Nshɛ 78:8 - EBƆRƐ BE KAWƆL

⁸ Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Nshɛ 78:8 ပူးပေါင်းရင်းမြစ်များ

2 Bewura 17:14

Amo nɛ amo kikɛ Israɛlebi na daa maŋ wora kasonu n sa Enyɛnpe Ebɔrɛ na. Bumo alɛ gba daa kɔ asoe kpakpaso nna fanɛ bumo nananyɛnana nɛ b daŋ kini keshuŋ Enyɛnpe bumo be Ebɔrɛ na.

2 Kronikɛls 12:14

E daŋ wora alubi nna ŋkpal e ka daa maa wora Enyɛnpe Ebɔrɛ be aparsheŋ so.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 20:33

ama e daa maŋ mur ndoŋ be mboŋ nɛ baa shuŋ agbir na kikɛ. Ŋkpal loŋ so basa na daa maŋ ta bumo be ŋgbene kikɛ m bɛ bumo nananyɛnana be Ebɔrɛ na so.

2 Kronikɛls 30:19

E yɛ: “O! Enyɛnpe an nananyɛnana be Ebɔrɛ nɛ fo walɛ, ta bekama nɛ baa shuŋ fo nɛ kagbene koŋwule na be alubi m paŋ bumo, hale b ka maŋ walɛ so daŋkare be ekpa so kikɛ ere gba.”

2 Kronikɛls 30:7

Menyi ere e sa maŋ kaŋ ki fanɛ men nananyɛnana nɛ men braana Israɛlebi nɛ b daa maŋ ji kashenteŋ n sa Enyɛnpe bumo be Ebɔrɛ na. Men gbagba wu kananɛ e gberge bumo kusoe alegaiso.

Job be kawɔl 11:13

Job, yili fo kagbene kukoŋwule n sa Ebɔrɛ, nseŋ bɛta n yɔ mo kutɔ kabɔrɛkule to.

Nshɛ 106:7

An nanaana ka daa wɔ Ijipt be efuli so na, bumo be lakal daa maa wɔ Ebɔrɛ be mamachi be asheŋ woraso so; ŋko kasha so. Jemanɛ nɛ b daa dii teku peper na, b daŋ pal kaman nna n sa mo.

Nshɛ 68:6

Mo e naa ta bumo nɛ b maŋ kɔ basa a ki kanaŋ wurana. Mo e naa sɔ basa nɛ b ti ebu a yige, nsaa shin nɛ asheŋ bee nite nɛnɛ a sa bumo. Ama e bee yɛr bumo nɛ b kɔ asoe kpakpaso nsaa maa nu a sa mo na bre epeŋi kpakpaso be kasawule so nna.

Nshɛ 78:37

B daa maa ji kashenteŋ a sa mo; bumo alɛ daa maa bɛ mo nɛ bumo be kɔnɔkoŋwule be ŋkre so.

Nshɛ 78:40

Jemanɛ nɛ b daa wɔ keshishɛrsawule na so na, ale damta nɛ b daŋ lar Ebɔrɛ kaman n jija mbe kagbene!

Nshɛ 78:56

Ama b daŋ lar Ebɔrɛ kaman nseŋ wora Enyɛnpetale Ebɔrɛ na ŋ keni nna. B daa maŋ bɛ mbe mbraana so.

Ɛksodɔs 32:9

Kumo be kaman nɛ Enyɛnpe Ebɔrɛ naŋ kaŋɛ Mosis: “N nyi kananɛ basa ere kɔ kusoe kpakpaso.

Ɛksodɔs 33:3

Ama ma ere gbagba bre maaŋ naŋ tu menyi n yɔ, nɛ mannɛ aloŋ meeŋ mur menyi ekpa to n loge, ŋkpal men be amukpakpaso so.”

Ɛksodɔs 33:5

B daŋ wora ade kikɛ nna ŋkpal Enyɛnpe Ebɔrɛ na ka daŋ kaŋɛ Mosis le so: “Men la amukpakpasowuraana nna. M baŋ tu menyi n yɔ anishito gbrɛ kama gba, meeŋ mur menyi kuraa, amoso ekama e lara mbe abitasɔ mo so pɔɛŋ nɛ n yili kusɔ nɛ meeŋ wora menyi na.”

