Nshɛ 76:11 - EBƆRƐ BE KAWƆL

¹¹ Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Nshɛ 76:11 ပူးပေါင်းရင်းမြစ်များ

Jɛnesis 31:42

Nɛ Ebɔrɛ nɛ n tuto Aizek bee bunyaŋ nɛ e la Eebraham gba be Ebɔrɛ na daa maŋ wɔ ma kutɔ nna, fo daa beeŋ ju ma fo laŋ to nɛ enɔfuloŋ. Ama Ebɔrɛ wu ma awurfoŋ nɛ kegben nɛ ŋ gben na kikɛ nna nseŋ fiɛ fo so edare na to.”

Nshɛ 119:106

M bɔ ntaŋ n nase kɔnɔ nsaa yil kumo so fanɛ meeŋ wora fo mbra niŋisoana na kasonu.

Nshɛ 50:14

Ma e la Enyɛnpetale Ebɔrɛ na. Kechɔrɔ, nɛ k baa nase nnɔ nsaa bɛ amo so be esarga nɛ mee sha.

Nshɛ 68:29

Nɛ bewura e ta ŋkɛ m ba fo bɔrɛlambu to ashi Jerusalɛm.

Nshɛ 89:7

Fo nɛ ekama bee ŋana ga ashi ebɔrɛso ndoŋ. Fo asheŋ malɛ bee keta kufu nsaa kɔ bunyaŋ ga a chɔ bekama nɛ b wɔ ebɔrɛso.

Nɔmbɛs 30:2

Esa kama baŋ nase kɔnɔ n sa Enyɛnpe Ebɔrɛ na, ŋko m bɔ ntaŋ fanɛ e maaŋ wora kusɔ ko, k daga e ka bɛ kɔnɔ naseso na so n wora kusɔ kama nɛ e kaŋɛ fanɛ e beeŋ wora na.

Ditɛronɔmi 16:16

Ela asa nɛ menyi be efuli so be basa kikɛ beeŋ ba shuŋ Enyɛnpe Ebɔrɛ na ashi kakpa nɛ menyeeŋ baa shuŋ Ebɔrɛ na. Jemanɛ nɛ baaŋ baa wora loŋ e la Kebansonchoŋ be kejigboŋachɛ nɛ Kasɔteŋi be kejigboŋachɛ nɛ Abuu to be kebaawɔ be kejigboŋachɛ. Menyi to be ekama beeŋ bar kakɛ