Nshɛ 80:1 - EBƆRƐ BE KAWƆL

¹ O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Nshɛ 80:1 ပူးပေါင်းရင်းမြစ်များ

2 Samuɛl 6:2

nseŋ juŋkpar bumo n yɔ Baala nɛ k wɔ Juda be efuli so na, nɛ b ya ta Enyɛnpe be ŋkre be deka nɛ mbe ketre Enyɛnpetale na deŋ kumo so ashi emalaika anyɔ na be nferinto na.

2 Bewura 19:15

nseŋ kule Ebɔrɛ ŋ kaŋɛ le: “Enyɛnpetale nɛ fo la Israɛl be Ebɔrɛ, fo e chena fo kuwurputi so awɔlto nɛ asɔkeniso nɛ a du fanɛ emalaika nɛ baa tre amo Chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya kikɛ so.

Job be kawɔl 10:3

Manɛ nna nɛ fo kekini ma n lɛ par fo, nɛ fo maa wora shɛŋ a laŋɛ basa lubi be ŋkre bre be kaplɛa so?

Nshɛ 45:1

Ŋ kɔ mmalga lela ma nfɛra to nɛ n sa ewura. Meeŋ ta ma kudonduloŋ m boŋ amo fanɛ kananɛ esibɛpo lela bee ta kelembi a sibɛ na.

Nshɛ 5:1

Enyɛnpe Ebɔrɛ; nu ma kekule; nɛ ma kushuto.

Nshɛ 50:1

Enyɛnpetale Ebɔrɛ, elempo na, bee tre durnya to be basa kikɛ nɛ b wɔ epeŋitɔrkpa nɛ epeŋilarkpa na nna fanɛ b shɛr.

Nshɛ 50:2

Ebɔrɛ wɔ kadegboŋ nɛ k walɛ ga, nɛ baa tre kumo Jerusalɛm na to a kpa edɛ pɛlpɛl nna.

Nshɛ 55:1

Enyɛnpe Ebɔrɛ, nu ma kekule. Jande, sa maŋ kplaŋ kusɔ nɛ mee bishi fo ere so.

Nshɛ 60:1

Enyɛnpe Ebɔrɛ, fo nya agbo nna n wɔtɔ anyi nseŋ kini anyi, n shin nɛ an tɔr m buri to. Naniere naaŋ sa anyi eleŋ.

Nshɛ 69:1

O Ebɔrɛ, mɔlga ma. Ŋkpal manɛ so, nchu bɔlɔ n fo ma kubɔ nsaa shin nɛ a mur ma.

Nshɛ 77:20

Fo daŋ bɔla Mosis nɛ Ɛɛrɔn so nna n juŋkpar fo basa fanɛ mbolpɔkpapo na.”

Nshɛ 78:52

Kumo be kaman nɛ Ebɔrɛ juŋkpar mbe basa fanɛ mbolpɔkpapo n lar Ijipt be efuli so m bɔla keshishɛrsawule so n choŋ.

Nshɛ 78:67

Ama e daŋ kini kebaawɔ an nananyɛn Josɛf be kaman to ebi to nseŋ daŋ kini kelara Efrayim be yiri to ebi n yili n sa mbe kumu nna.

Nshɛ 80:19

O Enyɛnpetale Ewurbɔrɛ, naŋ bɛta anyi m ba fo kutɔ! Mushe n wɔtɔ anyi n shin nɛ an nya kumɔlga.

Nshɛ 80:3

O Ebɔrɛ, naŋ shin nɛ an nya eleŋ! Mushe n wɔtɔ anyi nseŋ mɔlga anyi.

Nshɛ 80:7

O Enyɛnpetale Ebɔrɛ, naŋ mushe n wɔtɔ anyi, nɛ an naŋ nya kumɔlga.

Nshɛ 94:1

O Enyɛnpe Ebɔrɛ nɛ fee gberge basa nɛ b wora n jija kusoe; ŋini bumo esa nɛ e la fo nseŋ gberge bumo kusoe!

