Nshɛ 78:54 - EBƆRƐ BE KAWƆL

⁵⁴ Ebɔrɛ daŋ juŋkpar mbe basa nna n yɔ kepreŋsawule nɛ e bɔla mbe eleŋgboŋ so n suge n sa bumo na so.

Nshɛ 78:54 ပူးပေါင်းရင်းမြစ်များ

Nshɛ 44:3

Mannɛ bumo gbagba be eleŋ nɛ akɔsɔ e daŋ shin nɛ b sɔ kasawule ere, ŋko n shin nɛ b kɔ m pɔɔ so. Ama ŋkpal fo kagbene ka fuli bumo so so, nɛ fo chɛ bumo to nɛ b kɔ m pɔɔ bumo doŋana so.

Nshɛ 68:16

Kebeegboŋ, manɛ nna nɛ fee besa Zayɔn be kebeegboŋ nɛ Enyɛnpe na lara fanɛ mbe echenakpa nsaa wɔ kumo so saŋkama na eyur?

Ɛksodɔs 15:13

Feeŋ bɔla fo kasha nɛ k maa chɛrga na so n juŋkpar basa mo nɛ fo sɔ n yige na, nsaa ta fo eleŋ na a juŋkpar ŋ ŋini bumo ekpa nɛ b ya fo kakpa cheembi nɛ fo wɔ na.

Ɛksodɔs 15:17

Fo e naaŋ yɛr fo basa n ya chena fo gbagba be kebee so, kaboŋ nɛ fo, Enyɛnpe lara fanɛ k baa la fo pe nsaa la ebu cheembi nɛ fo gbagba pɔr na.

Aizaaya 11:9

Kusɔ lubi kikɛ maaŋ naa wɔ Ebɔrɛ be kebee cheembi nɛ baa tre Zayɔn na so. Kananɛ nchu bɔlɔ teku to na, aloŋ nɛ basa nɛ b nyi nsaa bunyaŋ Enyɛnpe Ebɔrɛ na gba beeŋ baa kaa shi kasawule na so.

Jɛremaya 32:23

Ama b ka ba kasawule ere so m ba sɔ kumo ŋ ki bumo peya na be kaman, b maŋ wora fo kasonu ŋko m bɛ fo mbra so. Kusɔ kama nɛ fo yili bumo fanɛ b wora na b maŋ wora kumo. Amoso nɛ fo shin nɛ kemur ere ba bumo so na.

Danɛl 11:45

Kede be kaman nɛ e yuu bewura be wajɛbu gboŋgboŋi ashi Teku nɛ baa tre Mɛditerenia nɛ k wɔ epeŋitɔrkpa na nɛ kebee nɛ bɔrɛlambu na yil so na be kefɛato. Ama ndoŋ nɛ e beeŋ wu nɛ esa kama maŋ chɛ mo to.”

Ɛfesesebi 1:14

Kiyoyu Cheeŋ na e la anyi be tɔɔnɛ a sa anyi tama fanɛ anyeeŋ nya kusɔ nɛ Ebɔrɛ nase kɔnɔ fanɛ e beeŋ sa mbe basa na fanɛ bekama nɛ b la mo peya beeŋ nya bumo be amu nsaa la bumo nɛ bumo be kebaawɔtɔ bee di Ebɔrɛ epaŋ nsaa maŋkura mo.