Nshɛ 77:2 - EBƆRƐ BE KAWƆL

² Enyɛnpe Ebɔrɛ na nɛ mee kule tɔrɔ be jemanɛ; mee maŋ ma enɔana so kanyɛ na kikɛ nna ashi kabɔrɛkule to, ama n daa maŋ nya kagbenewushi.

Nshɛ 77:2 ပူးပေါင်းရင်းမြစ်များ

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Jɛnesis 37:35

Mbe bibinyɛn nɛ bibiche kikɛ daŋ wushi mo kagbene ŋ gben nɛ e yɛ: “Ayai, m maaŋ tiŋ n yige. Ma nɛ kushu ere e naaŋ yɔ ma nchaŋ to, kakpa nɛ ma kebia na wɔ na.” Kashenteŋto, e daŋ shu ga ŋkpal Josɛf so.

2 Kronikɛls 6:28

Nɛ akoŋ baŋ tɔr kasawule ere so, ŋko aleblawu ko e ba ŋko afugboŋ tushiso ŋko elotɔr e ba jija bumo be adɔjibi, ŋko bedoŋ ko e ba kaa kɔ bumo kena ŋko kayurnyaŋ ŋko kulɔ ko e ba luri bumo to,

Job be kawɔl 11:13

Job, yili fo kagbene kukoŋwule n sa Ebɔrɛ, nseŋ bɛta n yɔ mo kutɔ kabɔrɛkule to.

Nshɛ 18:6

Nɛ n ta kebɔltofinfin n shu n tre Enyɛnpe Ebɔrɛ. N shu n tre ma Ebɔrɛ fanɛ e chɛ ma to; nɛ ma kushu tɔr mbe asoe to nɛ e yili mbe bɔrɛlambu to n nu ma ebɔl.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 55:17

Chipurso nɛ kapaso nɛ kanyɛso kikɛ, e bee nu ma nfubel nna.

Nshɛ 63:6

Kanyɛso nɛ m baŋ dese gedo so mee nyiŋi fo nna, a fɛ fo asheŋ ashi ma edesekpa saŋkama.

Nshɛ 86:7

M baa wɔ tɔrɔ to, fo nɛ mee shu a tre; ma alɛ nyi fanɛ fee nu ma kabɔrɛkule.

Aŋasa 18:14

Kagbenefuli bee chɛ to nna a sa esa alenfia ashi kulɔ to; fo baŋ paŋ kumo, kumo ere fo tama loge.

Aizaaya 26:16

Enyɛnpe Ebɔrɛ, fo gberge fo basa kusoe, nɛ b ta kagbenejija nɛ kushu ŋ kule fo.

Aizaaya 26:9

Kanyɛso kikɛ ma kagbene bee kɔ a fin fo nna. Fo baŋ ji durnya nɛ kumo be basa demu, bumo kikɛ beeŋ koya kebaawɔtɔ ŋini so.

Jɛremaya 31:15

Enyɛnpe Ebɔrɛ na yɛ: “Awɔr ko bee cha ashi Raama be kade to; k la kenishipereso be kushu be awɔr nna. Reechel e naa shu nseŋ kini kelolo ŋkpal mbe mbia ka wu so.

Hoziya 5:13

Israɛlebi ka wu alɔ nɛ Judaebi malɛ wu edoro nɛ a wɔ bumo so na, nɛ Israɛlebi ya fin kechɛto ashi Asiriya be efuli so be ewurgboŋ na kutɔ, ama mo alɛ gba maŋ tiŋ n chɛ bumo be alɔ nɛ edoro na.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Baru lela nɛ Jɔn kute na 11:31

Juwebi nɛ bumo nɛ Mɛɛri daa tase ebu to nɛ baa wushi mo kagbene na ka wu kananɛ e kpa ŋ koso manaŋ n lar kowu na nɛ b koso m bɛ mo so a fɛ fanɛ e daa yɔ nchaŋ na akpa nna nɛ e ya shu.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.