Nshɛ 7:5 - EBƆRƐ BE KAWƆL

⁵ nɛ n wora asɔ ere be kekama, kumo ere fo shin nɛ ma doŋana e ju ma n pɛ. Shin nɛ b chichi ma so m mɔ nseŋ yige ma n lɛ shishɛr to.

Nshɛ 7:5 ပူးပေါင်းရင်းမြစ်များ

Job be kawɔl 16:15

Amoso nɛ n ta bɔtɛ m ba piŋi m buu nseŋ chena eshishɛrpumpuŋ to a shu fanɛ ŋ ka bee shu keeli na.

Nshɛ 3:2

Baa malga a gbiti ma nna a kaŋɛ le: “Ebɔrɛ maaŋ mɔlga mo.”

Nshɛ 44:5

Fo eleŋgboŋ na e shin nɛ an ŋmɛa an doŋana n lɛ nseŋ chichi bumo so.

Nshɛ 49:12

Anyi edimɛdi be eyilikpa maa chɛr nsaa loge nɛ an wu, fanɛ kananɛ kusɔbɔya bee wu na.

Nshɛ 60:12

Fo Ebɔrɛ nawule e naŋ tiŋ n shin nɛ an kɔ m pɔɔ so, nɛ fo fifɛa an doŋana m mata kasawule.

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 63:3

Nɛ Enyɛnpe Ebɔrɛ na kaŋɛ le: “Ma e nyaŋ efuliana na fanɛ asɔrso nɛ baa tre greeps na nɛ esa kikɛ maŋ chɛ ma to. N nya agbo nna n nyaŋ bumo fanɛ asɔrso, nɛ bumo be ŋklaŋ gbiti ma asɔbuuso.

Jɛremaya 17:13

O Enyɛnpe Ebɔrɛ, fo du fanɛ kubuye nɛ k bee sa Israɛl nchu nɛ e bee sa ŋkpa nɛ tama nna. Bekama nɛ b kplaŋ fo so bee ji anishinyɔr nna. Baaŋ foe basa be anishi so fanɛ b ka wu n yɔ bubuni to na.

Habakuk 3:13

Fo lar m ba nna nɛ fo ba mɔlga fo basa, nɛ fo ewura laraso. Fo ŋmɛa amukpakpasowuraana be ejuŋkparpo n lɛ, nseŋ mur basa nɛ b bɛ mo so na cheche.

Zakareya 10:5

Juda be basa beeŋ sɔ kelempo fanɛ benapo nɛ b kɔ m pɔɔ bumo doŋana so nsaa chichi bumo so fanɛ ekpa to be depɔ na. Ŋkpal Enyɛnpe Ebɔrɛ na ka wɔ bumo kutɔ so, baaŋ kɔ m pɔɔ bedoŋ nɛ b dii egbaŋɛ a kɔ gba so.

Malakai 4:3

Kachɛ nɛ meeŋ ba ji asheŋ nɛ amo be ekpa so na, menyeeŋ pɔɔ belubiworapoana so nɛ b ki fanɛ menyi be aya to be shishɛr. Ma Enyɛnpetale na e malga na.

1 Samuɛl 24:11

Yiramu, keni kusɔ nɛ ŋ keta ere, fo gbagba be piŋi be keyɛlbi nna na. Baa nyi fanɛ kananɛ m baŋ nya ekpa ŋ ku fo piŋi be keyɛlbi ere, loŋ be ekpa nɛ n daa kɔ nɛ n tiŋ m mɔ fo gba, ama ma alɛ maŋ wora loŋ. Amoso le e daga fo alɛ gba ka pin fanɛ ma ere maŋ kɔ nfɛra lubi kikɛ n sa fo. Kashenteŋ nna fanɛ maŋ wora fo shɛŋ, ama fo alɛ pere kenishi a fin ma kemɔ.

1 Samuɛl 24:18

Ama kabre, fo kaŋɛ ma kelela nɛ fo wora ma saŋɛ so nɛ Enyɛnpe Ebɔrɛ ta ma m bɔɔ fo enɔ nɛ fo kini kemɔ ma na.

1 Samuɛl 24:20

Naniere nɛ m pin fanɛ, fo e naaŋ ba ki Israɛl be ewura nɛ fo kuwurji malɛ e ji eleŋ ga.