Nshɛ 83:13 - EBƆRƐ BE KAWƆL

¹³ O anyi be Ebɔrɛ, shin nɛ b ki fanɛ eshishɛr ŋko amimi nɛ afu foŋ n ya lɛ na.

Nshɛ 83:13 ပူးပေါင်းရင်းမြစ်များ

Job be kawɔl 13:25

Kashenteŋto, kebaa funti esa nɛ e maŋ wɔ egbɛ fanɛ kefantaŋ nɛ afu kɔ a yɔ na e naa par fo a?

Job be kawɔl 21:18

Ale afanɛ nɛ e daŋ farnyaŋ bumo to fanɛ kananɛ afugboŋ bee kpeta amimi a lɛ na?

Nshɛ 22:1

Ma Ebɔrɛ, manɛ nna nɛ fo kplaŋ ma so? Manɛ nna nɛ fo wɔ kufɔ loŋ? Fo maaŋ nu ma kebɔltofinfin be kushuto, nseŋ ba mɔlga ma a?

Nshɛ 35:5

Shin nɛ b ki fanɛ afɔfɔ nɛ afu bee foŋ a lɛ na, saŋɛ so nɛ Enyɛnpe be malaika bee ŋin bumo na.

Nshɛ 44:4

Fo e la ma Ebɔrɛ nɛ ma ewura; fo e shin nɛ Israɛlebi kɔ m pɔɔ so.

Ɛksodɔs 15:7

Fo kemaŋkura nɛ eleŋgboŋ wɔ kumo to na nɛ fo ta m pɔɔ bumo nɛ b kishi fo na so. Fo agbogboŋ nɛ k bee ji fanɛ edɛ be kuwuloŋ na a chɔɔ bumo burburbi fanɛ atuweklaŋ na m mur.

Aizaaya 40:24

B du fanɛ asɔduuso popɔrbi nna nɛ b baŋ kraŋ duu amo nɛ a maŋ naŋ mur achin na nna. Enyɛnpe Ebɔrɛ na baŋ shin nɛ afu ber m ba, baa wɔl nna nɛ afu na e ber bumo n ya lɛ fanɛ amimi na.

Aizaaya 41:2

Wanɛ e daŋ shi epeŋilarkpa m bar esa nɛ e kɔ m pɔɔ so na, nseŋ shin nɛ e daŋ kɔ m pɔɔ so kaplɛkama nɛ e yɔ na? Wanɛ e shin nɛ e tiŋ ŋ kɔ m pɔɔ bewura nɛ efuliana na so na? Mbe tokobi daa ŋele bumo nna a lɛ nɛ baa wu a ki shishɛrpumpuŋ. Nɛ mbe atanyembi malɛ daa pesaŋ bumo to fanɛ kananɛ afu bee kaa ber amimi a lɛ na.

Jɛremaya 13:24

Enyɛnpe Ebɔrɛ na beeŋ shin nɛ fo basa e pesaŋ to n sɔ kaplɛkama fanɛ kananɛ afu bee sulɔ amimi a yɔ kaplɛkama na.

Ezikɛl 35:10

Hale ma Enyɛnpe Ebɔrɛ na ka daa la Juda nɛ Israɛl be Ebɔrɛ na gba, men daŋ kaŋɛ nna fanɛ bumo be efuliana be nsawule kikɛ la menyeya nna nseŋ daa sha keta amo ŋ ki menyeya.

Ezikɛl 36:2

Enyɛnpetale Ebɔrɛ na kɔ n sa amo. Israɛl mo doŋana daŋ malga mmalga jiga ŋ kaŋɛ fanɛ, Naniere abee dra na ki bumo peya nna!

Matiu 3:12

E du fanɛ esa nɛ e kɔ kawie chela asɔ to nna a chela asɔ to. E beeŋ chela mbe ayu to n ta amo be alela n wɔtɔ mbe kapuro to nseŋ ta amimi na n wɔtɔ edɛ nɛ a maa duŋ to.”