Nshɛ 7:7 - EBƆRƐ BE KAWƆL

⁷ Shin nɛ basa kikɛ e shɛr fo anishito nɛ fo yili esoso n ji bumo so kuwura.

Nshɛ 7:7 ပူးပေါင်းရင်းမြစ်များ

Nshɛ 138:6

Fo, Enyɛnpe Ebɔrɛ na wɔ esoso ga, ama kumubarasewuraana be asheŋ tir fo; kamoowuwuraana malɛ maaŋ tiŋ ŋ ŋana fo so.

Nshɛ 35:23

Niŋi to, ŋ koso m ba kuŋ ma. Enyɛnpe, ma Ebɔrɛ; ba kɔ n sɔ ma.

Nshɛ 43:1

Enyɛnpe, ŋini fanɛ m maŋ wora n jija! Malga ŋ kuŋ ma ashi basa nɛ b maŋ nyi fo na kutɔ. Mɔlga ma ashi befɛpo nɛ b kɔ amu kpakpaso na kutɔ.

Nshɛ 48:11

Amoso Jerusalɛm nɛ Juda be ndeana to ebi be ŋgbene fuli bumo nna ŋkpal fo kaa bee ji asheŋ nɛ amo be ekpa so so.

Nshɛ 59:5

Enyɛnpetale Israɛlebi be Ebɔrɛ, niŋi to ŋ gberge efuli pɔtɛana na be basa kikɛ kusoe. Sa maŋ wu basa lubi, nɛ baa mɔ basa na kuwɔr.

Nshɛ 93:4

Teku so be atili bee wora awɔr nna nsaa kɔ eleŋ ga, ama Enyɛnpe Ebɔrɛ na be eleŋ shi a chɔ amo be eleŋana.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 19:2

Mo alɛ be demuji kɔ kashenteŋ nna nseŋ niŋi. E gberge sakalechegboŋ mo nɛ e ta mbe kesakaleasheŋ n jija kasawule ere na kusoe. E bishi mo kuwule ŋkpal mbe anya be ŋklaŋ so.”