Nshɛ 76:6 - EBƆRƐ BE KAWƆL

⁶ Jeekɔb be Ebɔrɛ, fo ka ponte to, egbaŋɛ nɛ bumo be bediipo kikɛ tɔr nna n wu a dese shruum.

Nshɛ 76:6 ပူးပေါင်းရင်းမြစ်များ

2 Samuɛl 10:18

nɛ Israɛlebi na ju m buu Siriyaebi be benapo na so. Ndoŋ nna nɛ Deevid nɛ mbe basa mɔ Siriyaebi na be egbaŋɛturko be bediipo be basa alfa ashunu nɛ egbaŋɛ diipo malɛ be basa ŋgboŋ adena. B daŋ doro Shobak nɛ e la bumo doŋana be benapo be enimu na nna, hale nɛ e wu kena na to.

2 Bewura 19:35

Ade be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to kanyɛso n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi nɛ bumo kikɛ wu a dese!

2 Kronikɛls 32:21

Nɛ Enyɛnpe Ebɔrɛ shuŋi malaika nɛ e ya mɔ Asiriya be benapo na nɛ bumo be benapo be benimuana na kikɛ. Nɛ ewurgboŋ na ta anishinyɔr m bɛta n yɔ epe. Kachako e ka wɔ mbe kegbir be lambu to nɛ mbe mbinyɛnsobi ko ta bumo be etokobi m ba mɔ mo.

Nshɛ 104:7

Ama nɛ fo baŋ ponte, nchuana kikɛ bee shile nna

Nshɛ 18:15

Nɛ fo kaponte na shin nɛ teku be kasawulebi wɔlto a dese kpantaŋkpalaŋ, nɛ kasawule be gbaltɔlase lar n dese kpatokplo.

Nshɛ 80:16

Bedoŋ ba ku kefeelebi na n lɛ nseŋ nya edɛ n wɔtɔ kumo to. Naniere shin nɛ fo agbo e ba mur bedoŋ na.

Ɛksodɔs 15:1

Ade kikɛ be kaman nɛ Mosis nɛ Israɛlebi na kikɛ boŋ le be kashɛ ere n sa Enyɛnpe Ebɔrɛ a kaŋɛ: “Meeŋ boŋ kashɛ n sa Enyɛnpe Ebɔrɛ na, ŋkpal manɛ so e kɔ m pɔɔ so kemaŋkuragboŋ so. Mo e shin nɛ egbaŋɛ nɛ bumo be bediipoana mur ashi teku to na.

Ɛksodɔs 15:10

Ama Enyɛnpe Ebɔrɛ, fo efute nawule e shin nɛ teku na ba buu bumo kikɛ nyam so nɛ b chul n yɔ nchu damta na be kaseto fanɛ epal na.

Ɛksodɔs 15:21

Nɛ Miriam bee boŋ kashɛ a wɔtɔ bumo to a kaŋɛ: “Men boŋ kashɛ n sa Enyɛnpe Ebɔrɛ na, ŋkpal mbe kekɔmpɔɔso be eleŋ nɛ kemaŋkura ka shi ga so. Mo e shin nɛ egbaŋɛturko nɛ amo be bediipo mur teku to na.”

Aizaaya 37:36

Ade kikɛ be kaman nɛ Enyɛnpe Ebɔrɛ na shin nɛ mbe malaika yɔ Asiriya be basa be keeyi to n ya mɔ benapo ŋgboŋ kalfa nɛ aduburwa nɛ anu. Kare ka chɛ kachipurdidi, nɛ bumo kikɛ wu a dese!

Jɛremaya 51:39

Akoŋ ka kɔ bumo ere bre, meeŋ wora kejigboŋ n sa bumo. Baaŋ ji bumo be amu nseŋ boo; kumo be kaman nɛ b dese n di, nsaa maaŋ naŋ koso kikɛ!

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Ezikɛl 39:20

Ndoŋ beeŋ ki fanɛ ma ejikpa nɛ b we egbaŋɛ nɛ bumo be bediipo nɛ basa gboŋ nɛ benapo be yiri yiri be eblaŋ m mɔɛ m baŋ bumo be amu so.”

Nahum 1:6

E baŋ nya agbo, esa kikɛ maaŋ pete. Esa kikɛ maaŋ tiŋ ŋ gelge mbe agbogboŋ na. Mbe agbo du fanɛ edɛ nna a pante afalta nɛ a bee bure to a ki eshishɛr.

Nahum 2:13

Nɛ Enyɛnpetale Ebɔrɛ na kaŋɛ: “Ninɛveebi, men ki ma doŋana nna na, meeŋ chɔɔ menyi be egbaŋɛturko nseŋ shin nɛ b mɔ menyi be benapo kena to. Ma alɛ beeŋ naŋ shin nɛ b sɔ asɔ nɛ men suge beko kutɔ na, ekama malɛ maaŋ tuge menyi be mbɔ kikɛ.”

Nahum 3:18

Asiriya be Ewurgboŋ, fo gomena be benimuana kikɛ wu, nɛ fo ekrachigboŋ dese a di nsaa maaŋ naaŋ tiŋi kikɛ! Fo basa pesaŋ to a wɔ abeegboŋ so. Esa kikɛ malɛ maŋ wɔtɔ nɛ e naŋ shin nɛ b bɛta m ba epe.

Zakareya 12:4

Loŋ be kachɛ na meeŋ shin nɛ kufugboŋ ko e tɔr gbaŋɛ kikɛ so nɛ eboŋ e tɔr amo be bediipoana so. Ma e naaŋ baa keni Juda be basa so. Meeŋ shin nɛ bumo doŋana be egbaŋɛ e tan.

1 Samuɛl 26:12

Ndoŋ nna nɛ Deevid ta Sɔɔl be kekpa nɛ mbe kusɔjɔnchu nɛ a yil m mata Sɔɔl be kumu ase nɛ mo nɛ Abishai lar keeyi na to n yɔ. Sɔɔl be benapo na malɛ be ekama maŋ tiŋ m pin kusɔ nɛ k wora ŋko n tiŋi edi to. Ŋkpal manɛ so Enyɛnpe Ebɔrɛ na e daŋ shin nɛ bumo kikɛ di m mel.