Nshɛ 79:10 - EBƆRƐ BE KAWƆL

¹⁰ Manɛ nna nɛ efuli pɔtɛana na bee bishi anyi fanɛ, nnɛ nɛ menyi be Ebɔrɛ na wɔ? Shin nɛ an wu kasogberge nɛ k bee ba efuliana na so, ŋkpal b ka chulgi basa nɛ b shuŋ fo be ŋklaŋ n wurge so.

Nshɛ 79:10 ပူးပေါင်းရင်းမြစ်များ

Nshɛ 115:2

Manɛ e ba nɛ efuliana na be basa bee kaŋɛ le: “Men be Ebɔrɛ na wɔ nnɛ?”

Nshɛ 42:10

Ma eyur to kikɛ bee besa ma nna nɛ bedoŋ bee wora ma eyurto a bishi fanɛ ma Ebɔrɛ na wɔ nnɛ?

Nshɛ 42:11

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo; ma alɛ kraŋ beeŋ di fo epaŋ ŋkpal fo ka chɛ ma to so. Fo e la ma Ebɔrɛ.

Nshɛ 42:3

M ma anishichubi e ki ma kapa nɛ kanyɛ be ajibi. Nɛ saŋkama basa bee bishi ma fanɛ nnɛ nɛ fo Ebɔrɛ na wɔ.

Nshɛ 42:4

M baŋ nyiŋi kananɛ n daa juŋkpar basa nɛ baa bɛ abar so a yɔ fo bɔrɛlambu to nsaa cha awɔr a boŋ nshɛ kagbenefuliso a bunyaŋ fo na, ma kagbene bee jija alegaiso nna.

Nshɛ 58:11

Nɛ basa e kaŋɛ: “Kashenteŋ, basa cheembi kraa nya bumo be kakɔka. Kashenteŋ, Ebɔrɛ kraa ji asheŋ nɛ amo be ekpa so ashi durnya to.”

Nshɛ 9:16

Enyɛnpe Ebɔrɛ be kebaaji asheŋ nɛ amo be ekpa so nɛ baa ta a pin mo. Ama alubiworapoana gbagba be alubi e naa kilgi a ji bumo.

Nshɛ 94:1

O Enyɛnpe Ebɔrɛ nɛ fee gberge basa nɛ b wora n jija kusoe; ŋini bumo esa nɛ e la fo nseŋ gberge bumo kusoe!

Ɛksodɔs 6:7

Menyeeŋ ba kraa la ŋ gbagba be basa nɛ ma alɛ e baa la menyi be Ebɔrɛ. Saŋɛ na so nɛ menyeeŋ pin fanɛ ma e la Enyɛnpe Ebɔrɛ nɛ e la menyi be Ebɔrɛ nɛ e lara menyi kenyaya to ashi Ijiptebi be enɔ to.

Ɛksodɔs 7:5

Saŋɛ nɛ meeŋ bar kasogberge Ijiptebi so nseŋ lara Israɛl be basa ashi bumo to na pɔɛŋ nɛ baaŋ pin fanɛ ma e la Enyɛnpe Ebɔrɛ na.”

Aizaaya 64:1

Enyɛnpe Ebɔrɛ, bugi awɔlpa to nseŋ gbelge m ba nɛ kufu e pɛ abee nɛ a baa chicha.

Jɛremaya 51:24

Ade kikɛ be kaman nɛ Enyɛnpe Ebɔrɛ naŋ kaŋɛ le: “Ma basa, menyi gbagba e naaŋ wu kananɛ meeŋ ka Babilɔn be efuli nɛ kumo be basa kukɔ ŋkpal kulubi nɛ b wora Jerusalɛm so.

Jɛremaya 51:35

Babilɔn be efuli so be basa piira anyi be beko nseŋ mɔ beko malɛ. Naniere, Enyɛnpe Ebɔrɛ, shin nɛ b ka kumo be kukɔ!”

Nfabel 1:22

Sa maŋ kplaŋ bumo be asheŋ lubi so n shin nɛ b nya bumo be amu n ji. Kananɛ fo baŋ gberge anyi kusoe ŋkpal anyi be alubi so na, gberge bumo alɛ gba kusoe ŋkpal bumo be alubi so. Anyee munto a shu kagbenejijaso nna. Anyi be tama kikɛ loge.”

Ezikɛl 36:23

Ŋ kaŋ lara kecheembiya nɛ k wɔ ma ketregboŋ nɛ men ŋaba ashi efuliana na so na ŋ ŋini bumo na nɛ baaŋ pin fanɛ ma e la Enyɛnpe Ebɔrɛ na. Ma, Enyɛnpetale Ebɔrɛ na e kaŋɛ, fanɛ men bɔla menyi so ŋ ŋini efuli pɔtɛana na fanɛ n du cheembi nna.

Jowɛl 2:17

Men shin nɛ bɔrɛmatapoana nɛ baa shuŋ Enyɛnpe Ebɔrɛ na e shɛr bɔrɛlambu na to be bɔrɛsure na be kabuna to n shu ŋ kule Ebɔrɛ ŋ kaŋɛ le: ‘Enyɛnpe Ebɔrɛ, wu fo basa kuwɔr. Sa maŋ shin nɛ efuli pɔtɛana so ebi e wora anyi eyurto, nseŋ bishi anyi fanɛ, men be Ebɔrɛ na wɔ nnɛ naniere?’ ”

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Romebi 12:19

Beshapo, men sa maa wora a tal basa nɛ baa wora menyi to, men shin nɛ Ebɔrɛ be agbo e baa shuŋ loŋ be kushuŋ a sa menyi fanɛ kananɛ abɔrɛsibɛ na bee kaŋɛ fanɛ Enyɛnpe bee kaŋɛ le na: “Keka esa be kulubi kukɔ la ma asheŋ nna. Ma, Enyɛnpe na e naaŋ ka esa be kulubi kukɔ nɛ kumo be ekpa so.”

Ditɛronɔmi 32:43

Efuli pɔtɛana be basa, a daga fanɛ men tu Enyɛnpe Ebɔrɛ na be basa n ji eyur, ŋkpal manɛ so, e bee gberge bekama nɛ b mɔ mbe basa kusoe nna. Mo e naa bishi mo doŋana kuwule nsaa ta mbe basa be alubi a paŋ bumo na.”

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”