Nshɛ 78:7 - EBƆRƐ BE KAWƆL

⁷ Aloŋ e naŋ shin nɛ mbia na gba e ta bumo be yirda n wɔtɔ Ebɔrɛ to nsaa maŋ teŋ asɔ nɛ e wora so. Saŋɛ na so, jemanɛ kikɛ baaŋ baa wora mbe mbraana na kasonu.

Nshɛ 78:7 ပူးပေါင်းရင်းမြစ်များ

Nshɛ 103:2

Meeŋ ta ma kagbene kikɛ ŋ kpaŋ Enyɛnpe Ebɔrɛ na! Ma alɛ maaŋ teŋ asheŋ lela nɛ e wora ma na kikɛ so.

Nshɛ 105:45

E wora loŋ nna nɛ mbe basa e baa wora mbe mbraana kasonu. Men kpaŋ Enyɛnpe Ebɔrɛ na!

Nshɛ 105:5

Menyi nɛ men la Eebraham nɛ e shuŋ Ebɔrɛ na, nɛ Jeekɔb nɛ Ebɔrɛ lara dra dra na mo nanabiana na, e baa nyiŋi Ebɔrɛ be mamachi be asheŋ woraso nɛ kananɛ e bee ji asheŋ nɛ amo be ekpa so be asheŋ.

Nshɛ 146:5

Enyɛnpe Ebɔrɛ nɛ e la an nananyɛn Jeekɔb be Ebɔrɛ na bee nɛfa ekama nɛ e yirda mo nseŋ ta mbe kumu n to mo so na nna.

Nshɛ 40:4

Enyɛnpe Ebɔrɛ na bee nɛfa bekama nɛ b yirda mo nɛ bumo nɛ b maa shuŋ agbir nɛ a la asɔ fuloŋ na nna.

Nshɛ 62:5

Enyɛnpe Ebɔrɛ na nawule e naa sa kagbenewushi; amoso mo so nɛ ma tama yil so.

Nshɛ 91:14

Enyɛnpe Ebɔrɛ yɛ: “Nɛ fee sha ma nsaa nyi esa nɛ e la ma kashenteŋto, meeŋ mɔlga fo nsaa kuŋ fo.

1 Kɔrintebi 11:24

n chɔrɔ Ebɔrɛ n loge nseŋ bu kumo to nseŋ kaŋɛ: “Ma eyur nɛ ŋ kɔ a sa menyi nde, men baa wora kesheŋ ere a nyiŋi ma.”

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 5:29

Nɛ fanɛ baaŋ baa kɔ le be nfɛra nsaa bunyaŋ ma jemanɛ kikɛ nseŋ naa wora ma mbraana kasonu, kumo ere asheŋ beeŋ nyalɛ n sa bumo nɛ bumo be kamanebi hale mbaanaayɔ.

Ditɛronɔmi 6:12

men baa da so nɛ men maŋ teŋ so fanɛ Enyɛnpe Ebɔrɛ na e kɔ n suge menyi kenyaya to ashi Ijipt be efuli so.

Ditɛronɔmi 6:21

Ndoŋ nna nɛ men kaŋɛ bumo le: ‘An daa la Ijipt be ewura Fɛɛro be anya nna, ama Enyɛnpe Ebɔrɛ na ta mbe eleŋgboŋ ŋ kɔ n sɔ anyi n yige.

Ditɛronɔmi 6:25

Nɛ fanɛ anyee wora kusɔ kama nɛ Enyɛnpe anyi be Ebɔrɛ na kaŋɛ kasonu kashenteŋto bre, mbe kagbene beeŋ baa fuli anyi so.”

Ditɛronɔmi 8:11

Men baa da so nɛ menyi maaŋ teŋ Enyɛnpe Ebɔrɛ na so ŋko n wora mbe mbraana nɛ n ta a sa menyi kabre ere kusoe kpakpaso.

Ditɛronɔmi 8:2

Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Jɔn 5:3

Kesha Ebɔrɛ malɛ e la kebɛ mbe mmalga nasesoana so, amo alɛ maŋ du kpakpa.

Kelaraŋŋini 14:12

Kede e naa ŋini fanɛ a daga fanɛ Ebɔrɛ be basa, bumo e la basa nɛ baa ta Ebɔrɛ be mmalga naseso a wɔtɔ bumo be ŋgbene to nsaa maa lar Yesu kaman na e baa kɔ kanyiti.