Nshɛ 76:8 - EBƆRƐ BE KAWƆL

⁸ Ebɔrɛso nɛ fo wɔ nseŋ bɔ fo demuji be kubɔya; nɛ kufu tɔr durnya so, nɛ kakpa kikɛ wora shruum.

Nshɛ 76:8 ပူးပေါင်းရင်းမြစ်များ

2 Bewura 22:13

“Enyɛnpe Ebɔrɛ na be agbo beeŋ baa wɔ ma nɛ ma basa kama nɛ b kraa wɔ Juda be efuli ere so so ga ŋkpal an nananyɛnana ka maŋ nu n sa mo nseŋ kini kewora kusɔ nɛ kawɔl ere bee ŋini fanɛ b wora na so. Amoso men ya bishi n fin kusɔ nɛ Enyɛnpe Ebɔrɛ na bee sha fanɛ an wora.”

1 Kronikɛls 16:25

Enyɛnpe Ebɔrɛ kɔ eleŋ nseŋ daga kemaŋkura. Mo e daga bunyaŋ a chɔ agbir.

1 Kronikɛls 16:30

Esa kama nɛ e wɔ durnya ere to beeŋ chicha ashi mbe anishito! Durnya na yil kiŋkiŋ nna nsaa maa gbuŋgbuŋ.

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Job be kawɔl 25:2

“Ebɔrɛ shi ga nseŋ daga keŋana, ŋkpal manɛ so, mo e naa ji kuwura ebɔrɛso, nɛ kusɔ kama bee nite nɛnɛ ndoŋ.

Nshɛ 46:10

E yɛ: “Wushi eyur boeŋ, feeŋ wu fanɛ ma e la Ebɔrɛ! Durnya to be efuliana so ebi kikɛ malɛ beeŋ maŋkura ma.”

Ɛksodɔs 19:10

Nɛ Enyɛnpe Ebɔrɛ kaŋɛ Mosis: “Bɛta n yɔ basa na kutɔ n ya kaŋɛ bumo nɛ b ta kabre nɛ echefo n lara alubi ashi bumo be ŋgbene to nseŋ ki cheembi. K daga fanɛ b fɔr bumo be asɔbuuso gba

Jɛremaya 10:10

Ama fo, Enyɛnpe Ebɔrɛ na, e la Ebɔrɛ kashenteŋto. Fo e naa sa ŋkpa nsaa wɔ ŋkpa to na; fo alɛ e la ewura nɛ e wɔtɔ mbaanaayɔ na. Fo baŋ nya agbo, durnya kikɛ bee gbuŋgbuŋ to nna, nɛ efuliana bee mur.

Jɛremaya 49:19

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Edɔmebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Habakuk 2:20

Enyɛnpe Ebɔrɛ na bre wɔ mbe bɔrɛlambu cheembi to nna, amoso ekama e wora shruum mbe anishito ashi kasawule ere so.

Zakareya 2:13

Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.

Demujipoana 5:20

Achɛkpabi gba shi esoso ŋ kɔ. Jemanɛ nɛ achɛkpabi na bee tia a firgi a choŋ esoso na, nɛ e kɔ Sisɛra kena.