Nshɛ 73:28 - EBƆRƐ BE KAWƆL

²⁸ Ama k walɛ ga ŋkpal ma ere ka taga fo, Ebɔrɛ na, to so. N ta fo, Enyɛnpetale Ebɔrɛ na, fanɛ ma ekumpo nna. Ma alɛ beeŋ baa bɔ fo emamachisheŋ na be kubɔya.

Nshɛ 73:28 ပူးပေါင်းရင်းမြစ်များ

Nshɛ 107:22

A daga fanɛ men lara esarga n di mo epaŋ a boŋ nshɛ kagbenefuliso a kaŋɛ asheŋ nɛ e wora be asheŋ.

Nshɛ 116:7

Ŋkpal Enyɛnpe Ebɔrɛ na ka wora ma kelela so, shɛŋ be asheŋ maŋ naa fɔŋ ma ashi ma kagbene to.

Nshɛ 118:17

Amoso m maaŋ wu, meeŋ baa wɔ ŋkpa to, a ber kusɔ nɛ Enyɛnpe Ebɔrɛ na wora be kubomboŋ.

Nshɛ 14:6

Menyi, alubiworapoana e naa jija betirpo be ŋkre. Ama Enyɛnpe Ebɔrɛ e naa kuŋ bumo.

Nshɛ 40:5

Enyɛnpe Ebɔrɛ, fo wora emamachisheŋ damta. Ŋkre nɛ fo kɔ n sa anyi shi m pɔɔ anyi be nfɛra so. Esa kama maŋ du fanɛ fo. M maaŋ tiŋ ŋ kute fo asheŋ woraso kikɛ.

Nshɛ 65:4

Fo nɛfa bekama nɛ fo lara na nna, n shin nɛ b chena n sha fo ashi fo bɔrɛlambu to. Anyeeŋ ji anyi be amu ashi fo laŋ to nɛ fo bɔrɛlambu cheembi na to.

Nshɛ 66:16

Menyi nɛ menyee bunyaŋ Enyɛnpe Ebɔrɛ na kikɛ e ba, nɛ ŋ kaŋɛ menyi kusɔ kama nɛ Ebɔrɛ wora n sa ma.

Nshɛ 71:15

Karechɛ kikɛ meeŋ baa malga fo alelasheŋ nɛ fo kumɔlga be asheŋ; ŋkpal manɛ so, fo wora asheŋgboŋ nɛ a baŋ ma kepinto so.

Nshɛ 71:17

Ma kebiato kikɛ nɛ fo ŋini ma asheŋ; hale nɛ mbre, ŋ kraa malga fo emamachisheŋ be asheŋ a sa basa.

Nshɛ 71:24

Meeŋ malga fo kebaawɔtɔ niŋiso be asheŋ kachɛ lelemu. Ŋkpal manɛ so, basa nɛ baa kɔrfɛ ma na kɔ n tɔr nseŋ ji anishinyɔr.

Nshɛ 84:10

Keji kachɛ koŋwule ashi fo bɔrɛlambu to bɔ keji nchɛ kagboŋ ashi kakpa pɔtɛ. Ŋ ka yili ma Ebɔrɛ be lambu be kabuna to bɔ ŋ ka wɔ kumukpakpasowura pe.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Samuɛl 14:36

Kumo be kaman nɛ Sɔɔl kaŋɛ le: “Men shin nɛ an ya kɔ Filistiebi na kanyɛ ere kikɛ hale n ya fo karechɛso m mɔ bumo kikɛ nseŋ muu bumo be asɔ kikɛ.” Ndoŋ nna nɛ b kaŋɛ le: “Anyeeŋ wora kusɔ kama nɛ fee sha.” Nɛ bɔrɛmatapo Ahija malɛ kaŋɛ le: “Men shin nɛ an bishi Ebɔrɛ kusɔ nɛ anyeeŋ wora.”