Ɛksodɔs 34:9

nseŋ kaŋɛ: “O, n Nyɛnpe Ebɔrɛ, nɛ ma asheŋ bee par fo, kumo ere mee kule fo nna nɛ fo tu anyi n yɔ. N nyi basa ere ka kɔ amu kpakpaso, ama ta anyi be ashuŋ lubi nɛ alubi kikɛ m paŋ anyi nseŋ ta anyi ŋ ki fo gbagba be basa.”

Aizaaya 30:9

B wɔtɔ nna a lar Ebɔrɛ kaman nsaa ku efɛ nsaa kini kebaanu a sa Enyɛnpe Ebɔrɛ na be keŋini.

Ezikɛl 20:18

Kusɔ nɛ n daŋ wora e la fanɛ, n daŋ fɛa bumo be mbifɔlbi nɛ b daa wɔ bumo to na so nna, fanɛ b sa maŋ kaŋ kute bumo tutoana to m bɔla agbirana so n jija bumo be amu.

Ezikɛl 20:8

Ama b pal kaman n sa ma nseŋ kini kenu n sa ma. B daŋ maŋ lara asɔ nɛ b ta ŋ ki agbirana ashuŋ nseŋ ta bumo be anishi n yuu amo so na ashi bumo to. Bumo alɛ daa maŋ naŋ kini Ijipt be efuli so be agbirana na gba. Amoso nɛ n daŋ kaŋɛ fanɛ meeŋ shin nɛ ma agbo a ba bumo so nɛ ŋ gberge bumo kusoe ashi Ijipt ndoŋ na.

Ashuŋ Shunso 11:23

E ka ba ndoŋ m ba wu kananɛ Ebɔrɛ nɛfa basa na nɛ mbe kagbene fuli mo ga nɛ e leŋ bumo kikɛ to fanɛ b bugi bumo be ŋgbene kikɛ kashenteŋto a nu a sa Enyɛnpe na.

Ashuŋ Shunso 7:51

Men kɔ amu kpakpaso ga. Menyi be ŋgbene du fanɛ nnyamase peya nna, men maŋ kɔ Ebɔrɛ be kubɔya na be asoe. Menyi nɛ men nanaana baa la kukoŋwule nna. Menyi alɛ gba maa nu a sa Kiyoyu Cheeŋ na.

Ditɛronɔmi 31:27

N nyi kananɛ bumo be amu nɛ ŋgbene du kpakpa. Jemanɛ nɛ n wɔ bumo to gba, b lar Enyɛnpe Ebɔrɛ na kaman. Ma luwu be kaman bre baaŋ wora kumo nɛ k chɔ loŋ.

Ditɛronɔmi 4:4

Ama menyi bumo nɛ b daa ji kashenteŋ a sa Enyɛnpe, menyi be Ebɔrɛ na, e kraa wɔ ŋkpa to kabre na.

Ditɛronɔmi 9:13

Kede be kaman, nɛ Enyɛnpe Ebɔrɛ na naŋ kaŋɛ ma le: “N nyi kananɛ Israɛl be basa ere kpeŋ nsaa beeŋ tiŋ n lar ma kaman.

Ditɛronɔmi 9:24

Ma ere ka baa nyi menyi kikɛ, men baa la basa nɛ menyee lar Enyɛnpe Ebɔrɛ kaman nna.

Joshuwa 22:15

B ka yɔ Giliad be kasawule so n ya tu Ruben nɛ Gad nɛ Manase be epeŋilarkpa be kaba so be basa na nɛ

1 Samuɛl 8:8

Yili saŋɛ so nɛ n lara bumo ashi Ijipt be kasawule so dra dra na kikɛ nɛ b kini ma nseŋ ya kaa bɛ agbir so. Kusɔ nɛ b wora ma na gbagba nɛ b ta a wora fo alɛ gba naniere na.