Nshɛ 78:68 - EBƆRƐ BE KAWƆL

⁶⁸ Juda be yiri to ebi nɛ Zayɔn be kebee nɛ e daa sha ga ashi Jerusalɛm to na nɛ e daŋ lara n yili n sa mbe kumu.

Nshɛ 78:68 ပူးပေါင်းရင်းမြစ်များ

1 Kronikɛls 28:4

Enyɛnpe nɛ e la Israɛl be Ebɔrɛ na e lara ma nɛ ma kaman to ebi fanɛ an baa ji Israɛl be kuwura mbaanaayɔ. N tuto be kanaŋ ashi Juda be yiri na to nɛ e lara fanɛ b baa la bejuŋkparpo. Mbe keparso nɛ e keni n tuto be kanaŋ na kikɛ to n lara ma fanɛ ŋ ki Israɛl be ewura.

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

Nshɛ 87:2

Mo alɛ bee sha kadegboŋ na a chɔ kade kikɛ ashi Israɛl be efuli na kikɛ so.

1 Samuɛl 16:1

Nɛ Enyɛnpe Ebɔrɛ kaŋɛ Samuɛl le: “Nchɛ afanɛ nɛ fo shin nɛ fo chena kagbenejijaso a fɛ Sɔɔl be asheŋ? M maŋ naŋ shuli fanɛ e baa la Israɛl be ewura, amoso ta ɔlif be ŋku n yɔ kanyɛn nɛ baa tre Jɛsi nɛ e wɔ Bɛtlɛhɛm na pe. N lara mbe mbia na be eko nɛ e ki Israɛl be ewura.”