Nshɛ 79:3 - EBƆRƐ BE KAWƆL

³ B chulgi ŋklaŋ n wurge nɛ e bee shile fanɛ nchu ashi Jerusalɛm to. Esa kikɛ maŋ wɔtɔ nɛ e puli bubuni na.

Nshɛ 79:3 ပူးပေါင်းရင်းမြစ်များ

Nshɛ 141:7

Kananɛ baa baŋɛ ndibi to wurwurbi na nɛ bumo be awibi beeŋ buri to n dese nchaŋ be nnɔ ase.

Nshɛ 79:10

Manɛ nna nɛ efuli pɔtɛana na bee bishi anyi fanɛ, nnɛ nɛ menyi be Ebɔrɛ na wɔ? Shin nɛ an wu kasogberge nɛ k bee ba efuliana na so, ŋkpal b ka chulgi basa nɛ b shuŋ fo be ŋklaŋ n wurge so.

Jɛremaya 14:16

Basa nɛ b ku le be efɛ ere n sa na gba beeŋ wu ekpa koŋwule na so. Baaŋ wu n dese Jerusalɛm be kade to be agbembi so nɛ esa kikɛ maaŋ baa wɔtɔ nɛ e puli bumo. Kusɔ nɛ k beeŋ ba bumo gbagba nɛ bumo be beche nɛ mbia kikɛ so nna na. Meeŋ shin nɛ b ka bumo be asheŋ lubi na be kukɔ.”

Jɛremaya 15:3

Ma, Enyɛnpe Ebɔrɛ na teŋ yili kumo nna fanɛ asheŋ lubi ana ko e naŋ wora bumo. Baaŋ wu kena to nɛ njɔnɔ e baa gbeye bumo be eyurana a kulti nɛ mbuibi e ji bumo be beko nɛ kupuŋ to be asɔbɔya malɛ e we bumo nɛ baŋ ka na.

Jɛremaya 16:4

Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 25:33

Kachɛ na kaŋ fo, basa damta nɛ Enyɛnpe Ebɔrɛ na beeŋ shin nɛ b wu na be kebuniana beeŋ dese durnya be kaplɛkama fanɛ epi. Esa kikɛ maaŋ puli ŋko n shu bumo be nli.

Jɛremaya 34:20

Meeŋ shin nɛ men doŋana e mɔ bumo nɛ bumo be kebuniana e ki kusɔ jiso n sa mbuibi nɛ kupuŋ to be asɔbɔya.

Zefanaiya 1:17

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Meeŋ ta kafɔŋ damta n lɛ enyiŋgbasa so nɛ b baa nite a laa a laa fanɛ etanpo na. B wora alubi n da ma so, naniere bumo be ŋklaŋ beeŋ wurge fanɛ nchu na nɛ bumo be kebuni e dese kasawule m bɛ.”

Matiu 23:35

Amoso, belelapo nɛ b mɔ baŋ fara jemanɛ nɛ b mɔ Ebel elelapo na kikɛ m ba fo Barakaya pibi Zakareya nɛ men mɔ bɔrɛsure na nɛ bɔrɛlambu be nferinto na achɛ be luwu be turju beeŋ baa bɛ menyi.

Romebi 8:36

Loŋ malɛ nɛ abɔrɛsibɛ na bee kaŋɛ na fanɛ: “Ŋkpal fo so nɛ an wɔ kenishipere nɛ k kɔ anyi a yɔ luwu to kachɛ kama na. An ki fanɛ mbolpɔ nɛ b kɔ a yɔ nɛ b ya teŋ nna.”

Kelaraŋŋini 11:9

Basa beeŋ shi basa kama to nɛ yiri kama to nɛ ŋgbar kama to nɛ efuliana so ebi to ŋ keni bumo be eyurana ka dese nchɛ asa nɛ bargato nseŋ kini keshin nɛ b puli amo.

Kelaraŋŋini 16:6

Ŋkpal b ka mɔ fo basa laraso nɛ anebiana n lara bumo be ŋklaŋ so, fo alɛ gba ta ŋklaŋ n sa bumo nɛ b nuu. Kusɔ nɛ k baŋ daga bumo nna na.”

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.

Kelaraŋŋini 18:24

Mo, Babilɔn na to nɛ b daŋ wu anebiana nɛ Ebɔrɛ be basa laraso nɛ bekama nyam nɛ b daŋ mɔ kasawule ere so na be ŋklaŋ.