Nshɛ 71:14 - EBƆRƐ BE KAWƆL

¹⁴ Ma ere beeŋ ta ma tama n wɔtɔ fo to; ma alɛ maaŋ yige kebaakpaŋ fo kikɛ.

Nshɛ 71:14 ပူးပေါင်းရင်းမြစ်များ

Job be kawɔl 13:15

Hale nɛ Ebɔrɛ bee sha kemɔ ma gba, ŋ kraa beeŋ yirda mo.

Nshɛ 130:7

Israɛlebi, men yirda Enyɛnpe Ebɔrɛ na! Ŋkpal manɛ so, mbe kasha nɛ k maa chɛrga na maa loge kikɛ; mo alɛ kɔ eleŋ nɛ e tiŋ m mɔlga menyi.

Nshɛ 43:5

Manɛ nna nɛ ma aba pɔ ma? Manɛ nna nɛ ma kagbene maŋ dese ma? Ŋ kraŋ yirda fo, ma alɛ kraŋ beeŋ di fo epaŋ ŋkpal fo ka chɛ ma to so. Fo alɛ e la ma Ebɔrɛ.

Nshɛ 71:6

Ma kebiato kikɛ nɛ n ta ma kumu n to fo so hale m ba fo mbre. Fo e shin nɛ b kurge ma nɛ kayurwushi; ma alɛ beeŋ baa kpaŋ fo mbaanaayɔ.

Nfabel 3:21

Ama nɛ m baŋ nyiŋi kusɔ koŋwule ko bre, k naa sa ma tama nna.

Nfabel 3:24

Kusɔ nɛ mee kaŋɛ ma kagbene to e la: “Enyɛnpe Ebɔrɛ na e baa la ma; mo nɛ meeŋ tiŋ n ta ma tama n to so!”

Nfabel 3:25

Enyɛnpe Ebɔrɛ na la esa nna n sa ekama nɛ e ta mbe yirda n wɔtɔ mo to nsaa wora mo kasonu.

Nfabel 3:26

Amoso, a daga fanɛ anyi e baa wora kanyiti a jo Enyɛnpe Ebɔrɛ na nɛ e mɔlga anyi.

Filipaiebi 1:9

Ma kabɔrɛkule nɛ mee kule a sa menyi e la fanɛ Ebɔrɛ e shin nɛ men be kasha e baa wora keshi a ti so ashi kashennyi nɛ kenya lakal ashi asheŋ to to.

1 Tɛsalɔnikaebi 4:10

Kashenteŋ nɛ menyee ŋini beyirdapo nɛ b wɔ Masɛdonia kikɛ na men be kasha. Amoso, an kurgepoana, men pere kenishi n nya kasha nɛ k beeŋ baa chɔ kumo nɛ men kɔ ere.

Hibruwebi 10:35

Amoso, men sa maŋ kaŋ lɛ menyi be kenyɛn na, ŋkpal manɛ so, nɛ men baa kɔ kumo to loŋ, menyeeŋ ba nya kumo be tɔnɔ.

1 Pita 1:13

Amoso, men bela men be amu ase nɛnɛ ashi men be nfɛraana to a jo asheŋ be kewora. Men baa kɔ nfɛra cheembi nseŋ ta men be tama kikɛ n wɔtɔ nɛfa mo nɛ menyeeŋ nya saŋɛ nɛ Ebɔrɛ beeŋ lara Yesu Kristo ŋ ŋini na.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

1 Jɔn 3:3

Esa kama nɛ e kɔ le be tama ere ashi Kristo to bee keni mbe kumu so nna a du cheembi fanɛ kananɛ Kristo du cheembi na.