Nshɛ 72:16 - EBƆRƐ BE KAWƆL

¹⁶ Shin nɛ ndegboŋ nɛ e wɔ kasawule na so kikɛ e bɔlɔ ajibi, nɛ abeeana so kikɛ e bɔlɔ aboyu nɛ ayu be yiri kikɛ. Shin nɛ kasawule na so be ndibi sɔrso e wora ga, fanɛ Lebanɔn be kebee so be ndibi sɔrso peya, nseŋ shin nɛ ndegboŋ na e bɔlɔ basa fanɛ kupuŋ to be afitiri.

Nshɛ 72:16 ပူးပေါင်းရင်းမြစ်များ

1 Bewura 4:20

Saŋɛ nɛ Sɔlɔmɔn daa la ewura na, Juda nɛ Israɛl be basa daa shibi ga nna fanɛ teku ase be shishɛr. Ama bumo kikɛ ka bee nya a ji nsaa nuu yɛlyɛla so, bumo kikɛ be ŋgbene daa fuli bumo nna.

Job be kawɔl 5:25

Fo kamanebi beeŋ baa shi a chɔ afitiri nɛ e wɔ durnya kikɛ to.

Job be kawɔl 8:7

E beeŋ shin nɛ fo echefoso be kebaawɔtɔ e baa bɔ fo kebaawɔtɔ dra na ga.

Nshɛ 104:16

An Nyɛnpe Ebɔrɛ, fo ndibi bee nya nchu nna jemanɛ kikɛ, aloŋ nɛ ndibigboŋ nɛ baa tre sida nɛ fo duu Lebanɔn be efuli so na gba bee nya nchu.

Nshɛ 72:6

Shin nɛ e baa kɔ kechɛto a sa basa fanɛ kananɛ bɔrɛchu bee sa adɔsawule kayul na.

Aizaaya 29:17

Aloŋ nɛ baa kaa kaŋɛ fanɛ k maaŋ chɛr, kupuŋ beeŋ ki kudɔsawule nɛ kudɔsawule malɛ e ki kupuŋ.

Aizaaya 30:23

Ade be kaman, jemanɛ kikɛ nɛ men duu asɔ, Enyɛnpe Ebɔrɛ na beeŋ shin nɛ bɔrɛchu e ba nɛ a kɔr n daŋ nseŋ wora nɛnɛ nɛ men teŋi. Men be asɔbɔya malɛ gba beeŋ nya ejikpa damta a ji.

Aizaaya 32:15

Ama Ebɔrɛ kraa beeŋ naŋ sa anyi mbe kiyoyu. Nsawule pɔso na beeŋ naŋ ki nsawule lela nɛ a kɔ eleŋ nɛ adɔsawule e wora adɔjibi nɛnɛ ga.

Aizaaya 32:20

Ekama be kagbene beeŋ fuli mo ŋkpal bɔrɛchu damta nɛ adɔjibi beeŋ nya n wora nɛnɛ, nɛ ekurma nɛ ana malɛ gba e nya afitiri lela a ji nsaa nite yila yila so na so.

Aizaaya 35:2

Kiyi beeŋ purge kaplɛkama nseŋ boŋ kagbenefuli be nshɛ. K beeŋ baa walɛ fanɛ Lebanɔn be abee nsaa kɔ eleŋ fanɛ kebee nɛ baa tre Kamɛl na, ŋko ketaŋɛ nɛ baa tre Sharɔn na be adɔsawule. Kumo be kaman nɛ ekama e wu Enyɛnpe Ebɔrɛ na be kemaŋkura, nɛ mbe keshi nɛ eleŋgboŋ.

Jɛremaya 33:22

Meeŋ shin nɛ ma kenya Deevid be kaman to ebi nɛ bɔrɛmatapoana nɛ b shi Livai be yiri to e wora keshi n ti so, nɛ esa maaŋ tiŋ ŋ karga bumo fanɛ kananɛ esa maaŋ tiŋ ŋ karga achɛkpabi ŋko teku ase be leele na.”

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

Ashuŋ Shunso 2:41

Basa na be bedamta daŋ yirda Pita be kamalga na nɛ b bɛr bumo kabɔrɛbɛr. Kumo be kachɛ na basa fanɛ ŋgboŋ asa e ba ti beyirdapoana na so.

Ashuŋ Shunso 4:4

Ama jimaŋ na to be bedamta nɛ b nu kubɔya na yirda kumo, nɛ beyirdapoana na kikɛ fo fanɛ basa ŋgboŋ anu.

Kelaraŋŋini 7:14

Ndoŋ nna nɛ ŋ kaŋɛ mo le: “Ebunyampo, fo e nyi.” Nɛ e kaŋɛ ma: “Bumo e la basa nɛ b ji n lar tɔrɔgboŋ to na nseŋ fɔr bumo be epiŋi n ta amo n wɔtɔ Kpakpafɔlbi na be ŋklaŋ to nɛ a fuli parr na.

Kelaraŋŋini 7:9

Ade be kaman nɛ ŋ keni n wu jimaŋ damta ko nɛ esa kikɛ maaŋ tiŋ ŋ karga bumo ka yil kuwurputi na nɛ Kpakpafɔlbi na be anishito. B daŋ shi efuli kama so nɛ yiri kama to nɛ basa kama to nɛ ŋgbar kama to nna m buu epiŋi fuful nseŋ daŋ keta abii be ayabiana.