Nshɛ 79:9 - EBƆRƐ BE KAWƆL

⁹ O Ebɔrɛ nɛ fo la anyi be emɔlgapo, chɛ anyi to! Ŋkpal fo ketre be kemaŋkura so, mɔlga anyi nseŋ ta anyi be alubi m paŋ anyi.

Nshɛ 79:9 ပူးပေါင်းရင်းမြစ်များ

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

Nshɛ 115:1

Anyi ere maŋ daga fanɛ b kpaŋ anyi kuraa! Enyɛnpe Ebɔrɛ na nawule e daga fanɛ ekama nyam e kpaŋ mo; ŋkpal mbe kasha nɛ k maa chɛrga nɛ mbe kashenteŋji so.

Nshɛ 25:11

O Enyɛnpe Ebɔrɛ, ta alubi damta nɛ n wora m paŋ ma, ŋkpal fo ketre so.

Nshɛ 31:3

Fo Enyɛnpe Ebɔrɛ na, e la ma kefaltagboŋ a kuŋ ma. Amoso baa juŋkpar a ŋini ma ekpa lela na; nɛ fo ketre e nya kemaŋkura.

Nshɛ 65:3

Anyi be alubi pɔɔ anyi so, nɛ fo ta anyi be aworandeso m paŋ anyi.

Aizaaya 43:25

Ma, e naa ta menyi be alubi a paŋ menyi, ŋkpal esa nɛ e la ma so. Ma alɛ maŋ naa nyiŋi alubi nɛ men wora ŋ gbiti ma na.

Aizaaya 48:9

Ŋkpal ŋ ka bee sha basa e kpaŋ ma ketre so, nɛ mee pɛ ma agbo nsaa maŋ mur menyi na.

Jɛremaya 14:21

Nyiŋi fo nnɔ naseso nsaa maŋ kini anyi n lɛ. Sa maŋ shin nɛ nyɔmɔ e ba Jerusalɛm nɛ k la kakpa nɛ fo kemaŋkura be kuwurputi wɔ na so. Sa maŋ lar anyi nɛ fo be kɔnɔkoŋwule be ŋkre na kaman.

Jɛremaya 14:7

Ma basa bee shu a tre ma a kaŋɛ le nna: ‘Kashenteŋto, anyi be alubi bee ji a bri anyi, amoso chɛ anyi to, Enyɛnpe Ebɔrɛ, fanɛ kananɛ fo nase kɔnɔ fanɛ feeŋ chɛ anyi to na. Ale damta nɛ an shile n lar fo kaman. An wora alubi ŋ gbiti fo kashenteŋto

Ezikɛl 20:14

Ama n daa maŋ wora loŋ, ŋkpal ŋ ka daa maa sha fanɛ ma ketre e jija ashi efuliana nɛ b wu kananɛ n lara bumo ashi Ijipt be efuli so na be anishito so.

Ezikɛl 20:44

Jemanɛ nɛ meeŋ wora menyi, Israɛlebi, asheŋ nɛ a beeŋ bar ma ketre kemaŋkura nɛ mannɛ men be asheŋ lubi nɛ aworbi jiga so na nɛ menyeeŋ pin fanɛ ma e la Enyɛnpetale Ebɔrɛ na.”

Ezikɛl 20:9

Ama n daa maŋ wora loŋ, ŋkpal ŋ ka daa maa sha fanɛ ma ketre e jija efuliana nɛ baaŋ wu kananɛ meeŋ lara ma kumu ŋ ŋini Israɛl be basa nseŋ juŋkpar bumo n lar Ijipt be efuli so na be anishito so.

Danɛl 9:19

Enyɛnpe Ebɔrɛ, nu anyi be kekule nseŋ ta an be alubi m paŋ anyi! Enyɛnpe Ebɔrɛ, wora kusɔ ko n sa anyi naniere, saŋɛ na so fo ketre beeŋ nya kemaŋkura.”

Danɛl 9:9

Kashenteŋ nna fanɛ an kini kenu n sa fo nseŋ wora kumu kpakpaso, ama fo kraa wu anyi kuwɔr nsaa ta anyi be alubi a paŋ anyi.

Malakai 2:2

Men shin nɛ menyi be asheŋ woraso e baa sa ma bunyaŋ. Men baa maa nu kusɔ nɛ mee kaŋɛ menyi, meeŋ shin nɛ kɔnɔsho a pɛ menyi. Asɔ kama nɛ a la nɛfa n sa menyi na gba, meeŋ sho amo kɔnɔ. Kashenteŋto, n tiŋ n sho amo kɔnɔ gba, ŋkpal men ka maŋ ta ma mmalga kenishipereso so.”

Ɛfesesebi 1:6

Men shin nɛ an baa di Ebɔrɛ epaŋ ŋkpal mbe le be mamachi be kuwɔr be kakɛ nɛ e bɔla mo Pibinyɛn shaso so n ta ŋ kɛ anyi na so.

Joshuwa 7:9

Keenanebi nɛ bekama nɛ b wɔ efuli ere so kikɛ beeŋ nu kesheŋ ere nseŋ kulti anyi n wɔtɔ m mɔ anyi kikɛ! Nɛ loŋ malɛ wora, nnɛ nɛ fo bunyaŋ naa wɔ?”