Nshɛ 73:26 - EBƆRƐ BE KAWƆL

²⁶ Ma eyur nɛ nfɛra beeŋ tiŋ n wora asheŋ ŋ gben, ama Ebɔrɛ e la ma eleŋ ashi ma kagbene to. Mo alɛ be asheŋ a tir ma jemanɛ kikɛ.

Nshɛ 73:26 ပူးပေါင်းရင်းမြစ်များ

Job be kawɔl 13:15

Hale nɛ Ebɔrɛ bee sha kemɔ ma gba, ŋ kraa beeŋ yirda mo.

Nshɛ 119:57

Fo, Enyɛnpe Ebɔrɛ na e la ma kusɔ kikɛ. N nase kɔnɔ fanɛ meeŋ wora fo mmalga kasonu.

Nshɛ 138:3

Ŋ ka shu n tre fo, fo nu ma kekule nna nseŋ sa ma kenyɛn nɛ kagbene.

Nshɛ 142:5

Fo Enyɛnpe Ebɔrɛ na, nɛ mee kule nɛ fo chɛ ma to! Fo Enyɛnpe Ebɔrɛ na e la ma ekumpo. Fo nawule nɛ mee fute a yigeso ashi ma kebaawɔtɔ to.

Nshɛ 18:2

Enyɛnpe Ebɔrɛ na e la ma kefalta gboŋ; Mo kutɔ nɛ mee nya kekuŋ nɛ kumɔlga. Ma Ebɔrɛ na e la kefaltagboŋ nɛ mee ŋana mo to. Mo e du fanɛ benapo be kusɔ kuŋso a kuŋ ma. Mo e naa kɔ a mɔlga ma nsaa sa ma eleŋ.

Nshɛ 27:14

Yirda Enyɛnpe Ebɔrɛ na. Baa kɔ eleŋ nseŋ nya kagbene a keni mbe anishito.

Nshɛ 40:12

Ma etɔrɔsheŋ shi alegaiso nɛ ma alubi kulti ma n wɔtɔ kaplɛkama nɛ m maŋ naa nyi kusɔ nɛ meeŋ wora. Ma alubi shi a chɔ emin nɛ a wɔ ma kumu so gba, nɛ kumo be loŋ shin nɛ m pɔ aba.

Nshɛ 63:1

Enyɛnpe, fo e la ma Ebɔrɛ. Mee fin fo ma kagbene to kashenteŋto; fanɛ kananɛ meeŋ pere kenishi n fin nchu ketarso kpantaŋkpalaŋ ashi keshishɛrsawule so na.

Nshɛ 84:2

Kumo to be keyɔ bee yɛlga ma ga! Enyɛnpe Ebɔrɛ na be bɔrɛlambu to be keyɔ wɔ ma kagbene to ga. N ta ma kagbene nɛ ma eyur kikɛ nna a boŋ nshɛ kagbenefuliso a sa Ebɔrɛ nɛ e wɔ ŋkpa to na.

Nfabel 3:24

Kusɔ nɛ mee kaŋɛ ma kagbene to e la: “Enyɛnpe Ebɔrɛ na e baa la ma; mo nɛ meeŋ tiŋ n ta ma tama n to so!”

Filipaiebi 1:21

Ŋkpal manɛ so, ma ere kutɔ n wɔ ŋkpa ere to nna ŋkpal Kristo so, nɛ ma alɛ naaŋ wu nna, luwu na la nɛfa nna.

2 Pita 1:14

N nyi fanɛ k maaŋ naŋ chɛr nɛ ŋ gbaŋ ma eyur ere n lɛ, kumo alɛ be loŋ nɛ an Nyɛnpe Yesu Kristo bugi to ŋ ŋini ma na.

Kelaraŋŋini 21:7

Ekama nɛ e kɔ m pɔɔ so beeŋ nya ade kikɛ, nɛ m baa la amodoŋwura be Ebɔrɛ nɛ mo alɛ e baa la m pibi.