Nshɛ 72:1 - EBƆRƐ BE KAWƆL

¹ O Ebɔrɛ, shin nɛ ewura e baa ji kashenteŋ; nsaa ji asheŋ nɛ amo be ekpa so fanɛ fo.

Nshɛ 72:1 ပူးပေါင်းရင်းမြစ်များ

2 Samuɛl 23:3

Le nɛ Israɛl be Ebɔrɛ nɛ e la ma ekumpo na daŋ malga ŋ kaŋɛ: “Ewura nɛ e kɔ kasonu n sa Ebɔrɛ nseŋ ta kashenteŋji a ji mbe kuwura na

1 Bewura 1:39

Ndoŋ nɛ bɔrɛmatapo Zadɔk nɛ anebi Neetan chulgi ɔlif be ŋku nɛ b ta ashi Enyɛnpe be wajɛbu na to na n wurge Sɔlɔmɔn be kumu so n buu mo kuwura nseŋ foŋ kabel nɛ basa na cha awɔrso ŋ kaŋɛ: “Ebɔrɛ e sa ewura Sɔlɔmɔn ŋkpa tenteŋ!”

1 Bewura 3:9

amoso jande sa ma kanyiasheŋ nɛ nfɛra nɛ meeŋ ta a pin kulubi nɛ kelela. Saŋɛ na so meeŋ tiŋ n ji bumo so kuwura nɛnɛ; nɛ mannɛ aloŋ, nuso nɛ meeŋ tiŋ n wora n ji fo basa damta ere kikɛ so kuwura?”

1 Kronikɛls 18:14

Ewura Deevid daa la Israɛl be efuli so kikɛ be ewura nna nseŋ daa ji asheŋ nɛ amo be ekpa so nsaa wora asheŋ nɛ a niŋi.

1 Kronikɛls 22:9

Enyɛnpe na malɛ teŋ juŋkpar n nase le be kɔnɔ n sa ma: Fo pibi kaŋ ba ki ewura meeŋ shin nɛ kagbenewushi e baa wɔ mbe kasawule so. Kebia na be ketre e naŋ ba la Sɔlɔmɔn ŋkpal manɛ so mbe kuwurji be saŋɛ nɛ meeŋ kuŋ Israɛl nɛnɛ nɛ kagbenewushi e baa wɔ kumo to.

1 Kronikɛls 29:19

Jande sa m pibinyɛn Sɔlɔmɔn kasonu be kagbene nseŋ shin nɛ e ta kenishipere m pɔr bɔrɛlambu nɛ n chala kumo be kepɔr be asɔ kikɛ ere.”

2 Kronikɛls 1:10

amoso jande sa ma kanyiasheŋ nɛ nfɛra nɛ meeŋ ta n ji bumo so kuwura nɛnɛ, nɛ mannɛ aloŋ, nuso nɛ meeŋ wora n tiŋ n ji fo basa lempo ere kikɛ so kuwura?”

Nshɛ 127:1

Enyɛnpe Ebɔrɛ na baa maŋ chɛ to m pɔr kowu na, bepɔrpo bee gben jiga nna. Nɛ e baa maŋ kuŋ kadegboŋ na, bekumpo na bee kuŋ kumo jiga nna.

Aizaaya 11:2

Enyɛnpe Ebɔrɛ na be kiyoyu e naŋ sa mo kanyiasheŋ nɛ kashennyi nɛ kasheŋwora be kenyi nɛ e ta n ji kuwura mbe basa so nɛnɛ. E beeŋ baa nyi Enyɛnpe Ebɔrɛ na be aparsheŋ nsaa bunyaŋ mo.

Baru lela nɛ Jɔn kute na 3:34

Emo nɛ Ebɔrɛ shuŋi na bee malga Ebɔrɛ be mmalga nna, ŋkpal manɛ so, Ebɔrɛ shin nɛ mbe Kiyoyu na bɔlɔ mo to felɛlɛ.