Nshɛ 78:5 - EBƆRƐ BE KAWƆL

⁵ Mo e ta mbe mbraana n sa Israɛl be basa nɛ b la Jeekɔb be kaman to ebi na. Mo e kaŋɛ an nanaana fanɛ b baa ŋini bumo be mbia mbe mbraana na;

Nshɛ 78:5 ပူးပေါင်းရင်းမြစ်များ

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

Nshɛ 119:152

Ŋ koya fo mbraana na m pin to fanɛ dra kikɛ nɛ fo yili kumo fanɛ a baa wɔtɔ mbaanaayɔ.

Nshɛ 147:19

Ebɔrɛ e ta mbe mbraana nɛ keŋiniana n sa mbe basa nɛ b la an nananyɛn Jeekɔb nɛ e daa wɔtɔ dra dra na be kaman to ebi; bumo e ki Israɛl be efuli so be basa na.

Nshɛ 19:7

Enyɛnpe Ebɔrɛ be mbra na bee niŋi ekpa nsaa sa ŋkpa nna. Asɔ nɛ Enyɛnpe be mbra bee ŋini na la asɔ nɛ esa beeŋ tiŋ n yirda nna. Amo alɛ bee sa bebɔlpo, kanyiasheŋ nna.

Nshɛ 81:5

Mo e ta kumo n sa Israɛl be basa, nɛ b la Josɛf be kaman to ebi na, jemanɛ nɛ Ebɔrɛ daŋ juŋkpar bumo n lar Ijipt be efuli so na. N daŋ nu esa ko ka kaŋɛ ma ashi ŋgbar nɛ m maŋ nyi to le:

Ɛksodɔs 12:27

Men kaŋɛ bumo fanɛ: ‘K la Enyɛnpe Ebɔrɛ be kebansonchoŋ be sarga nna. E daŋ baŋ anyi Israɛlebi be nwu so nna ashi Ijipt be efuli so nseŋ ya mɔ Ijiptebi be ewurkoŋnyɛnana, ama shɛŋ daa maŋ wora anyi ere be basa.’ ” Ndoŋ nna nɛ Israɛlebi gbir m bunyaŋ Enyɛnpe Ebɔrɛ na.

Ɛksodɔs 25:16

B kaŋ lɔŋɛ deka na n loge nɛ fo ta ajembu pantraŋ pantrambi nɛ ma mbraana deŋi so nɛ meeŋ ta n sa fo ere n wɔtɔ kumo to.

Ɛksodɔs 25:21

Ade kikɛ be kaman nɛ b ta ajembu pantraŋ pantrambi anyɔ nɛ ma mbraana deŋi so na n wɔtɔ deka na to nseŋ ta buuso nɛ baa tre kuwɔr be kakpa na m buu so.

Ɛksodɔs 40:20

Ade be kaman nɛ e ta mbra be ajembu anyɔ na n wɔtɔ kɔnɔkoŋwule be ŋkre be deka na to nseŋ ta buuso nɛ baa tre kuwɔr be kakpa na m buu kumo so nseŋ shin nɛ b nyisi ndibi nɛ baa pɛ to a maŋ kumo so na n wɔtɔ amo be mpinibi na be amaŋ to.

Ɛksodɔs 40:3

nseŋ ta kɔnɔkoŋwule be ŋkre be deka nɛ mbra kudu na wɔtɔ na n yili kumo to n ta patisa kuŋso na ŋ kuŋ kumo so.

Aizaaya 38:19

Basa nɛ b wɔ ŋkpa to e naa kpaŋ fo, fanɛ kananɛ mee kpaŋ fo naniere na. Bekurgepo bee kaŋɛ bumo be mbia fo kashenteŋji be asheŋ.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Romebi 3:2

Cha, Juwebi baa chɔ basa pɔtɛ ekpa kama so nna, ŋkpal manɛ so, kusɔ nɛ k juŋkpar e la fanɛ bumo nɛ Ebɔrɛ ta mbe mmalga m bɔɔ enɔ.

Ɛfesesebi 6:4

Betutoana, menyi alɛ gba e sa maa lute bumo nnɔ a wɔtɔ bumo agbo to. Kusɔ nɛ k daga fanɛ men baa wora e la fanɛ men baa ta Enyɛnpe be keŋini nɛ keniŋi ekpa a keni bumo so nɛ b baa daŋ.

Ditɛronɔmi 11:19

Men baa ŋini menyi be mbia amo nsaa malga amo be asheŋ jemanɛ kikɛ ashi menyi be elaŋ to nɛ jemanɛ nɛ men lar kowu a nite nɛ jemanɛ nɛ men ya dese kanyɛso nɛ jemanɛ nɛ men koso kachipurso.

Ditɛronɔmi 31:13

Ekpa nɛ men be kaman to ebi nɛ b maŋ naŋ nu Enyɛnpe menyi be Ebɔrɛ na be mbra be asheŋ beeŋ bɔla so n nya kumo n nu nna na. Kumo be loŋ beeŋ shin nɛ b koya kebaawora mo kasonu bumo be kebaawɔtɔ to ashi kasawule nɛ menyee yɔ nɛ men ya sɔ n chena so ashi Jɔɔdan be lɔr na be kaba ndoŋ na.”

Ditɛronɔmi 32:46

nɛ e kaŋɛ le: “Men baa nyiŋi nsaa wora asheŋ nɛ ŋ kaŋɛ menyi kenishipere so kabre ere kasonu nɛnɛ. Men baa kute amo to a sa men be mbia, saŋɛ na so, bumo alɛ gba beeŋ wora kusɔ kama nɛ k wɔ Ebɔrɛ be mbra be kawɔl na to kasonu kashenteŋto.

Ditɛronɔmi 4:45

Israɛl be basa na ka lar Ijipt be efuli so m ba fo ketaŋɛ nɛ k dese Jɔɔdan be lɔr na be epeŋilarkpa be kaba so m mata kakpa nɛ baa tre Bɛf Piyɔɔ na, nɛ Mosis ta mbraana ere n sa bumo. Amɔriebi be ewura Sihɔn nɛ e daŋ chena Hɛshbɔn n ji kuwura na be kasawule e daa la kumo. Mosis nɛ Israɛl be basa na daŋ kɔ m pɔɔ mo

Ditɛronɔmi 6:7

Men baa ŋini menyi be mbia amo. Men baa kute amo to jemanɛ nɛ men wɔ elaŋ to nɛ jemanɛ nɛ men wɔ ekpa so nɛ jemanɛ nɛ menyee wushi nɛ jemanɛ nɛ menyee shuŋ kikɛ.