Nshɛ 81:7 - EBƆRƐ BE KAWƆL

⁷ Men ka daa wɔ etɔrɔ to, ma nɛ men shu n tre, nɛ m mɔlga menyi. Abɔrɛwɔlpa to nɛ n daa wɔ nseŋ nu menyi be kushu. Kumo be kaman nɛ n wora menyi ŋ keni ashi Mɛriba be kebuye na ase.

Nshɛ 81:7 ပူးပေါင်းရင်းမြစ်များ

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Ɛksodɔs 14:10

Ewura Fɛɛro nɛ mbe benapo ka ya kaa taga bumo to na nɛ Israɛlebi na maŋ bumo be amu so n wu fanɛ Ijiptebi na ju a buu bumo so a ba nɛ kufu pɛ bumo ga nɛ b shu n tre Enyɛnpe Ebɔrɛ.

Ɛksodɔs 14:24

Kaboŋ ka ba kaa kpaŋɛ to nɛ Enyɛnpe Ebɔrɛ yili edɛ be kabulpi nɛ kuwɔlpa na to n wu Ijipt be benapo na nseŋ ta kebagato n lɛ bumo so.

Ɛksodɔs 19:19

Saŋɛ nɛ kabel na kraŋ baa ponte to awɔrso na nɛ Mosis malga Ebɔrɛ kutɔ nɛ Ebɔrɛ bɔla bɔrɛ be keponte na to m malga Mosis kutɔ.

Ɛksodɔs 2:23

Kumo be nfɛ damta ka ba choŋ nɛ Ijipt be ewura na wu, ama amo nɛ amo kikɛ nɛ Israɛlebi na kraa wɔ kenyaya to nna a ji awurfoŋ nsaa shu a tre Ebɔrɛ fanɛ e chɛ bumo to.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 6:6

Ŋkpal loŋ so, kaŋɛ Israɛl be basa na fanɛ ŋ kaŋɛ fanɛ: ‘Ma e la Enyɛnpe Ebɔrɛ na, ma alɛ beeŋ lara menyi ashi kenyaya nɛ men wɔtɔ ashi Ijipt to na to. Meeŋ bɔla ma eleŋgboŋ na so ŋ gberge Ijiptebi kusoe nɛ b shin nɛ men nya men be amu.

Jɛremaya 16:14

Ade be kaman nɛ Enyɛnpe Ebɔrɛ na naŋ kaŋɛ le: “Jemanɛ ko bee ba nɛ basa maaŋ naŋ bɔ ntaŋ ŋ kaŋɛ fanɛ ma, Ebɔrɛ nɛ e bee sa ŋkpa e lara Israɛl be basa ashi Ijipt be efuli so dra dra na.

Nɔmbɛs 20:13

Israɛlebi na daŋ fubel m bile asheŋ nna m malga ŋ gbiti Enyɛnpe Ebɔrɛ na, nɛ e ŋini bumo mbe kecheembiya be eleŋ nseŋ sa bumo nchu nɛ b nuu nseŋ nase kakpa na be ketre Mɛriba. Mɛriba be kifito e la kefubel m bile asheŋ.

Nɔmbɛs 20:24

“Ɛɛrɔn be keya maaŋ cha kasawule nɛ n nase kɔnɔ fanɛ meeŋ ta n sa Israɛlebi na so. Ŋkpal menyi benyɔ ka kini kenu n sa ma ashi Mɛriba na so, meeŋ shin nɛ e wu.

Ditɛronɔmi 33:8

A laŋɛ Livai be yiri be kaplɛa so, le nɛ Mosis kaŋɛ: “Fo Enyɛnpe Ebɔrɛ na e naa shin nɛ Livaiebi nɛ b la fo nyɛrbi a ji kashenteŋ na bee bɔla Urim nɛ Tumim so a pin fo aparsheŋ. Fo e daŋ wora bumo ŋ keni ashi Massa, nseŋ mige bumo to m pin fanɛ b la beshenteŋjipoana nna ashi Mɛriba be nchu na ase.

Ditɛronɔmi 5:6

‘Ma e la Enyɛnpe, menyi be Ebɔrɛ nɛ e kɔ n suge menyi ashi Ijipt, kakpa nɛ menyi daa la anya na.