Nshɛ 73:8 - EBƆRƐ BE KAWƆL

⁸ Baa tege basa nna nsaa malga mmalga jiga, nseŋ naa kre beko be kamɛaŋ kamoowuso.

Nshɛ 73:8 ပူးပေါင်းရင်းမြစ်များ

2 Bewura 18:29

Men sa maŋ shin nɛ ewura Hɛzekaya e fule menyi. E maaŋ tiŋ m mɔlga menyi.

Nshɛ 10:2

Ŋkpensheŋ e luri m bɔlɔ basa lubi to nɛ baa fin bebɔlpo nɛ b baa tɔrɔ saŋkama. Shin nɛ b tɔr ajigbelɛ nɛ bumo gbagba sho na to.

Nshɛ 17:10

B maa wu kuwɔr nsaa ji njɔŋ.

Ezikɛl 35:13

Ma alɛ naŋ nu mpuchi be mmalga nɛ men malga ŋ gbiti ma na gba.”

Hoziya 7:16

B shile ma, Enyɛnpetale Ebɔrɛ na kutɔ nna n ya buu kegbir nɛ k maŋ kɔ eleŋ kikɛ na. B du fanɛ keta nɛ esa maaŋ tiŋ n ta mbe yirda n deŋi so na nna. Ŋkpal bumo be bejuŋkparpo ka bee malga ŋkpensheŋ so so, baaŋ wu luwu nyaŋnyaŋso nɛ Ijiptebi e mushe bumo.”

2 Pita 2:10

fɔnfɔŋ bumo nɛ b wɔtɔ a bɛ bumo be eyurana be nyɛlga lubiana so nsaa kini Ebɔrɛ be eleŋ na so. Loŋ be basa na nya kagbene nna a wɔtɔ a wu bumo be amu nsaa tege bebunyampoana nɛ b wɔ ebɔrɛso na ŋkaa maa ŋana,

2 Pita 2:18

Ŋkpal manɛ so, njɔŋ be mmalga fuloŋ e naa lar bumo be nnɔ to, bumo alɛ nseŋ naa kɔ anishinyɔr be kayɛlgasɔ ashi bumo be eyurana to a pɛ basa nɛ b baŋ fara a sha kelara bumo be amu basa nɛ b wɔ kafule to.

Juud 1:16

Saŋkikɛ le be basa ere wɔtɔ nna a bile asheŋ a wu basa pɔtɛ kulubi. Baa bɛ bumo gbagba be ayɛlgasɔ lubiana so nna a wɔtɔ a puchi nsaa ta mmalga belbelso a fule basa pɔtɛ, saŋɛ na so baaŋ nya kusɔ nɛ baa sha.

1 Samuɛl 13:19

Filisti be ebɔyɛpo na daa maa shin nɛ Israɛlebi na bee koya kananɛ baa bɛl etokobi nɛ akpa, saŋɛ na so Israɛlebi na maaŋ baa lɔŋɛ amo.