Nshɛ 71:15 - EBƆRƐ BE KAWƆL

¹⁵ Karechɛ kikɛ meeŋ baa malga fo alelasheŋ nɛ fo kumɔlga be asheŋ; ŋkpal manɛ so, fo wora asheŋgboŋ nɛ a baŋ ma kepinto so.

Nshɛ 71:15 ပူးပေါင်းရင်းမြစ်များ

1 Kronikɛls 16:23

Ekama nɛ e wɔ durnya ere to e boŋ kashɛ n sa Enyɛnpe Ebɔrɛ na! Men baa malga kananɛ e mɔlga menyi na be asheŋ karechɛ kikɛ.

Nshɛ 145:2

Meeŋ baa kpaŋ fo karechɛ kikɛ nsaa maŋkura fo ketre hale mbaanaayɔ.

Nshɛ 30:12

Amoso m maaŋ lo ma kɔnɔ. Enyɛnpe Ebɔrɛ, meeŋ fur fo, a di fo ketre epaŋ mbaanaayɔ.

Nshɛ 35:28

Nɛ m malga kananɛ fee wora asheŋ niŋiso be asheŋ, nseŋ fur fo kachɛ lelemu.

Nshɛ 40:12

Ma etɔrɔsheŋ shi alegaiso nɛ ma alubi kulti ma n wɔtɔ kaplɛkama nɛ m maŋ naa nyi kusɔ nɛ meeŋ wora. Ma alubi shi a chɔ emin nɛ a wɔ ma kumu so gba, nɛ kumo be loŋ shin nɛ m pɔ aba.

Nshɛ 40:5

Enyɛnpe Ebɔrɛ, fo wora emamachisheŋ damta. Ŋkre nɛ fo kɔ n sa anyi shi m pɔɔ anyi be nfɛra so. Esa kama maŋ du fanɛ fo. M maaŋ tiŋ ŋ kute fo asheŋ woraso kikɛ.

Nshɛ 40:6

Mannɛ basa be esarga nɛ ŋkɛ e naa bɔlɔ fo kenishi. Mannɛ esarga chɔɔso nɛ alubi be ketampaŋ be esarga nɛ amo be ŋkɛ nɛ fee fin. Ama kusɔ nɛ k tir fo kashenteŋto e la ŋ kaa beeŋ baa wora fo kasonu.

Nshɛ 51:16

Esarga nɛ etoto daa bɔlɔ fo kenishi nna, n daa beeŋ bar fo amo.

Nshɛ 71:24

Meeŋ malga fo kebaawɔtɔ niŋiso be asheŋ kachɛ lelemu. Ŋkpal manɛ so, basa nɛ baa kɔrfɛ ma na kɔ n tɔr nseŋ ji anishinyɔr.

Nshɛ 71:8

Meeŋ kpaŋ fo nsaa ber fo kemaŋkura be kebomboŋ karechɛ kikɛ.

Nshɛ 73:28

Ama k walɛ ga ŋkpal ma ere ka taga fo, Ebɔrɛ na, to so. N ta fo, Enyɛnpetale Ebɔrɛ na, fanɛ ma ekumpo nna. Ma alɛ beeŋ baa bɔ fo emamachisheŋ na be kubɔya.

Nshɛ 89:16

Baa ji eyur nna ashi fo ketre to karechɛ lelemu kikɛ, nsaa kpaŋ fo ŋkpal fo alelasheŋ so.

Aŋasa 5:2

Amo e naaŋ sa fo da lela, nseŋ shin nɛ fo mmalga e baa ŋini fanɛ fo kɔ kenyi.

Demujipoana 5:11

basa nɛ baa boŋ nshɛ atirbu ase na be ebɔl; baa kute Enyɛnpe Ebɔrɛ na be kekɔmpɔɔso be asheŋ nna, nsaa kaŋɛ Israɛl be basa ka kɔ m pɔɔ so be asheŋ! Enyɛnpe Ebɔrɛ na be basa bɛ abar so nna n yɔ bumo be ndegboŋana be mbuna ase.