Nshɛ 77:12 - EBƆRƐ BE KAWƆL

¹² Meeŋ baa fɛ asheŋ tumase nɛ fo wora na kikɛ be asheŋ.

Nshɛ 77:12 ပူးပေါင်းရင်းမြစ်များ

Nshɛ 104:34

Mee tama fanɛ ma nfɛra fɛso beeŋ baa par fo, ŋkpal manɛ so, ma kagbene fuli fo so.

Nshɛ 105:2

Men baa boŋ nshɛ a kpaŋ Enyɛnpe Ebɔrɛ na; nsaa malga emamachisheŋ nɛ e wora be asheŋ.

Nshɛ 105:5

Menyi nɛ men la Eebraham nɛ e shuŋ Ebɔrɛ na, nɛ Jeekɔb nɛ Ebɔrɛ lara dra dra na mo nanabiana na, e baa nyiŋi Ebɔrɛ be mamachi be asheŋ woraso nɛ kananɛ e bee ji asheŋ nɛ amo be ekpa so be asheŋ.

Nshɛ 119:52

O Enyɛnpe Ebɔrɛ, n nyiŋi fo mbra nɛ e wɔtɔ dra dra na kikɛ na; amo e naa bar ma kagbenewushi.

Nshɛ 143:5

Mee nyiŋi asheŋ nɛ fo wora nfɛ damta nɛ a choŋ na kikɛ nna nsaa fɛ amo be asheŋ.

Nshɛ 145:11

Baaŋ baa ji fo kuwurji be kemaŋkura be asheŋ; bumo alɛ beeŋ baa malga fo eleŋgboŋ be asheŋ.

Nshɛ 145:4

Kekurgeto kama to ebi beeŋ ji fo emamachisheŋ nɛ a bee mɔ kɔnɔ na be asheŋ n sa bumo be kaman to ebi.

Nshɛ 71:24

Meeŋ malga fo kebaawɔtɔ niŋiso be asheŋ kachɛ lelemu. Ŋkpal manɛ so, basa nɛ baa kɔrfɛ ma na kɔ n tɔr nseŋ ji anishinyɔr.

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Ditɛronɔmi 6:7

Men baa ŋini menyi be mbia amo. Men baa kute amo to jemanɛ nɛ men wɔ elaŋ to nɛ jemanɛ nɛ men wɔ ekpa so nɛ jemanɛ nɛ menyee wushi nɛ jemanɛ nɛ menyee shuŋ kikɛ.

Ditɛronɔmi 7:18

Men sa maa ŋana bumo, ama men baa nyiŋi kusɔ nɛ Enyɛnpe menyi be Ebɔrɛ na wora Ijipt be ewura nɛ mbe basa na.

Ditɛronɔmi 7:19

Men baa nyiŋi alɔ lubi nɛ menyi gbagba wu anishi so nɛ emamachisheŋ nɛ yukugboŋ nɛ eleŋ nɛ Enyɛnpe menyi be Ebɔrɛ na ta n sɔ menyi n yige na. Kananɛ e baŋ mur Ijiptebi na nɛ e beeŋ mur basa nɛ menyee ŋana naniere na gba.