Nshɛ 81:13 - EBƆRƐ BE KAWƆL

¹³ Ma basa, Israɛlebi, daa beeŋ nu n sa ma nseŋ bɛ ma ekpaana so nna,

Nshɛ 81:13 ပူးပေါင်းရင်းမြစ်များ

Aŋasa 1:31

Amoso feeŋ ji kusɔ nɛ fo du na be asɔrso, nɛ fo gbagba be aworbi e kilgi a bishi fo.

Aizaaya 48:18

K daa beeŋ par ma ga fanɛ men ka beeŋ bɛ kusɔ nɛ n yili n sa menyi so! Aloŋ daa beeŋ shin nɛ men nya nɛfa fanɛ kananɛ kabombi bee nya nchu nsaa maa wɔlto na. Men daa beeŋ baa kɔ a pɔɔ so fanɛ kananɛ ketili bee ku teku so a ba kedeŋi so na.

Jɛremaya 7:24

Ama b daa maŋ nu n sa ma. Kusɔ nɛ bumo be ŋgbene kpakpaso kaŋɛ bumo nɛ b daa wora, nɛ kumo be loŋ shin nɛ bumo be kebaawɔtɔ jija n ti so.

Matiu 23:37

O Jerusalɛmebi, Jerusalɛmebi, menyi e naa mɔ anebiana na nsaa kpa bumo nɛ Ebɔrɛ shuŋi menyi kutɔ na ajembu a mɔ. Ela afanɛ nɛ n wora ania nɛ n chala menyi abar so fanɛ kananɛ koshi bee koli mbe mbia a wɔtɔ mbe atɛ to na, ama men kini.

Ditɛronɔmi 32:29

B maaŋ tiŋ m pin kusɔ nɛ k ba nɛ b kɔ n tɔr, bumo alɛ maaŋ tiŋ m pin kananɛ asheŋ na beeŋ loge to gba.

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.