Nshɛ 78:4 - EBƆRƐ BE KAWƆL

⁴ Anyi maaŋ ta amo ŋ ŋana anyi be mbia so. Anyeeŋ malga Enyɛnpe Ebɔrɛ na be eleŋgboŋ nɛ mbe asheŋgboŋ nɛ emamachisheŋ nɛ e wora na be asheŋ n sa anyi be mbia nɛ baaŋ ba anyi be kaman na.

Nshɛ 78:4 ပူးပေါင်းရင်းမြစ်များ

Job be kawɔl 15:18

Benyiashempo e ŋini ma kashenteŋ nɛ b koya bumo nanaana kutɔ. Bumo alɛ maŋ ta ashiri kikɛ ŋ ŋana.

Nshɛ 26:7

nsaa boŋ kapandi be nshɛ, a malga fo mamachi be ashuŋ be asheŋ.

Nshɛ 9:14

nɛ n yili Jerusalɛmebi be anishito n fur fo ŋ kaŋɛ asɔ nɛ fo wora, nseŋ ji eyur ŋkpal fo kumɔlga so.

Ɛksodɔs 12:26

Nɛ men be mbia kaŋ bishi menyi fanɛ: ‘Le be kesheŋ ere be kifito bre e la nuso?’

Ɛksodɔs 13:14

Ama saŋko nɛ menyi be mbia kaŋ bishi menyi kejigboŋ ere be kifito, men kaŋɛ bumo le: ‘Enyɛnpe Ebɔrɛ daŋ ta mbe eleŋgboŋ nna n lara anyi kenyaya to ashi Ijipt be kasawule so.

Ɛksodɔs 13:8

Kachɛ shunusopo na nɛ ekama e kaŋɛ mbe mbia fanɛ e bee wora le be kesheŋ ere nna a nyiŋi kusɔ nɛ Enyɛnpe Ebɔrɛ wora n sa mo, saŋɛ nɛ e lar Ijipt to na.

Aizaaya 38:19

Basa nɛ b wɔ ŋkpa to e naa kpaŋ fo, fanɛ kananɛ mee kpaŋ fo naniere na. Bekurgepo bee kaŋɛ bumo be mbia fo kashenteŋji be asheŋ.

Jowɛl 1:3

Men kaŋɛ men be mbia kusɔ nɛ mee shin nɛ ŋ kaŋɛ menyi ere, nseŋ shin nɛ bumo alɛ e kaŋɛ bumo be mbia nɛ loŋ be mbia na malɛ e kaŋɛ bumo alɛ be mbia.

Ditɛronɔmi 11:19

Men baa ŋini menyi be mbia amo nsaa malga amo be asheŋ jemanɛ kikɛ ashi menyi be elaŋ to nɛ jemanɛ nɛ men lar kowu a nite nɛ jemanɛ nɛ men ya dese kanyɛso nɛ jemanɛ nɛ men koso kachipurso.

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 6:7

Men baa ŋini menyi be mbia amo. Men baa kute amo to jemanɛ nɛ men wɔ elaŋ to nɛ jemanɛ nɛ men wɔ ekpa so nɛ jemanɛ nɛ menyee wushi nɛ jemanɛ nɛ menyee shuŋ kikɛ.