Nshɛ 83:10 - EBƆRƐ BE KAWƆL

¹⁰ Kakpa nɛ baa tre Ɛndɔ na nɛ fo daŋ mur bumo; bumo be kebuni daŋ dese kasawule so nna m bɛ.

Nshɛ 83:10 ပူးပေါင်းရင်းမြစ်များ

2 Bewura 9:37

E yɛ baaŋ ta mbe eyur nɛ k ka na n farnyaŋ to n lɛ fanɛ anabin nɛ esa kama maaŋ tiŋ m pin mo.”

Jɛremaya 16:4

Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 8:2

Awibi na beeŋ baa dese nɛ epeŋi nɛ kufɔl nɛ achɛkpabi nɛ baa sha ga nseŋ ta amo ŋ ki agbir a shuŋ na kikɛ e baa nyaŋɛ a yuu amo so. Esa kama maaŋ gama amo abar so ŋko n laŋɛ amo m puli. E beeŋ baa dese kasawule fanɛ epi nna.

Zefanaiya 1:17

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Meeŋ ta kafɔŋ damta n lɛ enyiŋgbasa so nɛ b baa nite a laa a laa fanɛ etanpo na. B wora alubi n da ma so, naniere bumo be ŋklaŋ beeŋ wurge fanɛ nchu na nɛ bumo be kebuni e dese kasawule m bɛ.”

Joshuwa 17:11

Bɛf Shan nɛ Iblim nɛ amo be nde nɛ a kulti amo na kikɛ, n ta Dɔɔ nɛ k wɔ teku ase na nɛ Endɔ nɛ Tanaak nɛ Meggiddo nɛ ndewurbi nɛ a kulti amo na kikɛ da wɔ Isakar nɛ Ashɛr be nsawule so nna nsaa la Manase peya.

Demujipoana 4:15

Barak nɛ mbe benapo ka ya tu Sisɛra nɛ mbe benapo e kɔ nɛ Enyɛnpe Ebɔrɛ na shin nɛ keyeŋiyeŋi tɔr Sisɛra nɛ mbe benapo so. Ndoŋ nna nɛ Sisɛra tɛ mbe gbaŋɛturko so ŋ gbelge nseŋ lara keya fuful a shile.

Demujipoana 4:16

Nɛ Barak nɛ mbe benapo ju m buu bumo so hale n ya lar Haroshɛt Hagoyim. B daŋ mɔ Sisɛra be benapo na kikɛ. Esa koŋwule gba daŋ maŋ ka.

Demujipoana 5:21

Lɔr nɛ baa tre Kishɔn na e sulɔ Sisɛra be benapo n yɔ. Kishɔn be lɔr nɛ k wɔtɔ dra dra na kikɛ na e sulɔ bumo n yɔ. Meeŋ ta eleŋ nɛ kenyɛn n yɔ anishito!

Demujipoana 7:25

Efrayimebi na daŋ pɛ Orɛb nɛ Ziib, nɛ b la Midianebi na be bewura nna nseŋ mɔ Orɛb ashi kefalta ko ase nɛ naniere baa tre ndoŋ Orɛb be kefalta nseŋ naŋ mɔ Ziib malɛ kakpa nɛ baa wora yabra nɛ baa tre ndoŋ Ziib be Yabra ase. Kumo be kaman nɛ b ku Orɛb nɛ Ziib be amu m ba sa Gidiɔn ashi Jɔɔdan be lɔr na ase nseŋ kraŋ ju m buu Midianebi na so.

1 Samuɛl 28:7

Nɛ Sɔɔl ponte ŋ kaŋɛ mbe benimuana le: “Men fin lejipoche n sa ma nɛ n yɔ mo kutɔ n ya kpal.” Nɛ b yɛ: “Kache ko wɔ Endɔɔ a kpal.”