Nshɛ 78:19 - EBƆRƐ BE KAWƆL

¹⁹ B daŋ malga nna ŋ gbiti Ebɔrɛ ŋ kaŋɛ le: “Ebɔrɛ beeŋ tiŋ n sa anyi ajibi kiyi ere to nfe nna ere a?

Nshɛ 78:19 ပူးပေါင်းရင်းမြစ်များ

2 Bewura 7:2

Ndoŋ nna nɛ ewura na be benapo be enimu nɛ e bee fute a yigeso na kaŋɛ anebi Elaisha le: “Loŋ maaŋ tiŋ n wora. Hale Enyɛnpe Ebɔrɛ shin nɛ bɔrɛ ba ga nɛ ayu wora ga gba, amo be yawu maaŋ baa du loŋ.” Nɛ Elaisha kaŋɛ: “Fo anishi nɛ feeŋ ta n wu amo ama fo maaŋ ji amo be ajibi.”

2 Kronikɛls 32:19

Kananɛ b daŋ baa malga Jerusalɛm be Ebɔrɛ na be asheŋ du nna fanɛ kananɛ b daa malga basa pɔtɛana be agbir nɛ b ta bumo be enɔana n lɔŋɛ na be asheŋ na.

Job be kawɔl 34:37

Fo lar Ebɔrɛ kaman nna n ti alubi nɛ fo wora n da mo so na so. Anyi kikɛ be anishito nɛ fo keni Ebɔrɛ jiga n wora mo eyur to.”

Nshɛ 23:5

N doŋana be anishito, nɛ fee wora kejigboŋ a yili ma. Fo sɔ ma fanɛ fo efɔgboŋ nna, a keta ma kananɛ k daga so.

Ɛksodɔs 16:3

a kaŋɛ le: “Enyɛnpe Ebɔrɛ daŋ shin nɛ an wu ashi ljipt be kasawule so gba, k daa bɔ, ŋkpal manɛ so, an ka daa wɔ ndoŋ, an daa nya eblaŋ nɛ ajibi kanaŋkamaso nɛ anyee sha a ji. Ama kumo nɛ men bar anyi keshishɛrsawule ere so m ba ka shin nɛ men ta akoŋ m mɔ anyi kikɛ na.”

Nɔmbɛs 11:13

Nnɛ nɛ meeŋ nya eblaŋ n sa basa damta nɛ baa ponte a cha awɔr fanɛ n sa bumo eblaŋ ere kikɛ?

Nɔmbɛs 11:4

Kachako nɛ befɔ nɛ b daŋ tu Israɛlebi na a yɔ na fara a yɛlga ajibi ko kenishipereso, ndoŋ nna nɛ Israɛlebi na gba fara a fubel a bile asheŋ a kaŋɛ le: “Anyi maŋ nya eblaŋ kikɛ nɛ an we!

Nɔmbɛs 20:3

nseŋ fubel m bile asheŋ m malga ŋ gbiti Mosis ŋ kaŋɛ le: “Anyi nɛ an braana Israɛlebi ere kikɛ daŋ wu Enyɛnpe Ebɔrɛ be wajɛbu ere ase gba, k daa bɔ.

Nɔmbɛs 21:5

nseŋ malga ŋ gbiti Ebɔrɛ nɛ Mosis ŋ kaŋɛ le: “Manɛ nna nɛ men lara anyi Ijipt be kasawule so m bar anyi nfe nɛ an ba wu keshishɛrsawule nɛ ajibi nɛ nchu gba maŋ wɔ ere so? Nfe be ajibi ere fi anyi.”

Romebi 9:20

Ama fo alɛ dimɛdi e la wanɛ nɛ fo tiŋ m malga n ji Ebɔrɛ emɔrɔ le? Kusɔ pɔrso beeŋ tiŋ ŋ kaŋɛ kumo be epɔrpo le: “Manɛ e ba nɛ fo pɔr ma le” a?

Kelaraŋŋini 13:6

Ndoŋ nna nɛ e bugi mbe kɔnɔ a malga a gbiti Ebɔrɛ nseŋ ta mmalga lubi n jija mbe ketre nɛ kakpa nɛ e wɔ nɛ bumo nɛ b wɔ ebɔrɛso na kikɛ.