Nshɛ 78:72 - EBƆRƐ BE KAWƆL

⁷² Ewura Deevid malɛ daŋ ta kagbene koŋwule n juŋkpar bumo nseŋ wora asheŋ kanyiasheŋ so ashi bumo to nna.

Nshɛ 78:72 ပူးပေါင်းရင်းမြစ်များ

2 Samuɛl 8:15

Saŋɛ nɛ Deevid daa la Israɛl be efuli so kikɛ be ewura na, e daa ji asheŋ nɛ amo be ekpa so nna nsaa wora asheŋ nɛ a niŋi.

1 Bewura 15:5

Enyɛnpe Ebɔrɛ daŋ wora loŋ nna ŋkpal ewura Deevid ka daa wora mbe aparsheŋ nsaa maa wora a da mbe mbra so so, ama kusɔ nɛ e daŋ wora Yuriya nɛ e la Hiti be esa na nawule.

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

1 Bewura 9:4

Nɛ feeŋ baa kɔ kasonu n sa ma nsaa ji kashenteŋ fanɛ kananɛ fo tuto ewura Deevid daa du na, nsaa bɛ ma mbra nɛ ma keŋini so bre,

Nshɛ 75:2

Fo yɛ: “N lara demuji be jemanɛ nna n yili; ma alɛ beeŋ ji demu nɛ kumo be ekpa so.

Ezikɛl 34:2

“Dimɛdi pibi, Ezikɛl, Israɛl be bejuŋkparpoana na du fanɛ mbolpɔkpapo nɛ baa keni ma basa nɛ b du fanɛ mbolpɔ so nna. Ama mee sha fanɛ fo kaŋɛ Israɛl be bejuŋkparpo na fanɛ b maŋ wora n nyalɛ nɛ ekama e nu. Kaŋɛ bumo kusɔ nɛ ma Enyɛnpetale Ebɔrɛ na kaŋɛ fanɛ: Asheŋ maaŋ nyalɛ n sa menyi, Israɛl be mbolpɔkpapo ere! Menyi be amu nɛ menyee keni so nseŋ kplaŋ ma mbolpɔ so.

Ashuŋ Shunso 13:22

Ebɔrɛ ka gboŋi mo kuwura na to nɛ e shin nɛ Deevid ki bumo be ewura. Le nɛ Ebɔrɛ daŋ malga Deevid be asheŋ: ‘N wu fanɛ Jɛsi pibi Deevid be kaduli gbagba nɛ mee sha na. Mo e la emo nɛ e beeŋ wora kusɔ kama nɛ mee sha fanɛ e wora na.’

Ashuŋ Shunso 13:36

Ŋkpal manɛ so, Deevid be jemanɛ na, e daŋ wora Ebɔrɛ be aparsheŋ nna nseŋ wu nɛ b ta mo m puli m mata mo nanaana nɛ e bɛ.

2 Timoti 2:15

Wora ania ga n ta fo kumu m bɔɔ Ebɔrɛ enɔ a shuŋ mo nɛnɛ. Baa la esa nɛ e bee ŋini kashenteŋ be mmalga na kumo be ekpa so. Loŋ na fo maaŋ luri kushuŋ na be anishinyɔr to.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.