Nshɛ 82:8 - EBƆRƐ BE KAWƆL

⁸ O Ebɔrɛ, koso n ji durnya demu, ŋkpal manɛ so, efuliana na kikɛ la fo peya nna.

Nshɛ 82:8 ပူးပေါင်းရင်းမြစ်များ

Nshɛ 102:13

Fo e naaŋ shu Jerusalɛmebi so, ŋkpal manɛ so, jemanɛ fo nɛ feeŋ wu bumo kuwɔr.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 2:8

Amoso kule ma, nɛ n ta efuliana ere kikɛ n sa fo; nseŋ shin nɛ durnya ere kikɛ e ki feya.

Nshɛ 22:28

Ŋkpal manɛ so Enyɛnpe Ebɔrɛ e naa ji kusɔ kama so eleŋ, nsaa ji efuliana kikɛ so kuwura.

Nshɛ 44:26

Jande wora kusɔ ko n chɛ anyi to. Mɔlga anyi ŋkpal fo kasha nɛ k maa chɛrga na so.

Nshɛ 7:6

Enyɛnpe Ebɔrɛ, nya agbo ŋ kpa n niŋi to n tu ma doŋana nɛ b nya agbo ga na; yili to n shin nɛ kashenteŋji e di efuli.

Nshɛ 76:10

Kashenteŋto nɛ fo baŋ nya agbo, basa nɛ b nya agbo n wɔtɔ fo gba bee kpaŋ fo nna.

Nshɛ 94:2

Fo e naa ji durnya kikɛ demu. Ba chɛ anyi to! Ka kamoowuwuraana kukɔ, ŋkpal kusɔ nɛ b wora so.

Nshɛ 96:13

n sa Enyɛnpe Ebɔrɛ na. E bee ba nɛ e ba bɔla ekpa niŋiso nɛ kashenteŋ so nna n ji basa nɛ b wɔ durnya to demu.

Aizaaya 51:9

Enyɛnpe Ebɔrɛ, koso n chɛ anyi to! Bɔla fo eleŋgboŋ na so m mɔlga anyi, fanɛ kananɛ fo daŋ mɔlga anyi be basa dra dra na. Fo e daŋ ku teku to be kusɔbɔya lubi gboŋgboŋi nɛ baa tre Rehab, nɛ e yili n sa kebagato nɛ kulubi be eleŋana na to. Rehab yili n sa Ijipt be efuli jemanɛ nɛ Israɛlebi lar ndoŋ a yɔ na nna.

Maika 7:2

Esa kikɛ ma ŋ naa ji kashenteŋ kasawule ere so. Ekama maŋ niŋi Ebɔrɛ be anishito. Ekama bee fin ekpa nɛ e beeŋ bɔla so m mɔ mo barkasa nna. Edimɛdi kikɛ bee tɛ bumo niopibiana nna a fin bumo nɛ b mɔ.

Maika 7:7

Ama ma ere bee keni Enyɛnpe Ebɔrɛ na be anishito nna nseŋ ta tama a jo mo nɛ e mɔlga ma. Ma Ebɔrɛ na malɛ beeŋ nu ma kekule.

Zefanaiya 3:8

Menyi ere e jo a keni kachɛ nɛ meeŋ wu efuliana na kulubi nseŋ ji amo demu na. N tiŋ n yili kumo fanɛ meeŋ gama efuliana na nɛ kuwurjiana kikɛ abar so nseŋ shin nɛ ma agbo nɛ k bee suse fanɛ edɛ na e ba bumo so. Meeŋ nya agbo ga m mur durnya ere kikɛ.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”