Nshɛ 78:38 - EBƆRƐ BE KAWƆL

³⁸ Ama Ebɔrɛ kraa wu mbe basa kuwɔr. E daŋ ta bumo be alubi m paŋ bumo nna, nsaa maŋ mur bumo. Ale damta nɛ e pɛ mbe kagbene, a maŋ shin nɛ mbe agbo koso bumo so alegaiso.

Nshɛ 78:38 ပူးပေါင်းရင်းမြစ်များ

2 Samuɛl 24:16

Ama Enyɛnpe Ebɔrɛ be Malaika ka daa shin nɛ e mur Jerusalɛm na, nɛ kuwɔr pɛ Enyɛnpe Ebɔrɛ nɛ e chɛrga mbe nfɛra a yɔ basa na be kasogberge na be kaplɛa so nseŋ kaŋɛ Malaika nɛ e bee mɔ bumo na le: “K nyalɛ loŋ. Lara fo enɔ ashi bumo be asheŋ to!” Kumo be jemanɛ na nɛ Malaika na wɔ Aruna nɛ e la Jebusi be esa na be kugooro na ase.

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

2 Bewura 21:20

E daŋ wora alubi nna ŋ gbiti Enyɛnpe Ebɔrɛ fanɛ kananɛ mo tuto ewura Manase daŋ wora na gbagba.

Nshɛ 99:8

O Enyɛnpe anyi be Ebɔrɛ, fo e daŋ nu bumo be kekule, nseŋ ta bumo be alubi m paŋ bumo. Ama b ka naŋ wora kusɔ nɛ k maŋ daga na, fo gberge bumo kusoe nna.

Aizaaya 48:9

Ŋkpal ŋ ka bee sha basa e kpaŋ ma ketre so, nɛ mee pɛ ma agbo nsaa maŋ mur menyi na.

Ezikɛl 20:17

Ade kikɛ be kaman, n daŋ wu bumo kuwɔr nna a maŋ mur bumo ŋko n shin nɛ b shir keshishɛrsawule na so ndoŋ.

Hoziya 11:9

M maaŋ naŋ kaa agbo m mur Israɛlebi kikɛ; ŋkpal manɛ so, n la Ebɔrɛ nna, mannɛ dimɛdi. N la Ebɔrɛ nɛ n du cheembi nna a wɔ bumo to. M maaŋ kaa agbo m ba bumo so kikɛ.

Eemɔs 7:3

Ndoŋ nna nɛ Enyɛnpe Ebɔrɛ chɛrga mbe nfɛra nseŋ kaŋɛ le: “M maaŋ shin nɛ kusɔ nɛ fo wu ere e wora kikɛ.”

Eemɔs 7:6

Nɛ Enyɛnpe Ebɔrɛ naŋ chɛrga mbe nfɛra ŋ kaŋɛ le: “Loŋ maaŋ wora kikɛ.”