Nshɛ 72:15 - EBƆRƐ BE KAWƆL

¹⁵ Shin nɛ ewura na be ŋkpa e teŋi so! N shin nɛ e nya Areebia be kasawule so be shuwa. Shin nɛ basa e baa kule Ebɔrɛ a sa mo jemanɛ kikɛ nsaa nɛfa mo karechɛ kama.

Nshɛ 72:15 ပူးပေါင်းရင်းမြစ်များ

1 Bewura 10:10

Ewurche na daŋ ta shuwa kilo ŋgboŋ ana nɛ yawu kpakpaso be abitasɔ damta nɛ asɔ nɛ a kɔ efɛa belbelso nɛ amo be efɛa maŋ kɔ sara nna m ba sa ewura Sɔlɔmɔn. Yawu kpakpaso be asɔ nɛ a kɔ efɛa belbelso kikɛ daa maŋ walɛ fanɛ amo nɛ Shɛba be ewurche na ta m ba sa ewura Sɔlɔmɔn na.

1 Bewura 10:14

Kafɛ kikɛ ewura Sɔlɔmɔn daa nya shuwa kilo ŋgboŋ adunyɔ nɛ asa nna ashi lampo nɛ e bee sɔ to.

2 Kronikɛls 9:1

Shɛba be ewurche ka nu kananɛ Ewura Sɔlɔmɔn be ketre daŋ dii ga nna nɛ e keta mbe benimu damta nseŋ kre asɔ nɛ a kɔ efɛa belbelso nɛ shuwa damta ko n deŋi enyɔma so n yɔ Jerusalɛm nɛ e ya bishi ewura Sɔlɔmɔn mmalga kpakpaso. Mo nɛ ewura Sɔlɔmɔn ka tu abar nɛ e bishi mo asheŋ nɛ e wɔ mbe nfɛra to kikɛ.

Nshɛ 21:4

E kule fo ŋkpa tenteŋ nɛ fo sa mo ŋkpa nɛ k maŋ kɔ ekar.

Nshɛ 45:4

Nseŋ dii fo kediiso bunyaŋ so ŋ kɔ m pɔɔ so a laŋɛ kashenteŋ nɛ kuwɔrwu nɛ keji asheŋ nɛ amo be ekpa so be kaplɛa so. Ta fo enɔjiso lempo na n wora asheŋ nɛ a bee mɔ kɔnɔ.

Nshɛ 72:19

Anyeeŋ baa kpaŋ fo ketre nɛ k kɔ kemaŋkura na jemanɛ kikɛ. Shin nɛ fo kemaŋkuragboŋ na e dii efuli durnya ere be kaplɛkama. Amɛn! Amɛn!

Aizaaya 60:6

Enyɔma be ntuŋ damta beeŋ shi efuliana nɛ baa tre Midian nɛ Efa na so n sulɔ asɔ lela m ba sɔ menyi be efuli na kikɛ so. Beko beeŋ shi Shiba be kasawule so n sulɔ shuwa nɛ eduwu m ba kaa lara esarga a sa Enyɛnpe Ebɔrɛ na nsaa malga kusɔ nɛ e wora be asheŋ!

Matiu 2:11

B ka luri laŋ na to n wu kebia na nɛ mo nio Mɛɛri nɛ b gbir m bunyaŋ kebia na. Kumo be kaman nɛ b bugi bumo be asɔ to n lara shuwa nɛ asɔ ko nɛ baa tre fraŋkinsensi nɛ mir ŋ kɛ kebia na.

Matiu 21:9

Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”

Matiu 6:10

n shin nɛ fo Kuwurgboŋ na e ba, n shin nɛ basa e baa wora fo aparsheŋ durnya ere to fanɛ kananɛ k du ebɔrɛso na.

Baru lela nɛ Jɔn kute na 11:25

Nɛ Yesu kaŋɛ mo: “Ma e la esa nɛ e bee tiŋi basa ashi luwu to a sa bumo ŋkpa na, nɛ esa kama nɛ e yirda ma beeŋ nya ŋkpa hale nɛ e wu gba.

Baru lela nɛ Jɔn kute na 14:19

A ka gbrɛbi nɛ durnya ere to ebi maaŋ naŋ wu ma, ama menyi ere beeŋ wu ma, ma alɛ ka wɔ ŋkpa to ere, menyi alɛ gba beeŋ baa wɔ ŋkpa to.

Baru lela nɛ Jɔn kute na 5:23

saŋɛ na so, ekama beeŋ bunyaŋ ma, Ebinyɛn na fanɛ kananɛ baa bunyaŋ Etuto na. Ekama malɛ nɛ e maa bunyaŋ ma, Ebinyɛn na maa bunyaŋ Etuto nɛ e shuŋi ma na gba nna na.

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

Filipaiebi 2:11

Ekama beeŋ gbir loŋ nseŋ bugi kɔnɔ basa kikɛ to ŋ kaŋɛ fanɛ Yesu Kristo e la Enyɛnpe na nɛ Ebɔrɛ Etuto na e nya kemaŋkura.

1 Tɛsalɔnikaebi 3:11

Kusɔ nɛ anyee kule e la fanɛ anyi be Ebɔrɛ Etuto na gbagba nɛ an Nyɛnpe Yesu e bugi ekpa n sa anyi nɛ an nya m ba bɔɔ menyi so.

2 Timoti 4:22

Enyɛnpe e baa kɔ fo kiyoyu to. Ebɔrɛ be kuwɔr be kakɛ e baa wɔ menyi so.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

1 Jɔn 1:2

Le be ŋkpa ere ka ba lar efuli nɛ an wu kumo, amoso nɛ anyee ji kumo be shɛda a sa menyi a kaŋɛ menyi ŋkpa nɛ k maŋ kɔ ekar ere be asheŋ na. K daa wɔ Ebɔrɛ na kutɔ nna pɔɛŋ nɛ b lara kumo efuli n sa anyi.

Juud 1:25

Mo nawule e la Ebɔrɛ. Mo e mɔlga anyi ŋkpal an Nyɛnpe Yesu Kristo so, mo alɛ e naa kɔ eleŋ kikɛ nɛ kusɔ kikɛ to pɔɛŋ nɛ saŋkikɛ fara. Mo alɛ beeŋ baa kraa kɔ amo to saŋkikɛ mbaanaayɔ. Amoso, men baa sa mo kemaŋkura nɛ bunyaŋ nɛ eleŋ nɛ kenimuji saŋkama. Amɛn.

Kelaraŋŋini 1:18

ma e la emo nɛ e wɔ ŋkpa to na. N daŋ wu nna, ama naniere n tiŋi nna a wɔ ŋkpa to mbaanaayɔ. Ma alɛ e kɔ luwu nɛ bubuni to be kakpa be eleŋ.