Nshɛ 79:4 - EBƆRƐ BE KAWƆL

⁴ Efuliana nɛ a kulti anyi na be basa bee mushe nsaa wora anyi eyurto nna.

Nshɛ 79:4 ပူးပေါင်းရင်းမြစ်များ

1 Bewura 9:7

kumo ere meeŋ lara ma basa Israɛlebi ashi kasawule nɛ n ta n sa bumo ere so, nseŋ lar bɔrɛlambu nɛ n nɛfa ŋ kaŋɛ fanɛ meeŋ baa wɔ ndoŋ nɛ b baa bunyaŋ ma na to. Saŋɛ na so basa kikɛ beeŋ ba fɛl Israɛlebi nsaa keni bumo jiga.

Nehemaya 1:3

Nɛ b kaŋɛ ma fanɛ basa nɛ b bɛta n yɔ Jerusalɛm na wɔ tɔrɔ nɛ awurfoŋ to nna. B yɛ Jerusalɛm be egbal na bure n tɔr nɛ kumo be mbunagboŋana na malɛ gba ji edɛ.

Nehemaya 2:19

Sanballat nɛ Tobaya nɛ kalɔrbunyɛn ko nɛ baa tre mo Gɛshem ka nu kusɔ nɛ an kre kewora na be asheŋ nɛ b mushe anyi ga nseŋ kaŋɛ: “Manɛ nɛ menyee fɛ fanɛ menyee wora ere? Menyee sha kelɔŋɛ kadegboŋ na be egbalana nna m pɔr nseŋ lar ewura kaman ŋ kɔ mo kena, ŋko?”

Nshɛ 80:6

Fo shin nɛ efuli pɔtɛana nɛ a kulti anyi na bee kɔ abar kena ŋkpal anyi be kasawule so, nseŋ shin nɛ an doŋana bee tege anyi nsaa mushe anyi.

Nshɛ 89:41

Bekama nɛ b bɔla kumo ase a choŋ nya ewura na be asɔ ko n ta, nɛ mbe bechenashapoana bee mushe mo nsaa wora mo eyurto.

Aizaaya 43:28

Amoso nɛ n daa maŋ shin nɛ menyi be bɔrɛmatapoana shuŋ ma ashi ma bɔrɛlambu to na. Ma alɛ e daŋ shin nɛ Israɛl be efuli mur nɛ menyi be basa ji anishinyɔr na.”

Jɛremaya 24:9

Meeŋ shin nɛ jɛrbi gboŋgboŋi e ba bumo so nɛ kufugboŋ e tɔr durnya to be efuli pɔtɛana be basa so nɛ b baa chicha. Basa beeŋ baa mushe nsaa wora bumo eyurto nseŋ naa ta bumo be ketre a shoduu ashi kaplɛkama nɛ baaŋ pesaŋ to n yɔ na.

Jɛremaya 25:18

Jerusalɛm to nɛ Juda be ndeana to be basa kikɛ, n ta bumo be bewura nɛ benimuana gba kikɛ n ti so beeŋ nuu kawiebi na to be asɔ nuuso na, saŋɛ na so bumo alɛ gba be kasawule beeŋ ki fanɛ keshishɛrsawule nɛ esa e wu kumo nɛ k chinchiŋ mo. A loŋ beeŋ shin nɛ basa e baa ta bumo be ketre e shoduu fanɛ kananɛ baa wora m ba fo kabre na.

Jɛremaya 42:18

Ade be kaman nɛ Enyɛnpetale, Israɛl be Ebɔrɛ na naŋ kaŋɛ le: ‘Nɛ men kaŋ kini n yɔ Ijipt, kananɛ n daŋ nya agbo ga n wɔtɔ Jerusalɛm be basa nseŋ gberge bumo kusoe na nɛ meeŋ nya agbo n wɔtɔ menyi alɛ gba nseŋ gberge menyi kusoe. Menyi be asheŋ beeŋ baa chinchiŋ basa nɛ b baa ta menyi kadegboŋ na be ketre a shoduu basa. Menyi alɛ maaŋ naŋ wu kakpa ere kenishiso kikɛ.’ ”

Jɛremaya 51:51

Anishinyɔr nɛ nyɔmɔ kɔ menyi nna ŋkpal befɔ ka luri ma bɔrɛlambu be mboŋ cheembi to so ashi Jerusalɛm.

