŋ kusɔ kikɛ so.

2 Kɔrintebi 4:17

Kabre nawule be etɔrɔbi ere beeŋ kaŋ bar anyi kemaŋkuragboŋ nɛ k maŋ kɔ ekar nsaa bɔ etɔrɔ ere ga.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.