Nshɛ 71:21 - EBƆRƐ BE KAWƆL

²¹ Fo naŋ shin nɛ n nya kemaŋkura n ti so, nseŋ naŋ lolo ma nɛ ma kagbene dese ma.

Nshɛ 71:21 ပူးပေါင်းရင်းမြစ်များ

2 Samuɛl 3:1

Kolu nɛ k tɔr benapo nɛ b yili Sɔɔl be kanaŋ to ebi be kaman na nɛ bumo nɛ bumo alɛ yili Deevid be kaman na daŋ chɛr ga. Ama saŋkama Deevid bre be eleŋ daa ti so nna a chɔ basa nɛ baa kɔ mo na.

Nshɛ 18:35

Mo e naa kuŋ ma nsaa mɔlga ma. Mbe enɔ lempo na e naa pɛ ma to. Mbe kechɛto so nɛ e ki esagboŋ.

Nshɛ 23:4

Hale nɛ n na tentembiri to mina gba, kufu maa pɛ ma. Ŋkpal manɛ so, fo wɔ ma kutɔ. Fo kuwurkpabi nɛ fo kuchuchɔ e naa kuŋ ma.

Nshɛ 32:10

Belubiworapo beeŋ luri awurfoŋ be yiri yiri to. Ama Enyɛnpe Ebɔrɛ na beeŋ ta mbe kasha nɛ k maa loge na ŋ kuŋ basa nɛ b yirda mo na bre.

Nshɛ 72:11

Kumo be kaman nɛ bewura kikɛ e ba jɔŋɛ mo ase. Nɛ efuliana na be basa kikɛ e shuŋ mo.

Nshɛ 86:17

Shin nɛ ekama e pin alelasheŋ nɛ fee wora a sa ma. Saŋɛ na so ma doŋana beeŋ wu kumo be loŋ nɛ nyɔmɔ e pɛ bumo. Ŋkpal manɛ so, fo Enyɛnpe Ebɔrɛ na, e chɛ ma to nseŋ lolo ma nɛ ma kagbene wushi ma.

Aizaaya 12:1

Kachako bee ba nɛ basa e boŋ kashɛ ŋ kaŋɛ le: “Mee kpaŋ fo nna, Enyɛnpe Ebɔrɛ! Fo daŋ nya agbo nna n wɔtɔ ma, ama fo yige fo kanya agbo na nsaa lɔlɔ ma.

Aizaaya 49:13

Kaŋɛ asɔ nɛ a wɔ ebɔrɛso nɛ kasawule so kikɛ nɛ a baa boŋ nshɛ a ji amo be amu! Nseŋ shin nɛ abee gba e baa shuli so a boŋ nshɛ na! Enyɛnpe Ebɔrɛ na be basa ji awurfoŋ ga; mo alɛ naaŋ wu bumo kuwɔr.

Aizaaya 49:6

Kede be kaman, nɛ Enyɛnpe Ebɔrɛ naŋ kaŋɛ ma le: “Ma kenya, ŋ kɔ kushuŋgboŋ ko a sa fo. Mannɛ ma basa, Israɛlebi nɛ b ji efute na be kebɛta m ba bumo be eyilikpagboŋ na be kushuŋ nawule nɛ feeŋ shuŋ. Meeŋ shin nɛ efuli pɔtɛana so be basa e bɔla fo so m ba pin ma, saŋɛ na so meeŋ mɔlga bumo alɛ gba.”

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

2 Kɔrintebi 2:14

Ama anyee chɔrɔ Ebɔrɛ ga, ŋkpal manɛ so, mo e naa shin nɛ anyee tu Kristo a nite kekɔmpɔɔso be ekpa so nseŋ naa bɔla anyi so a shin nɛ Kristo be kenyi bee sɔ kaplɛkama fanɛ efɛa belbelso na.

2 Kɔrintebi 7:13

To, kusɔ nɛ k baŋ leŋ anyi to ga nna na. Ama kusɔ nɛ k ti anyi be keleŋto ere so e la fanɛ anyi be ŋgbene fuli anyi ga ŋkpal Taites be kagbenefuliso Mbe kagbene baŋ fuli mo nna ŋkpal men kikɛ ka daŋ wushi mo kagbene so.

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.

1 Tɛsalɔnikaebi 3:9

Naniere anyeeŋ tiŋ n chɔrɔ Ebɔrɛ ŋkpal menyi so. Anyee chɔrɔ anyi be Ebɔrɛ na ŋkpal kagbenefuli nɛ e sa anyi ŋkpal menyi so na so.

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”