Nshɛ 73:24 - EBƆRƐ BE KAWƆL

²⁴ Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Nshɛ 73:24 ပူးပေါင်းရင်းမြစ်များ

Nshɛ 16:7

Meeŋ chɔrɔ Enyɛnpe Ebɔrɛ nɛ e bee ji ma asoeto na. E bee bɔla ma kagbene to nna a malga a sa ma kanyɛso gba.

Nshɛ 25:9

Nsaa ŋini basa nɛ b kɔ kamubrase malɛ mbe ekpa niŋiso nɛ kusɔ nɛ k daga na.

Nshɛ 32:8

Fo yɛ feeŋ ŋini ma ekpa nɛ meeŋ bɔla so. Feeŋ ji ma asoeto nseŋ keni ma so.

Nshɛ 48:14

“Ebɔrɛ ere e la anyi be Ebɔrɛ mbaanaayɔ. Mo alɛ beeŋ baa juŋkpar anyi saŋkama.”

Nshɛ 49:15

Ama Ebɔrɛ beeŋ mɔlga ma ere ashi nchaŋ to n ta ma n yɔ mo kutɔ.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Aŋasa 8:20

Ekpa niŋi so, nɛ kebaaji asheŋ nɛ amo be ekpa so be ekpa nɛ m bɔ.

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Aizaaya 48:17

Kusɔ nɛ Enyɛnpe, Israɛl be Ebɔrɛ cheembi, nɛ e mɔlga menyi na kaŋɛ nde: “Ma e la Enyɛnpe menyi be Ebɔrɛ, nɛ mee sha keŋini menyi asheŋ ŋkpal menyi be nɛnɛ so, nseŋ juŋkpar menyi ekpa nɛ menyeeŋ baa bɔla so a wora asheŋ.

Aizaaya 58:11

Ma, Enyɛnpe Ebɔrɛ na malɛ beeŋ baa juŋkpar menyi nsaa sa menyi asɔ lela nɛ a beeŋ baa kukwe menyi jemanɛ kikɛ. Ma alɛ beeŋ baa sa menyi eleŋ nɛ alenfia a ti so. Menyi alɛ beeŋ baa du fanɛ kambɔl nɛ k bee nya nchu nɛnɛ ŋko kabombi nɛ k maa wɔlto kikɛ na nna.

Aizaaya 58:8

Aloŋ nɛ ma kuwɔrwu beeŋ nyaŋɛ n yuu menyi so fanɛ kachipurso be epeŋi, nɛ menyi alɛ e naaŋ nya menyi be alɔ be kechɛ manaŋ manaŋ. Ma nɛ menyi beeŋ baa wɔtɔ nɛ m baa mɔlga menyi nsaa kuŋ menyi ekpa kama so.

Nɔmbɛs 9:22

Hale nchɛ anyɔ ŋko kufɔl ŋko kafɛ gba nɛ kuwɔlpa na buu wajɛbu na so, bumo alɛ gba baa wɔ keeyi na to nna. Ama k baŋ tia, bumo alɛ gba bee kaa nna m bɛ kumo so.

Luuk 11:13

Nɛ menyi ere ka la basa lubi le nsaa nyi asɔ lela be kebaata a sa menyi be mbia, nɛ Etuto nɛ e wɔ ebɔrɛso na a? Mo ere maaŋ shuli n sa bekama nɛ b kule mo Kiyoyu Cheeŋ na a?”

Luuk 23:46

Nɛ Yesu boŋ to awɔrso ŋ kaŋɛ: “Etuto, n ta ma kiyoyu m bɔɔ fo enɔ.” E ka baŋ kaŋɛ loŋ n loge nɛ e fute mbe lalaloge be efute.

Baru lela nɛ Jɔn kute na 14:3

Ma alɛ kaŋ yɔ n ya lɔŋɛ kaboŋ na n yili menyi n loge, meeŋ naŋ bɛta m ba keta menyi n yɔ ŋ kutɔ, saŋɛ na so kakpa nɛ n wɔ, menyi alɛ gba beeŋ ya kaa wɔ ndoŋ.

Baru lela nɛ Jɔn kute na 16:13

Ama nɛ mo ere, kashenteŋ be Kiyoyu na kaŋ ba, e beeŋ ŋini menyi kashenteŋ be ekpa kikɛ. E maaŋ ta mo gbagba be kumu so be eleŋ m malga, asɔ nɛ e beeŋ nu nawule be asheŋ nɛ e beeŋ malga nseŋ kaŋɛ basa asɔ nɛ a beeŋ ba be asheŋ.

Baru lela nɛ Jɔn kute na 17:24

“Etuto, mee sha fanɛ bumo nɛ fo ta m bɔɔ ma enɔ na e ba kaa wɔ kakpa nɛ meeŋ ya kaa wɔ na n tiŋ n wu ma kemaŋkura nɛ fo sa ma ŋkpal fo ka fara a sha ma pɔɛŋ nɛ durnya jɔŋɛ na so.

Baru lela nɛ Jɔn kute na 17:5

To, naniere, n Tuto, ta kemaŋkura nɛ n daa kɔ fo kutɔ pɔɛŋ nɛ durnya jɔŋɛ na m maŋkura ma fo anishito naniere.”

Ashuŋ Shunso 7:59

B daŋ kraa wɔ kekpa Stiven ajembu to nna nɛ e kule Enyɛnpe le: “Enyɛnpe Yesu, shin nɛ ma kiyoyu e ba fo kutɔ.”

2 Kɔrintebi 5:1

Ŋkpal manɛ so, an baa nyi fanɛ eyur mo nɛ k du fanɛ wajɛbu nɛ an wɔ kumo to durnya ere to ere baŋ jija, an kɔ kowu ashi Ebɔrɛ kutɔ, ebu nɛ b maŋ ta enɔ m pɔr kumo nɛ k wɔ ebɔrɛso mbaanaayɔ.

Ditɛronɔmi 18:2

B maaŋ baa kɔ kasawule fanɛ kananɛ eyiriana na kikɛ beeŋ baa kɔ na. Bumo be kachige e naaŋ baa la esarga nɛ basa beeŋ lara n sa Enyɛnpe Ebɔrɛ na be ako fanɛ kananɛ e nase kɔnɔ na.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.