Nshɛ 81:10 - EBƆRƐ BE KAWƆL

¹⁰ Ma e la Enyɛnpe menyi be Ebɔrɛ nɛ e lara menyi ashi Ijipt be efuli so m ba na. Menyi ere e bugi kɔnɔ ŋ kaŋɛ ma kusɔ nɛ menyee sha de, nɛ n wora kumo n sa menyi.

Nshɛ 81:10 ပူးပေါင်းရင်းမြစ်များ

Nshɛ 107:9

E bee sa ekama nɛ achukoŋ kɔ kusɔnuuso nna nɛ e bee nuu. Ekama malɛ nɛ akoŋ kɔ, e bee sa mo kusɔ jiso lela nna.

Ɛksodɔs 20:2

“Ma e la Enyɛnpe Ebɔrɛ, men be Ebɔrɛ mo nɛ e lara menyi ashi Ijipt be kasawule so, kakpa nɛ men daa wɔ kenyaya to na.

Ɛksodɔs 20:3

Men sa maŋ kaŋ bunyaŋ kegbir n naŋ ti ma so.

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Hoziya 8:3

ama b kini kusɔ nɛ k walɛ. Ŋkpal loŋ so, bumo doŋana beeŋ ju m buu bumo so.

Baru lela nɛ Jɔn kute na 15:7

Nɛ men baa wɔ ma to nɛ ma mmalga gba wɔ menyi to, men kule kusɔ kama nɛ menyee sha nɛ men nya kumo.

Baru lela nɛ Jɔn kute na 16:23

Loŋ be saŋɛ na ba fo, men maaŋ naŋ kule ma shɛŋ. Ma e kaŋɛ menyi kashenteŋto na fanɛ n Tuto na beeŋ sa menyi kusɔ kama nɛ men ta ma ketre ŋ kule mo.

Baru lela nɛ Jɔn kute na 7:37

Kejigboŋ na be nshɛr na be lalaloge be kachɛ, kumo be kachɛgboŋ na ka fo nɛ Yesu niŋi to n yili ŋ kaŋɛ awɔrso: “Esa kama nɛ achukoŋ kɔ mo, e ba ŋ kutɔ m ba nuu.

Ditɛronɔmi 5:7

Men sa maŋ kaa shuŋ Ebɔrɛ kikɛ n ti ma so.

Joshuwa 24:14

Kumo be kaman nɛ Joshuwa naŋ kaŋɛ: “Amoso, men baa ŋana Enyɛnpe Ebɔrɛ na nsaa shuŋ mo nɛnɛ kashenteŋto. Men ta men nananyɛnana be agbir nɛ b daa shuŋ saŋɛ nɛ b daa wɔ Yufreetes be lɔr be kaba ndoŋ nɛ Ijipt be kasawule so na kikɛ n lɛ nsaa shuŋ Enyɛnpe Ebɔrɛ na nawule.

Joshuwa 24:23

Ndoŋ nna nɛ Joshuwa kaŋɛ: “Men ta efuli pɔtɛana so be agbir nɛ a wɔ menyi kutɔ na n lɛ nseŋ ta menyi be ŋgbene kikɛ n sa Enyɛnpe, Israɛl be Ebɔrɛ na nawule.”

Kelaraŋŋini 21:6

Nɛ e naŋ kaŋɛ: “K teŋ wora. Ma e la Alfa nɛ Omega, Faraŋko nɛ Lalaloge. Ekama nɛ achukoŋ kɔ mo, meeŋ jɔ nchu ashi ŋkpa be kebuye to n sa mo nɛ e nuu ŋkaa maaŋ ka shɛŋ.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.