Nfabel 1:11

Jerusalɛm be basa na kikɛ daa fubel nna, jemanɛ nɛ b daa fin kusɔ jiso nɛ b ji na. B daa ta bumo be asɔ lela a chɛr ajibi nɛ baaŋ ji nseŋ nya ŋkpa nna. Le nɛ b daa kaŋɛ: “Enyɛnpe Ebɔrɛ, keni awurfoŋ nɛ anyee ji.”

Nfabel 5:1

Ndoŋ nna nɛ Jerusalɛm to be basa kule Ebɔrɛ ŋ kaŋɛ: “O Enyɛnpe Ebɔrɛ, nyiŋi kusɔ nɛ k wora anyi ere. To kenishi ŋ keni ŋaba nɛ an wɔ kumo to.

Ezikɛl 22:5

Efuli nɛ a taga to nɛ amo nɛ a wɔ kufɔ kikɛ to be basa beeŋ wora fo basa eyurto, ŋkpal b ka maa bɛ mbraana so so.

Ezikɛl 35:12

Kumo be kaman, nɛ men pin fanɛ ma Enyɛnpe Ebɔrɛ na daŋ nu men ka daa malga mmalga jiga a gbiti Israɛl be basa nsaa kaŋɛ fanɛ kasawule na dese jiga nna n sa menyi nɛ men ta ŋ ki menyeya.

Ezikɛl 36:15

Kumo be kaman, menyi maaŋ naŋ bugi asoe a nu mmalga jiga nɛ efuliana na bee malga a gbiti menyi. Meni alɛ maaŋ naŋ keni n wu basa ka bee wora menyi eyurto. Kasawule na maaŋ naŋ shin nɛ men paŋ menyi be mbia. Ma, Enyɛnpetale Ebɔrɛ na, e kaŋɛ na.”

Ezikɛl 36:3

Amoso bɔ kubɔya nɛ ma Enyɛnpetale Ebɔrɛ na bee kaŋɛ ere. Jemanɛ nɛ efuli nɛ a chena ŋ kulti Israɛl na kɔ n suge Israɛl be abee na, ekama na daŋ wora Israɛl eyurto nna.

Danɛl 9:16

Dra na kikɛ nɛ fo kɔ n sa anyi, amoso sa maŋ nya agbo n wɔtɔ Jerusalɛm n chɛr ŋkpal manɛ so k la fo kadegboŋ nna ashi fo kebeegboŋ cheembi na so. Efuliana nɛ anyi nɛ bumo chena m mata abar na kikɛ bee keni Jerusalɛm nɛ fo basa jiga nna ŋkpal anyi nɛ an nananyɛnana be alubi so.

Zefanaiya 3:18

Kumo be kaman nɛ Enyɛnpe Ebɔrɛ na naŋ kaŋɛ le: ‘Meeŋ lara kagbenejija nɛ k bee kaa ba men be kejigboŋana to na ashi menyi so, ŋkpal manɛ so, k la egbɛ nɛ ŋaba nna a deŋ menyi so.

Zakareya 8:13

Efuli pɔtɛana be basa bee shoduu menyi Juda nɛ Israɛl be efuliana so ebi nna, ama meeŋ mɔlga menyi nseŋ shin nɛ men ki nɛfa be basa. Men baa kɔ kenyɛn nsaa maa lɔ kufu.”

Ditɛronɔmi 28:37

Men be asheŋ beeŋ chinchiŋ efuli kama nɛ Enyɛnpe Ebɔrɛ na beeŋ pesaŋ menyi to n yɔ na so be basa kikɛ, ŋkpal kusɔ nɛ k beeŋ wora menyi na so. Ama bumo alɛ kraa beeŋ wora menyi eyurto nseŋ mushe menyi.