Nshɛ 74:2 - EBƆRƐ BE KAWƆL

² Baa nyiŋi fo basa nɛ fo lara n sa fo kumu dra dra kikɛ na. Basa nɛ fo lara kenyaya to na; yiri nɛ fo lara fanɛ fo gbagba be basa na. Baa nyiŋi Zayɔn be kebee nɛ b daa wɔ kumo so na gba.

Nshɛ 74:2 ပူးပေါင်းရင်းမြစ်များ

Nshɛ 106:40

Amoso Enyɛnpe Ebɔrɛ na daŋ nya agbo n wora mbe basa nna nseŋ daŋ kishi bumo be asheŋ.

Nshɛ 135:4

Ŋkpal manɛ so, mo e lara an nananyɛn Jeekɔb be kaman to ebi, nɛ b la Israɛl be basa na, fanɛ b baa la mo gbagba be basa.

Nshɛ 33:12

Kagbenefuli la efuli kama so ebi nɛ bumo be Ebɔrɛ la Enyɛnpe na peya nna. Kagbenefuli la bekama nɛ e lara fanɛ b baa la mbe basa na peya nna.

Nshɛ 68:16

Kebeegboŋ, manɛ nna nɛ fee besa Zayɔn be kebeegboŋ nɛ Enyɛnpe na lara fanɛ mbe echenakpa nsaa wɔ kumo so saŋkama na eyur?

Nshɛ 77:15

Fo eleŋgboŋ na nɛ fo ta m mɔlga fo basa nɛ b la Jeekɔb nɛ Josɛf be kaman to ebi na.

Nshɛ 9:11

Men boŋ nshɛ n fur Enyɛnpe Ebɔrɛ nɛ e wɔ Zayɔn be kebee so a ji basa so kuwura na, n shin nɛ efuliana e nu kusɔ nɛ e wora.

Nshɛ 9:12

Mo e maŋ teŋ kegberge alubiworapo kusoe so, mo alɛ maa kplaŋ kenu bumo nɛ b wɔ awurfoŋ to be kushu so.

Nshɛ 94:14

Ama fo Enyɛnpe Ebɔrɛ maaŋ kini fo basa n lɛ; fo alɛ maaŋ kplaŋ efuli nɛ fo gbagba lara na so.

Ɛksodɔs 15:13

Feeŋ bɔla fo kasha nɛ k maa chɛrga na so n juŋkpar basa mo nɛ fo sɔ n yige na, nsaa ta fo eleŋ na a juŋkpar ŋ ŋini bumo ekpa nɛ b ya fo kakpa cheembi nɛ fo wɔ na.

Ɛksodɔs 15:16

nɛ kufu nɛ kechichachicha e tɔr bumo so. Ŋkpal eleŋ nɛ k beeŋ lar fo enɔ to na so, baaŋ wora shruum fanɛ kejembu na n ya fo saŋɛ nɛ fo basa nɛ fo lara ashi kenyaya to na choŋ na pɔɛŋ.

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Aizaaya 62:12

Kumo be kaman nɛ b baa tre menyi, “Ebɔrɛ be Basa Cheembi.” Ŋko Basa nɛ Enyɛnpe Ebɔrɛ na mɔlga. Baaŋ baa tre Jerusalɛm “Kadegboŋ nɛ Ebɔrɛ mɔlga.” Ŋko “Kadegboŋ nɛ basa bɔlɔ kumo to.”

Aizaaya 62:6

Jerusalɛm, n shin nɛ basa yil fo egbalana so e keni ekpa to. Kapa nɛ kanyɛ kikɛ, a maŋ daga b lo bumo be nnɔ kikɛ. A daga fanɛ b baa shin nɛ Enyɛnpe Ebɔrɛ e baa nyiŋi mbe nnɔ naseso na be asheŋ, nɛ e sa maŋ teŋ amo so kikɛ.

Aizaaya 63:17

Enyɛnpe Ebɔrɛ, manɛ nna nɛ fo shin nɛ an foe n lar fo ekpa so n ta ŋkpensheŋ n shile fo? Jande bɛta m ba anyi kutɔ! An la fo nyɛrbi nɛ fo gbagba be basa nna.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 10:16

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Jɛremaya 51:19

Ama Ebɔrɛ nɛ an nananyɛn Jeekɔb daŋ shuŋ na bre maŋ du fanɛ agbirana na. Mo e to kusɔ kama nseŋ lara Israɛl be basa fanɛ b baa la mo gbagba be basa. Mbe ketre e la Enyɛnpetale Ebɔrɛ na.

Ashuŋ Shunso 20:28

Men baa de men gbagba be amuana so nsaa de basa nɛ Kiyoyu Cheeŋ na ta m bɔɔ menyi enɔ na so. Men baa keni Ebɔrɛ be asɔriebi nɛ e ta ŋ ki mo peya ashi mo gbagba Pibinyɛn be luwu na so fanɛ kananɛ asɔbɔyakpapo bee keni mbe asɔbɔya so na.

Ditɛronɔmi 32:9

E lara Jeekɔb be kenana bre nna n sa mbe kumu.

Ditɛronɔmi 4:20

Ama menyi ere la basa nɛ Enyɛnpe Ebɔrɛ na kɔ m mɔlga ashi Ijipt, kakpa nɛ kebaawɔtɔ daa du kpakpa ga n sa menyi na nna. E bar menyi nna nɛ men baa kaa la mo gbagba be basa, fanɛ kananɛ men tea la kabre ere.

Ditɛronɔmi 9:26

Ndoŋ nna nɛ ŋ kule Ebɔrɛ ŋ kaŋɛ: “Enyɛnpetale Ebɔrɛ, sa maŋ kaŋ mur fo gbagba be basa nɛ fo bɔla fo yuku nɛ eleŋgboŋ so ŋ kɔ n suge ashi Ijipt be efuli so na.

Ditɛronɔmi 9:29

Ama fo e lara Israɛl be basa ere fanɛ fo gbagba be basa nseŋ bɔla fo yuku nɛ eleŋgboŋ so n lara bumo Ijipt be efuli so m ba nfe.”

Taites 2:14

E ta mo gbagba be kumu n sa anyi nɛ e tiŋ m mɔlga anyi ashi alubisheŋ kikɛ to nseŋ ta anyi ŋ ki basa cheembi nɛ an baa la mo nawule peya m bugi kagbene a wɔtɔ a sha kebaawora alelasheŋ.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.