Nshɛ 77:13 - EBƆRƐ BE KAWƆL

¹³ O Ebɔrɛ, kusɔ kama nɛ fee wora du cheembi nna. Kegbir kikɛ maŋ shi nsaa kɔ eleŋ fanɛ fo.

Nshɛ 77:13 ပူးပေါင်းရင်းမြစ်များ

Nshɛ 105:2

Men baa boŋ nshɛ a kpaŋ Enyɛnpe Ebɔrɛ na; nsaa malga emamachisheŋ nɛ e wora be asheŋ.

Nshɛ 119:27

Chɛ ma to nɛ n tiŋ m pin fo mbraana to, saŋɛ na so meeŋ baa fɛ fo emamachisheŋ be asheŋ.

Nshɛ 27:4

Kusɔ koŋwule nɛ mee fin Enyɛnpe Ebɔrɛ kutɔ; Kumo e la fanɛ, ŋ ka beeŋ baa wɔ mbe laŋ to saŋɛ so nɛ n wɔ ŋkpa to ere; saŋɛ na so mbe alelasheŋ beeŋ baa bɔlɔ ma kenishi, nɛ m baa wɔ mo kutɔ ashi mbe bɔrɛlambu to.

Nshɛ 63:2

N wu fo eleŋ nɛ fo kemaŋkura ashi fo bɔrɛlambu to.

Nshɛ 68:25

Beshɛbompo e juŋkpar nɛ bumo nɛ baa laŋ alaŋsɔ bɛso nɛ besuŋgurbi bee laŋ echakachaka a chaŋ bumo.

Nshɛ 71:19

O Ebɔrɛ, fo kebaawɔtɔ niŋiso shi ga, k salga to hale n ya fo awɔlpa to. Fo e wora asheŋgboŋ ga, esa kikɛ maŋ du fanɛ fo.

Nshɛ 73:17

Ebɔrɛ be bɔrɛlambu to nɛ n yɔ pɔɛŋ nseŋ ya pin kusɔ nɛ k beeŋ tu kumukpakpasowuraana.

Nshɛ 86:8

O Enyɛnpe Ebɔrɛ, agbirana kikɛ maŋ du fanɛ fo, Ebɔrɛ kikɛ maŋ naa wɔtɔ a du fanɛ fo. Esa malɛ kikɛ maŋ naŋ wora asheŋ nɛ fee wora ere be kekama.

Ɛksodɔs 15:11

O Enyɛnpe Ebɔrɛ, wanɛ e du fanɛ fo ashi ebɔrɛana kikɛ to? Fo kecheembiya bee mɔ kɔnɔ nna nɛ fo kemaŋkura shi. Wanɛ e du fanɛ fo? Wanɛ e naaŋ tiŋ n wora emamachisheŋ nɛ ashuŋgboŋ nɛ a baa du fanɛ feya ere?

Aizaaya 40:18

Esa kikɛ maŋ du fanɛ Ebɔrɛ. Amoso esa maaŋ tiŋ ŋ ŋini kananɛ e du.

Aizaaya 40:25

Wanɛ bre nɛ esa beeŋ tiŋ n ta m ber Ebɔrɛ cheembi na? Esa mo e wɔtɔ a du fanɛ mo?

Aizaaya 46:5

Kede be kaman, nɛ Enyɛnpe Ebɔrɛ na naŋ kaŋɛ le: “Menyi maaŋ tiŋ n ta ma m ber esa kikɛ, ŋkpal manɛ so, esa kikɛ maŋ du fanɛ ma.

Ditɛronɔmi 32:31

Bumo doŋana na baa nyi fanɛ bumo be agbirana maŋ kɔ eleŋ; agbirana na be eleŋ maŋ fo Israɛl be Ebɔrɛ peya so.