Nshɛ 99:1

Enyɛnpe Ebɔrɛ na e la ewura! Efuliana kikɛ so be basa e baa chicha. E chena mbe kuwurputi nɛ emalaika nɛ b kɔ aba wɔ kumo be kaseto na so nna; nɛ kasawule bee gbuŋgbuŋ.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 60:1

Jerusalɛmebi, men koso n nyɛkpɛ n fulto fanɛ epeŋi. Karechɛ popɔr bee chɛ menyi so nna na. Ŋkpal manɛ so, Enyɛnpe Ebɔrɛ be kemaŋkura nyaŋɛ n yuu menyi so nna!

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Ezikɛl 1:13

Asɔbɔya keniso na daa du fanɛ mbulpi nɛ a bee suse nna a nite saŋkikɛ, nsaa nyɛrga a kpa edɛ fanɛ bɔrɛ ka bee nyɛkpɛ na.

Ezikɛl 10:4

Ndoŋ nna nɛ Enyɛnpe Ebɔrɛ na be kemaŋkura shi asɔbɔya keniso na be amu so n yɔ bɔrɛlambu na be kabuna to nɛ kuwɔlpa na sɔ bɔrɛlambu na to kikɛ nɛ Enyɛnpe Ebɔrɛ na be kemaŋkura shin nɛ kelɔnɛ na kikɛ to fulto parr.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Ezikɛl 43:2

Ndoŋ nɛ n wu Israɛl be Ebɔrɛ na be kemaŋkura ka bee nyɛkpɛ pɛlpɛl n shi epeŋilarkpa a ba, nɛ Ebɔrɛ be ebɔl gbir fanɛ teku ka bee baga to na. Kusɔ kama nɛ k daa wɔ ndoŋ gba daŋ fulto nna a nyɛkpɛ.

Danɛl 9:17

O Ebɔrɛ, jande, nu ma kabɔrɛkule ere nseŋ wu ma kuwɔr n shin nɛ fo bɔrɛlambu nɛ k bure na e naŋ lɔŋɛ n yili. Saŋɛ na so ekama beeŋ pin fanɛ fo e la Ebɔrɛ na.

Baru lela nɛ Jɔn kute na 10:14

Ma e la mbolpɔkpapo lela na, n nyi ma mbolpɔ nɛ ma mbolpɔ malɛ gba nyi ma,

Ditɛronɔmi 33:2

“Enyɛnpe Ebɔrɛ na daŋ shi Sainai be kebeegboŋ na so nna n nyaŋɛ fanɛ epeŋi n yuu Edɔm be kasawule so nɛ mbe kemaŋkura buu mbe basa so ashi Paran be kebeegboŋ na so. Emalaika ŋgboŋ kudu e daa wɔ mo kutɔ, nɛ edɛ daa suse wuloŋ wuloŋ mbe enɔjiso to.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

1 Pita 2:25

Ŋkpal manɛ so, men daa du fanɛ mbolpɔ ka yeŋ to nna, ama naniere bre, men bɛta m ba men be ayoyu be Ekpapo nɛ Ekenipo kutɔ.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.

Kelaraŋŋini 21:23

Epeŋi be kenyaŋɛ ŋko kufɔl be kefulto ndoŋ be asheŋ daa maŋ tir kadegboŋ na to ebi kikɛ, ŋkpal manɛ so, Ebɔrɛ be kemaŋkura e daa nyaŋɛ a yuu kade na so nɛ Kpakpafɔlbi na malɛ la kumo be fitila.

1 Samuɛl 4:4

Ndoŋ nna nɛ b shuŋi basa ko fanɛ b yɔ Shilo n ya ta Enyɛnpe be ŋkre be deka nɛ mbe ketre Enyɛnpetale deŋ mbe kuwurputi so ashi shuwa be emalaika anyɔ na be nferinto na m ba. Eli be mbinyɛnsobi anyɔ nɛ baa tre, Hofni nɛ Finihas gba daŋ ti bumo nɛ b ya ta ŋkre be deka na m ba na so.