Nshɛ 78:34 - EBƆRƐ BE KAWƆL

³⁴ Jemanɛ kikɛ nɛ Ebɔrɛ baŋ shin nɛ bumo be beko wu, bumo nɛ b ka na bee tuba nna nsaa kule mo kenishipere so.

Nshɛ 78:34 ပူးပေါင်းရင်းမြစ်များ

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Aizaaya 26:6

Naniere betirpo nɛ basa nɛ bedoŋ na daa kɔrfɛ na e naa chichi a chichi kakpa nɛ kadegboŋ na daa wɔ na so.

Jɛremaya 22:23

Men chena ewurkpa nɛ men ta Lebanɔn be efuli so be ndibi nɛ baa tre sida n lɔŋɛ na to nna nsaa maa fɔŋ shɛŋ so. Ama ŋ kaŋ shin nɛ ebesa fanɛ kakurge be ebesa ba menyi so na, nɛ menyi be asheŋ beeŋ baa keta kuwɔr.

Hoziya 5:15

Meeŋ kplaŋ ma basa so n ya fo saŋɛ nɛ baaŋ ji awurfoŋ ga ŋkpal bumo be alubi so, nseŋ ba kaa fin ma na. Ashere bumo be awurfoŋ na, e naŋ shin nɛ b fin ma.”

Hoziya 7:14

B maa bugi ŋgbene a kule ma. Baa tɔr nna a gbelti a shu fanɛ kananɛ nnyamase bee wora na. B baa kule ma adɔjibi nɛ asɔnuuso gba; baa ta asɔ nna a chaŋɛ a chaŋɛ bumo be eyur fanɛ kananɛ nnyamase bee wora na. Kashenteŋto b la basa nɛ b kini ma nna.

Nɔmbɛs 21:7

Nɛ basa na ba Mosis kutɔ m ba kaŋɛ le: “Ŋkpal an ka malga ŋ gbiti fo nɛ Enyɛnpe Ebɔrɛ so, an wora kulubi, amoso kule Ebɔrɛ nɛ e ju awɔ ere nfe naniere.” Ndoŋ nna nɛ Mosis kule Ebɔrɛ n sa bumo.

Demujipoana 4:3

Ewura Jabin daa kɔ abɛlso be egbaŋɛturko nɛ b kɔ a yɔ kena to alfa akpanu nna nseŋ daŋ kɔrfɛ Israɛl be basa na ga nfɛ adunyɔ. Ndoŋ nna nɛ Israɛlebi na shu n tre Enyɛnpe Ebɔrɛ na fanɛ e chɛ bumo to.